يا جدعان كل سنة وانتو طيبين وعيد سعيد عليكو...

[Mahmoud Zakaria]

يا جدعان كل سنة وانتو طيبين وعيد سعيد عليكو كلكو
عاوز اسافر مكان ف مصر اتفسح فيه بس يكون جديد من الاماكن اللي بتكتشفوها ويكون مميز عشان هقضي فيه اليوم كله فكرت اروح .. مطروح .. اسماعيلية .. سويس .. بس معرفش اماكن هناك .. اللي راح هناك يقولي ايه الاماكن وفين في المحافظة ..واللي عنده أماكن جديدة يقول بقي

 

[Yousab N. Shehata]

مروحتش في حته بس بأسمع ان سهل حشيش وراس شيطان ودهب حلوين جداا
او سيوة والفيوم بس في الشتا مش في الصيف خالص

 

[Engy Tantawy]

في الصيف دة الاحسن مطروح

 

[Haneen Hosam]

مرسى مطروح ممكن تروح شاطيء عجيبة و حمامات كيلوباترا و الكورنيش... و في شاطيء ليلى مراد تروحوا برضو و ممكن تركب ال Banana boat... بس المشكلة ان كل مكان من دول محتاج يوم لوحده لان المسافة كبيرة بينهم... يعني لو هتقعد اكتر من يوم تقدر تروح مثلًا عجيبة او حمامات كيلوباترا و ليلى مراد ف نفس اليوم و الكورنيش بليل لان عجيبة و حمامات كيلوباترا تصوير بس ف يدوب ساعة فيهم كفاية... احنا كنا بننزل من البيت ٨الصبح مثلًا عشان نلحق نروح مكانين لان الشواطيء بتقفل ٦ المغرب