اذكر في فحوصات ضرورية كان محتاجها ولدي، وكان لابد انها تصير وهي مكلفة جداً، طلبوا مننا المستشفى ننتظر الين ياخذوا الموافقة من شركة التأمين عليها، اجتمعت فينا الموظفة المختصة وبلغتنا بالكلام هذا، وقالت لنا احنا راح نوضح لهم اهمية هذه الفحوصات وأهميتها ومدى حاجتنا لها، وغالباً راح يوافقوا عليها لانها بناء على طلب الاطباء والمستشفى، وفعلاً خلال يومين جاتهم الموافقة وسووا التحاليل والفحوصات اللازمة.
ماكان فيه اي تواصل بيننا وبين شركة التأمين في الموضوع هذا، والتنسيق كامل كان بينهم وبين المستشفى مباشرة.
فنصيحتي لك.. خلي المستشفى في اقسام علاقات المرضى والاخصائيين الإجتماعيين ومسؤلي التأمين في المستشفى يتواصلوا مع شركة التأمين ويوضحون لهم ضرورة حاجتهم لها وأهميتها، وان شاء الله تنحل.
وطهور ان شاء الله.
