H
Helmy Nazmi
:: مسافر ::
تجربة سيئة مع سفارة التشيك في القاهرة ، كنت مسافر في شهر 8 عشر ايام سياحة و جهزت كل الاوراق المطلوبه و علي رأسها نسخ من كل التشنجن اللي واخدها قبل كدة و روحت في الميعاد اللي خدته من ع الويب سايت فوجئت بموظف السفارة بعد ما استلم كل اوراقي و رجعها و خلاص بيطلب مني اسدد تمن فيزا لقيته بيقولي بس عند مشكلة ان في تاريخ العودة بتاعك الباسور هتبقي مدة صلاحيته 6 شهور الا كام يوم و ده ما ينفعش قولتله بس وفقا لقوانين التشنجن من علي الموقع الرسمي بتاعهم صلاحية الباسبور من تاريخ العودة تكون 3 شهور مش سته رد عليا و قالي ده وفقا للقوانين المصرية و المطارات المصرية و رفض استلام الباسبور و حاولت اتكلم معاه اتعصب و طلب مني مغادرة المكان و ان مفيش حل غير اني اروح اجدد الباسبور و اقدم من الاول .للاسف اضطريت اكنسل الرحلة كلها . و للعلم حاولت اتأكدت عن طريق الاصدقاء من الجوازت في مطار القاهرة و كان ردهم ان مفيش الكلام ده و طالما الباسبور صلاحيته سارية و جواه تأشيرة في مفيش اي مشكلة. يعني للاسف السفارة اتسببت اني الغي الرحلة بدون اي مبرر حقيقي. ايه رأيكم في الكلام ده و حد عنده تجربة مشابهة او اي معلومة عن الكلام ده.