A
Adham Hilaly
:: مسافر ::
#سافر_صح
فينسيا | إيطاليا
مدينه الحب
مدينه الماء
او مدينه البندقيه
مش هخبي حبي أنا وجيسي لدوله ايطاليا وبنفضلها على دول كتير تانيه زرناها
وازاي مش نفضلها وفيها افضل مناظر طبيعيه مع اجمل اكلات وكمان شعب مرحب جدا بالسياح بشكل عام
ايطاليا أساسا تحس أنها مش من أوروبا . تحس انهم قريبين مننا اكتر . دمهم خفيف . جدعان . ولاد بلد
اذا كانت ايطاليا مش شبه أي دولة في أوروبا
فينسيا بقا هي عالم تاني ملوش مثيل على الكوكب
حالة بمعني الكلمة . . تجربة مش هتتكرر لو لفيت العالم كله
فينيسيا يمكن تكون الافضل في مدن ايطاليا من وجه نظرنا
زرنا وسط ايطاليا وريفها الشهير توسكانا وكمان فلورانس وزرنا عاصمه التاريخ روما ولكن مكنتش ابدا في جمال وفي سحر مدينه فينسيا
المدينه العائمه
مفيش عربيات في المدينه ديه
ازعاج ماتور العربيات والزحمه ملوش وجود
المدينه عايمه على المايا بمعنى الكلمه
وسيله المواصلات الوحيده المراكب او المشي
عشان كدا بتلاحظ ان كل مواطني المدينه في صحه جيده ورياضيين
المدينه ديه عباره عن ١١٦ جزيزه صغيرين جدا بيوصل بينهم ٤١٦ جسر و٧ الاف شارع
لما تمشي في شوارعها الضيقه المشهوره مش هتبطل استمتاع بشكل البيوت والوانها وريحه الاكل اللي طالعه من البيوت ديه
المطاعم المستخبيه وافضل قهوه ممكن تشربها في حياتك
ومش هتعرف منين بيجي صوت الموسيقي الحي طول مانتا ماشي
وممكن تسمع وانتا فوق الجسر واحد بيغني اوبرا بصوت جهوري قوي وتلاقيه هو سائق الغندول او المركب الرومانسي المشهور
القارب ده طوله ١١ متر وليه لبس خاص تقليدي عندهم
مينفعش متركبش المركب لو انتا هتزور فينسيا
انتا وشريك حياتك هتكتشفوا المدينه من خلال المركب
من كل مكان في فينسيا تقدر تشوف اجمل شروق وغروب شمس شوفته في حياتك
سان ماركو ده اسم اكبر مياديين المدينه
قمه في الروعه والفن والجمال والرومانسيه
لكل اللي بيبحث عن الرومانسيه والهدوء وانك تنفصل عن العالم اللي انتا عارفه
احب اقولك فينسيا هي وجهتك
بس خلي بالك تروح في فصل الشتا
احجز من بدري عشان التأشيره وكمان عشان الاسعار والعروض القويه من خلال الانترنت
فصل الصيف اللي بيبدأ من شهر ٥ وينتهي على٨ هو افضل وقت انك تقضي وقت خيالي مع شريك حياتك
متنساش الايس كريم اللذيذ والقهوه الاصليه بمعنى الكلمه والجو الصافي والموسيقى الرايقه وطعم الفواكه الجميل والمكرونه والبيتزا الايطاليه الشهيره
من فينسيا تقدر بالقطر خلال ساعتين تكون في وسط الريف الايطالي توسكانا وفلورانس
وكمان بالقطر لمده ٥ ساعات تقريبا تكون في روما
حصولك على تأشيره “شنجن” بيخليك تقدر تزور كل دول اوروبا بحريه تامه
يعني ممكن تطلع من ايطاليا على جارتها فرنسا او على جارتها النمسا بتكاليف جدا قليله و في وقت سريع
و دلوقتي هنسيبكم مع فيديو رحلتنا لفينسيا
#شريك_الحياة
#أدهم_و_جيسي
فينسيا | إيطاليا
مدينه الحب
مدينه الماء
او مدينه البندقيه
مش هخبي حبي أنا وجيسي لدوله ايطاليا وبنفضلها على دول كتير تانيه زرناها
وازاي مش نفضلها وفيها افضل مناظر طبيعيه مع اجمل اكلات وكمان شعب مرحب جدا بالسياح بشكل عام
ايطاليا أساسا تحس أنها مش من أوروبا . تحس انهم قريبين مننا اكتر . دمهم خفيف . جدعان . ولاد بلد
اذا كانت ايطاليا مش شبه أي دولة في أوروبا
فينسيا بقا هي عالم تاني ملوش مثيل على الكوكب
حالة بمعني الكلمة . . تجربة مش هتتكرر لو لفيت العالم كله
فينيسيا يمكن تكون الافضل في مدن ايطاليا من وجه نظرنا
زرنا وسط ايطاليا وريفها الشهير توسكانا وكمان فلورانس وزرنا عاصمه التاريخ روما ولكن مكنتش ابدا في جمال وفي سحر مدينه فينسيا
المدينه العائمه
مفيش عربيات في المدينه ديه
ازعاج ماتور العربيات والزحمه ملوش وجود
المدينه عايمه على المايا بمعنى الكلمه
وسيله المواصلات الوحيده المراكب او المشي
عشان كدا بتلاحظ ان كل مواطني المدينه في صحه جيده ورياضيين
المدينه ديه عباره عن ١١٦ جزيزه صغيرين جدا بيوصل بينهم ٤١٦ جسر و٧ الاف شارع
لما تمشي في شوارعها الضيقه المشهوره مش هتبطل استمتاع بشكل البيوت والوانها وريحه الاكل اللي طالعه من البيوت ديه
المطاعم المستخبيه وافضل قهوه ممكن تشربها في حياتك
ومش هتعرف منين بيجي صوت الموسيقي الحي طول مانتا ماشي
وممكن تسمع وانتا فوق الجسر واحد بيغني اوبرا بصوت جهوري قوي وتلاقيه هو سائق الغندول او المركب الرومانسي المشهور
القارب ده طوله ١١ متر وليه لبس خاص تقليدي عندهم
مينفعش متركبش المركب لو انتا هتزور فينسيا
انتا وشريك حياتك هتكتشفوا المدينه من خلال المركب
من كل مكان في فينسيا تقدر تشوف اجمل شروق وغروب شمس شوفته في حياتك
سان ماركو ده اسم اكبر مياديين المدينه
قمه في الروعه والفن والجمال والرومانسيه
لكل اللي بيبحث عن الرومانسيه والهدوء وانك تنفصل عن العالم اللي انتا عارفه
احب اقولك فينسيا هي وجهتك
بس خلي بالك تروح في فصل الشتا
احجز من بدري عشان التأشيره وكمان عشان الاسعار والعروض القويه من خلال الانترنت
فصل الصيف اللي بيبدأ من شهر ٥ وينتهي على٨ هو افضل وقت انك تقضي وقت خيالي مع شريك حياتك
متنساش الايس كريم اللذيذ والقهوه الاصليه بمعنى الكلمه والجو الصافي والموسيقى الرايقه وطعم الفواكه الجميل والمكرونه والبيتزا الايطاليه الشهيره
من فينسيا تقدر بالقطر خلال ساعتين تكون في وسط الريف الايطالي توسكانا وفلورانس
وكمان بالقطر لمده ٥ ساعات تقريبا تكون في روما
حصولك على تأشيره “شنجن” بيخليك تقدر تزور كل دول اوروبا بحريه تامه
يعني ممكن تطلع من ايطاليا على جارتها فرنسا او على جارتها النمسا بتكاليف جدا قليله و في وقت سريع
و دلوقتي هنسيبكم مع فيديو رحلتنا لفينسيا
#شريك_الحياة
#أدهم_و_جيسي
