يا جماعه لو سمحتوا عاوزه اسأل لو كان فى...

[Mia Ryad]

يا جماعه لو سمحتوا عاوزه اسأل لو كان فى اوتيلات فى مصر بتقبل اقامه لبنات سينجل ؟؟

عشان انا عرفت ان ده مش مسموح فى اماكن كتير

 

[Ahmed Elkenany]

مفيش فندق بيرفض اصلا انك تقعدى سينجل فى اى مكان فى الجمهوريه

 

[Remon G. George]

La tab3an mafesh al klam d

 

[Maged Zarief]

حضرتك تشرفى اى فندق فى مصر ومرحب بيكى ايضا

 

[Iman Asaad]

كان ف بوست فى اراء مختلفه بنات حصل معاها كده واتمنعوا وبنات تانى لا
كلمى الفندق واتاكدى والاحسن تحجزى اون لاين

 

[Kmaa Kmaa]

لا فعلا ممنوع طلما اقل من أربعين سنه لكن لو فندق خمس نجوم فقط ممكن

 

[Maha Abd El Barry]

إزاى ممنوع يعنى ؟؟ مش ممنوع ولا حاجه أنا متأكده فندق كبير محترم عادى ، فنادق تحت السلم ممكن .

 

[Amr Borham]

عادي

 

[الخليفة عبدالله]

اقل من5 نجوم ممنوع

 

[Adel Ammar]

التخلف عدى كل الحدود
هيحصل ايه يعنى لما بنت تقعد لوحدها فى فندق ايه الغلط فى ده مش فاهم

 

[Mohammed Farrag]

اي فندق يقبل عادي والبوكينك موجود

 

[Mohammad Omran]

هو حضرتك جبتى المعلومه دى منين !! انا بحجز لبنات سينجل و عمر ما بيحصل مشاكل .. المشكله بس لو فى حد معاها

 

[Hosam Sabra]

≥40

 

[Mariam Mohamed Osama]

كل الأوتيلات مسموح فيها ماعدا دور الجيش

 

[Samir Osama]

مفيش مشكله خالص مسموح عادي

 

[Mohamed Soliman]

اول مره اسمع و على الهموم لو فى مشكله فى سكن مفروش كتير فى القاهره

 

[Ahmed Hasan]

احجزي عن طريق مكتب سياحي هتقعدي في اي اوتيل غصب عنهم
لو رحتي مع نفسك بيقولولك مفيش اوض

 

[Hassan Jad]

من على بوكينج !
مفيش السياسة دي !
و هتدخلي بياناتك ! اللي هيا اسمك يعني بنت و معهاش حد .. هيتمم الحجز .. تتصلي بيهم ف التليفون تأكدي ! و بس
محصلش ادامي حاجة زي دي

 

[Amany Mostafa]

بصي عشان ده كان شغلي ممكن لو عن طريق شركه سياحه او بوكينج تعملي الحجز هتسكني عادي بس قبل ما هتخدي مفتاح غرفتك هيبقي امن الفندق عارف انك سنجل وهيكون عليكي العين

 

[Mahmoud Abd Elazeem]

موجود....