السلام. عليكم. انا باذن الله طالع عمرة قريب...

  • بادئ الموضوع بادئ الموضوع Abdallah Amin
  • تاريخ البدء تاريخ البدء
عرض العطلة
عرض العطلة
#27
ان شاء الله عمرة مقبولة
اثناء العمرة يا ريت مايكونش معاك اي حاجة مهمة .. سيب كل حاجة ف خزنة الفندق .. ومعاك فقط كارت الفندق عشان لو نسيت انت فين ..
 
#28
في خطأ شائع ..
الامساك عن مبطلات الإحرام يبدأ عندما تنوي الإحرام يعني عند الميقات
وليس كما يعتاد الكثيرون من بدء ارتداء لبس الإحرام ..
 
#29
حاول اول متنزل من الطيارة تتحرك فاول اوتوبيس و تطلع جري على الجوازات عشان ممكن تتاخر دقيقة فتلاقي الطابور بقى لحد مصر و مطار جده بالهم طويل شوية دا لو مطار جده
باب الحرم تقريبا بيتقفل قبل الصلاة بتلت ساعه فبتبقى ماساة و بتضطر تصلي برا فحاول تروح الحرم بدري
يوم الجمعة انزل من الساعة 9
احلى مكان فالحرم كله قدام باب الكعبه
حاول تلف فالحرم و تدخل من كل الابواب
صلي كل وقت في مكان... الفجر حاول تصلي عند الكعبه
لو هتعمل عمرة تانيه هتروح مكان اسمه مسجد التنعيم هتلاقي اتوبيسات من بعد هيلتون كدا -تقريبا مش فاكرة الاسم اوي-
ب 4 ريال هتوديك تدخل المسجد تتوضا و تصلي ركعتين تنوي الاحرام و ترجع
اجمل وقت للعمرة من الساعه 10 كدا لحد الفجر
 
عرض العطلة
#31
اغلب كلام الاعضاء ممتاز .. بس بأكد عليك تاني كل ما كان حملك خفيف و مش شاغل نفسك بشيل كتير .. كل ما هتستمتع اكتر .. خلي معاك ازازة صغيرة املاها زمزم و كل ما تحس بعطش أو (جوع) اشرب منها .. اقرا كتير عن العمرة و ادابها و سننها .. احرص على صلوات الجنازة ثوابها قيراطين في الجنة .. التبكير قبل كل صلاة بنص ساعة .. و الجمعة قبلها بساعتين على الاقل
 
#32
فيه دعاء بعد شرب مياه زمزم مأثور عن النبي عليه الصلاة و السلام
اللهم إني أسألك علما نافعا ورزقا واسعا وشفاء من كل داء بعد ما تشرب علي السنة ثلاث مرات
 
#33
و متنساش تجيب بلح بالشكولاته من بن داود انا كانت لاجئة عندهم
هتلاقي بسكوت بالكاجو و الفستق طعمه رهيييب
 
#34
اقراء بتركيز احكام واداب واخطاء العمره اولا
ثانيا اكثر من الطواف وهو لازم يكون سبع اشواط من بداية الحجر وادعوا اثناء الطواف وبعده صل ركعتين سنة الطواف خلف المقام او اي مكان بالحرم
ثالثا افضل الطاعات بالحرم الصلاة لانها مضاعفه والطواف لانه لا مكان له الا بالحرم
اخيرا الدعاء مستجاب عند الملتزم وهو من نهاية باب الكعبه من الشمال الى الحجر
اخيرا اقراء وتعلم بتركيز قبل السفر
تقبل الله منك
 
#35
انسي الدنيا وعيش حياتك ومتربطش نفسك بحد ومتشغلش بالك بالشراء ولا تنسي الصلاه في الروضه الشريفه والدعاء والدعاء عند النظرة الاولي للكعبه واشرب ماء زمزم كتير كتير انا لسه راجع الاربعاء الماضي والدنيا هناك زحمة جدا والجو نارنارنار
 
عرض العطلة
#38
خد معاك مكنه حلاقة شعر عشان التحلل بلاش تستعمل بتوع الحلاقين اللي هناك
وعند الميقات لما الطيار يقول أنكم هتعدو علي الميقات تقول لبيك عمره وان حبسني حابس فمحلي حيث حبستني
دا علشأن لو حصل أي حاجه ومقدرتش تكمل عمرتك ميبقاش عليك هدي
وطبعا لا تنسانا من صالح دعائك
 
#39
لو اقامتك في الاوتيل بالافطار بس فكر هاتعمل ايه في الغداء
الاسعار هناك حلوة بس بالريال انما لما تيجي تضربها في 5 بعد التعويم اعصابك هاتتعب
انا لسه راجعه من هناك امبارح
هاديك مثال و قيس عليه علبه جبن مثلثات ال8 قطع لافاش كي ري ب5 ريال =25ج
علبه التونه ب10ريال= 50ج
علبه الزبادى بريال =5ج
رغيف العيش البلدى بتاعنا بنص ريال = 2.5ج
وجبه فراخ البيك 12 ريال (و ده المطعم المعروف عند الحرم في مكه ، كلها بقي كافتيريات سنوتشات)
انت ممكن تاخد شويه معلبات معاك عشان الغداء
 
#40
لو الانتقالات من المدينة بمكه باوتوبيس كبير، احسن أجروا عربيه خاصه ب 500 ﷼ تقريباً.
بدل ما الطريق هياخد 10 ساعات في الاوتوبييس، هياخد 3 ساعات. و العربيه ال gmc بتاخد 8 أفراد، يعني تكلفة الفرد 70 ﷼ تقريباً
 
عرض العطلة
عرض العطلة
عرض العطلة
أعلى أسفل
عودة
قائمة