معلشى اجماعه اعتبرونى زى اختكم الصغيره وبالله...

  • بادئ الموضوع بادئ الموضوع دعاء محمد
  • تاريخ البدء تاريخ البدء
عرض العطلة
د

دعاء محمد

:: مسافر ::
#1
معلشى اجماعه اعتبرونى زى اختكم الصغيره وبالله عليكم حد يفهمنى بقااا اصل انا حاسه ان هيجرالى حاجه انا طالبه فى 3 ثانوى عام ولسه مخلصه امتحانات وحلمى انى اسافر بلاد كتير والف العالم وماشاء الله انا شايفه فى الجروب دا ناس كتيره مقبلين ع السفر ويمكن لاماكن ودول لاول مره اسمع عانها قولولى بقا هو انتوا وصلتو للمرحله دى ازاى هل السبب من جامعه انتوا دخلتوها ولا ايه اصل انا مش فاهمه حاجه خالص وربنا ياريت تفيدونى
 
#2
خلصي تعليمك الاول واجتهدي وادخلي كلية كويسة وحوشي من مصروفك واطلعي رحلات جوا بلدك مع الجامعة رخيصة الاول وبعد باذن الله هتكوني رحالة كبيرة لو حبيتي السفر كل حاجة ف وقتها
 
#3
ملهاش علاقة بالجامعة ده بيكون شغف عندك زي رياضة معينة او هواية بتحبي تعمليها .. لو حاسة انك بتحبي تسافري ممكن تبتدي في اجازات الجامعة تطلعي مع جروب الاول افضل لك .. لما تسافري كتير وتتعاملي مع ثقافات مختلفة تفكيرك هيختلف جدا وهياثر على حياتك وشغلك واختيارك للناس الي تعرفيها كمان .. خلصي بس الثانوية بحواراتها وابتدي خططي
 
#4
ابدئى بسفر داخلى جوه مصر ولما تدخلى الجامعة اعملى حسابك توفرى كل شهر مبلغ من حاجات مش ضروريه وبتقدرى تستغنى عنها وسافرى فى الاجازة خارج مصر بلد تكون الفيزا سهله وبعد كده هتلاقى نفسك فهمتى جدا فى السفر والتوفير فى الرحلات بالتوفيق
 
#5
ملوش علاقة بجامعة ليه علاقة بهدف او هواية او عشق
حوشي ومتصرفيش فلوس علي حاجات تافهة او منظرة
واتصاحبي علي الناس اللي بيحبوا السفر
خشي عالم الكاوتش سيرفنج
تابعي المصريين والعرب الشباب اللي بيسافروا وليهم صفحات
زي ريهام ابوبكر وعمرو بدوي وغيرهم كتير
اكتشفي بلدك وبعدين هتلاقي فرص السفر تجيلك :)
 
عرض العطلة
#8
يااختنا الصغيره كلنا حلمنا زيك فيه إللى اتحقق حلمه وفيه اللى لم يتحقق ركزى فى تعليمك اولا وانوى انك تسافرى لما تستطيعى السفر لان السفر وقت و فلوس وإجراءات.... التخصص فى الكليه ليس له دخل لكن اللغات مطلوبه
 
#9
لا لها علاقة بتعليم و لا وراثة غالبا ،،، دي زي الهواية كدة ، ابداي بالبحث عن اماكن جوة مصر حلوة و جديدة عمرك ما رحتيها و لو اتبسطي اووووي و رجعتي دورتي علي كل الاماكن و كل الجروبات يبقي انتي زينا ( من الأبطال يا علي هههههه)))
 
عرض العطلة
#11
هههههه لا انا كده صرفت نظر عن الموضوع ال فلوووووس ال مش اما ابقا الاقى اعيش الاول وبعدين نبقا نفكر فى حاجه زى كده والنبى دا انا فكرت ان السفر دا تبع الجامعه
 
#13
دعاء محمد
ما فيش حاجه حلوه تجي بدون مجهود ، اللي قبلي قالوا لك ع حاجات بسيطة تبتدي بيها ، تحوشي ، تطلعي مع الجامعه رحلات وسفريات ، تشتغلي في الاجازة ، الحكاية كلها رغبة وإرادة معاهم عزيمة ...
،
ربنا يوفقك
 
#15
حاولي متديش الاولوية فيً الدراسة
للتعليم المصري الحكومي
الشهادة سهلة
بس طوري نفسك في اللغات وخدي كورسات علي النت مجالات تكون مفيدة وحاباها
كمية الكورسات المجانية اللي تبع جامعات محترمة جداً
عندك كورسيرا وحاجات تانية وشوفي واديً المشمش
 
عرض العطلة
#16
وسيبك من اللي هيقعدوا يقولواً فلوس انا رحت الهند طيران رايح جي
سبع مدن مختلفة اكل وشرب وانتقالات
تلات أسابيع كاملين بست الاف جنيه بس
 
عرض العطلة
عرض العطلة
أعلى أسفل
عودة
قائمة