I
Ismail Almaz
:: مسافر ::
..دلوقتي انا مقتنع ان الحسد موجود عشان القران بس حجمه و تاثيره ديه بقا احاسيس البشر وانا حتكلم عن الجزء التاني ...حنا عادة مفيش وسيلة ينفع نتاكد بيها من الحسد لان الناس بتميل في تفكيرها ان تعتقد انها محسودة ولذلك انا مش بقتنع عل الاطلاق باي نسب مذكورة في المووضع ده ...يعني حد يقولي انا مكنش بيحصلي حاجه واول ما قلت حصلي او مثلا انا اول ما قلت لفلان تعبت ..ليه ؟؟ لان في استعداد مسبق لترقب الامثلة الحياتية الملائمة للاحساس ده لي كلنا تشربناه ثقافيا من صغرنا .فانت بتعد عل نفسك اي مره تعبت فيها وكان قبلها كلام و في نفس الوقت بتنسي الاف المرات لي حكيت ومحصلش حاجه او لي حصلك حاجه ومحكتش ..
S
Sherif Gaber
:: مسافر ::
بص يا ا محمد سافر و اتبسط من غير متعرف حد ولا صور انا بعمل كده لاني كنت بحط الصور ولاقيت مشاكل كتير بتحصلي بعدها لحد ما واحده زميله ليا و هي عراقية لاني بعمل بالعراق قالت ليا بلاش تحط الصور لانك متعرفش الي بيشوفوا الصور ايه الي في نفوسهم و استعين علي قضاء الحاجه بالكتمان وسافر و اتفسح من غير ما حد يعرف نصحيتي اعمل كده و فرج الصور للناس الي انت بتثق فيهم غير كده مواقع التواصل الاجتماعي مش لازم تكون نافذه لحياتنا الشخصية انا بستغرب من ناس ناقص لو هتصليً تكتب يشعر بالخشوع
J
Jojo O'Connell
:: مسافر ::
اشمعنى المصريين بس اللى بيتحسدوا!!! أو العرب بشكل عام!! الواحد عايش مع أجانب من كل الجنسيات وعيالهم ماشاءالله قمرات وبينوروا فى الضلمة ومستواهم كويس وبيغيروا عربياتهم كل كام شهر و عندهم بيوت تحفة فى أوربا و ربنا يزيدهم يارب وبيسافروا على طول و بينزلوا صورهم عالفيسبوك و مابيتحسدوش ليه!!! عمرى ماشوفت حد اجنبى حصله أى حادثة أو مرض وقال أصل فلان حسدنى. .. اشمعنى احنا بس العرب اللى بنتحسد قولوا الحمدلله على الوحش قبل الحلو ومش كل ما حد يحصله حاجة يقول أنا محسود.
S
Somaiya Shakir
:: مسافر ::
عادي تلاقي ناس من دي وتتحسد ... اضمن شي اعمل اكونت جديد وامسح من اكونتك الناس المنفسنة او المريضة ، ولو مهمين او من العيلة ضيفهم ع الاكونت الجديد ، عيش حياتك واستمتع وسافر واعرف ناس شبهك فاهمين انت بتعمل ايه وبتفكر ازاي ... لكن داري على شمعتك وخبي عن الناس التانية ، وحصن نفسك واشكر ربنا على نعمه دي اكبر تحصين
M
Mohmed Al Sharif
:: مسافر ::
ليه بصيت للحسد ومبصتش للنصيب وإرادة ربنا ؟! كلا يصيبنا الا ما كتب الله لنا ...ولو اجتمع اهل الأنس والجن ان يضروك بشئ لم يصيبك شئ الا ما كتبه الله لك ....وانتا لو فكرت انك هتتحسد هتتحسد ...العين مبتحسدش غير ال بياخد باله منها ....متحطش ف دماغك الحسد ..واعرف ان حادثتك دي قدر من ربنا ..الف سلامه عليك
M
Mahmoud Abd Elshafy
:: مسافر ::
بيصعب عليا بجد الناس اللي حياتهم كلها بتدور حول فكرة واحدة.. الحسد .. العين .. الخوف من نظرة الناس .. وداري علي شمعتك ..... الناس دي بتخسر فحياتهم كتير جدا وبيضيعوا علي نفسهم فرص لا حصر لها من التطوير او الاستمتاع او الحياه بشكل أفضل ودا بسبب أوهام وموروثات جاهلية ملهاش اي أساس علمي ولا ديني.
..
سامعك ياللي هتقولي الحسد موجود ومذكور فالقرآن والحسد حق... براحة بس كدا وخلينا نفرق بين (سلوك) الحسد و (النتائج) المترتبة عليه ..الحسد هو نوع من المشاعر زي الحب والكراهية والغضب.. هي مشاعر موجودة بشكل ما عند بعضنا أو كلنا.. شخص بيتمني زوال النعمة من آخر.. الناس اللي بتحسد موجودين فعلا وأنا مؤمن بوجودهم ، ولكني غير مؤمن بوجود أي نتائج مترتبة علي الحسد تحدث من تلقاء نفسها.. بالعكس أنا شايف انك لما تؤمن بوجود قوي خفية تقوم بإحداث ضرر بالمحسود فانت كدا عندك خلل فالإيمان الحقيقي بالله وبقدرته المطلقة وبالقدر خيره وشره.
هتقولي العين حق ؟! هقولك (ولو اجتمعت الامة علي ان يضروك بشئ لن يضروك الا بشئ قد كتبه الله عليك)...
...
لكن في القران ربنا بيقول(ومن شر حاسد اذا حسد)؟؟ .. يا حبيبي الشر دا مرتبط بسلوك وأفعال الحاسد. يعني تخيل مثلا ان جارك بيحسدك ، فبيتمني زوال نعمة عندك ويقوم بالتخطيط لأذيتك أو يأذيك فعلا.. هو دا الشر المستعاذ منه..الشر مش بيتنفذ بالافكار ولكن لازم ايد تنفذه... السورة كلها ٥ ايات (قل اعوذ برب الفلق من شر ما خلق) السؤال هنا : هل (خلق الله ) شر في المطلق يجب الاستعاذة منه ؟! اكيد لا .. احنا بنستعيذ من شرور بعض الخلق اللي ممكن يسببولنا اذي بدني او نفسي بسبب كراهية او حقد او حسد.
.....
وفي القرآن أيضا (قل لن يصيبنا الا ما كتب الله لنا) و (أولم أصابتكم مصيبة قد أصبتم مثليها قلتم أني هذا قل هو من عند أنفسكم).. يعني لو حصلك مصيبة ما علي الارجح أفعالك هي السبب اللي أدي بيك للموقف دا.
ملحوظة: فهمي للآيات غير معتمد علي أي كتب تفسير او غيره انا مأمور بالتدبر وليس بترديد الكلام وربنا هيحاسبني علي التدبر دا عارف فبلاش جدل فالنقطة دي.
...
وبزعل اوي من الناس ال highly educated لما تلاقيه بيقولك أنا كنت كويس وفجأة حصلي كذا وكذا ! يا جماعة أسلوب التفكير العلمي السليم بيقول انك عشان تربط بين حدث ومسبب لازم يكون عندك تجربة قابلة للتكرار .. يعني لما سبنا التفاحة فالهواء ووقعت.. لو رمينا الف تفاحة فالهوا كلهم هيقعوا بردو وبالتالي استنتجنا من التجربة دي قانون بيستند الي وجود الجاذبية الارضية ..لكن تعالي بقي افتح عيونك علي اخرها وقول لواحد انت صحتك كويسة اوي.. وفجأة لقينا الواحد دا جاله مرض.. جميل.. تعالي بقي نقول ل ١٠٠ واحد انتو صحتكو كويسة (فنفس المكان وبنفس بحلقة العين) هتلاقي ان محدش هيمرض غير ٢ او ٣ بالكتير ودا منطقي بقانون الاحتمالات ، لكن العقل المريض الغارق في الاوهام والخرافات بيبحث عن الأسباب في غير موضعها ، وبدل منشوف سبب المرض دا عدوي فيروسية ولة بكتيرية؟ عشان نعرف المفروض ناخد مضاد حيوي او لا ! بدل كدا بنفكر مين اللي حسد المريض!!
...
اتكلمنا بالدين ، وبالاسلوب العلمي ، نتكلم بقي بالهجايص .. معلش يعني انت او انتي اللي هيحسدك هيحسدك علي ايه ؟! انت ضايع اصلا .. اتجوزت؟ خلفت؟ عندك عربية؟ بتشتغل كويس؟ صحتك حلوة ؟ عادي جدا والله فيه آلاف من الناس بل ملايين زيك كدا .. الاولي بالحسد واحد أخد جايزة نوبل مثلا..ملياردير زي ابو هشيمة.. عبقري زي مارك زوكيربرج.. لاعب كورة عالمي زي ميسي او رونالدو بقالهم ١٠ سنين بيتحسدوا ومحصلهمش حاجة اهو و بيزدادوا ملايين وانت بتزداد بؤسا .. الناس دي احق انهم يخافوا من الحسد لو كان موجود ، لكن لانهم فاهمين الحياه كويس وعارفين ان النجاح مرتبط بالأخذ بالاسباب (والفشل كمان) فمش بيفكروا فالاوهام والخرافات اللي انت معيش نفسك فيها طول الوقت ومخلياك خايف حتي تفرح.!
....
كلمة اخيرة : الحسد يا جماعة طاقة سلبية تجذب صاحبها للأسفل وتحط من قدره وهي لا تسبب أي نوع من الأذي طالما لم تنتقل من مجرد مشاعر الي حيز التنفيذ.. الحسد لا يؤذي الا صاحبه ، لأنه نوع من المقارنة المريضة مع شخص أفضل وبالتالي بيسبب احباط وفقدان الامل فالتطور ، ولو الحاسد فكر يبدل مشاعره السلبية بمشاعر ايجابية تجاه المحسود لكان خيرا له .. ازاي نقلد الشخص الافضل؟ ازاي نوصل للي وصله؟ ازاي نتعلم منه؟ ازاي نكون احسن منه ؟!
الناس اللي بتحسد جربوا والله تعملوا كدا وهتحسوا بفرق رهيب ، والناس الغرقانة فاوهام الخوف من الحسد فوقوا الله يكرمكوا.
..
سامعك ياللي هتقولي الحسد موجود ومذكور فالقرآن والحسد حق... براحة بس كدا وخلينا نفرق بين (سلوك) الحسد و (النتائج) المترتبة عليه ..الحسد هو نوع من المشاعر زي الحب والكراهية والغضب.. هي مشاعر موجودة بشكل ما عند بعضنا أو كلنا.. شخص بيتمني زوال النعمة من آخر.. الناس اللي بتحسد موجودين فعلا وأنا مؤمن بوجودهم ، ولكني غير مؤمن بوجود أي نتائج مترتبة علي الحسد تحدث من تلقاء نفسها.. بالعكس أنا شايف انك لما تؤمن بوجود قوي خفية تقوم بإحداث ضرر بالمحسود فانت كدا عندك خلل فالإيمان الحقيقي بالله وبقدرته المطلقة وبالقدر خيره وشره.
هتقولي العين حق ؟! هقولك (ولو اجتمعت الامة علي ان يضروك بشئ لن يضروك الا بشئ قد كتبه الله عليك)...
...
لكن في القران ربنا بيقول(ومن شر حاسد اذا حسد)؟؟ .. يا حبيبي الشر دا مرتبط بسلوك وأفعال الحاسد. يعني تخيل مثلا ان جارك بيحسدك ، فبيتمني زوال نعمة عندك ويقوم بالتخطيط لأذيتك أو يأذيك فعلا.. هو دا الشر المستعاذ منه..الشر مش بيتنفذ بالافكار ولكن لازم ايد تنفذه... السورة كلها ٥ ايات (قل اعوذ برب الفلق من شر ما خلق) السؤال هنا : هل (خلق الله ) شر في المطلق يجب الاستعاذة منه ؟! اكيد لا .. احنا بنستعيذ من شرور بعض الخلق اللي ممكن يسببولنا اذي بدني او نفسي بسبب كراهية او حقد او حسد.
.....
وفي القرآن أيضا (قل لن يصيبنا الا ما كتب الله لنا) و (أولم أصابتكم مصيبة قد أصبتم مثليها قلتم أني هذا قل هو من عند أنفسكم).. يعني لو حصلك مصيبة ما علي الارجح أفعالك هي السبب اللي أدي بيك للموقف دا.
ملحوظة: فهمي للآيات غير معتمد علي أي كتب تفسير او غيره انا مأمور بالتدبر وليس بترديد الكلام وربنا هيحاسبني علي التدبر دا عارف فبلاش جدل فالنقطة دي.
...
وبزعل اوي من الناس ال highly educated لما تلاقيه بيقولك أنا كنت كويس وفجأة حصلي كذا وكذا ! يا جماعة أسلوب التفكير العلمي السليم بيقول انك عشان تربط بين حدث ومسبب لازم يكون عندك تجربة قابلة للتكرار .. يعني لما سبنا التفاحة فالهواء ووقعت.. لو رمينا الف تفاحة فالهوا كلهم هيقعوا بردو وبالتالي استنتجنا من التجربة دي قانون بيستند الي وجود الجاذبية الارضية ..لكن تعالي بقي افتح عيونك علي اخرها وقول لواحد انت صحتك كويسة اوي.. وفجأة لقينا الواحد دا جاله مرض.. جميل.. تعالي بقي نقول ل ١٠٠ واحد انتو صحتكو كويسة (فنفس المكان وبنفس بحلقة العين) هتلاقي ان محدش هيمرض غير ٢ او ٣ بالكتير ودا منطقي بقانون الاحتمالات ، لكن العقل المريض الغارق في الاوهام والخرافات بيبحث عن الأسباب في غير موضعها ، وبدل منشوف سبب المرض دا عدوي فيروسية ولة بكتيرية؟ عشان نعرف المفروض ناخد مضاد حيوي او لا ! بدل كدا بنفكر مين اللي حسد المريض!!
...
اتكلمنا بالدين ، وبالاسلوب العلمي ، نتكلم بقي بالهجايص .. معلش يعني انت او انتي اللي هيحسدك هيحسدك علي ايه ؟! انت ضايع اصلا .. اتجوزت؟ خلفت؟ عندك عربية؟ بتشتغل كويس؟ صحتك حلوة ؟ عادي جدا والله فيه آلاف من الناس بل ملايين زيك كدا .. الاولي بالحسد واحد أخد جايزة نوبل مثلا..ملياردير زي ابو هشيمة.. عبقري زي مارك زوكيربرج.. لاعب كورة عالمي زي ميسي او رونالدو بقالهم ١٠ سنين بيتحسدوا ومحصلهمش حاجة اهو و بيزدادوا ملايين وانت بتزداد بؤسا .. الناس دي احق انهم يخافوا من الحسد لو كان موجود ، لكن لانهم فاهمين الحياه كويس وعارفين ان النجاح مرتبط بالأخذ بالاسباب (والفشل كمان) فمش بيفكروا فالاوهام والخرافات اللي انت معيش نفسك فيها طول الوقت ومخلياك خايف حتي تفرح.!
....
كلمة اخيرة : الحسد يا جماعة طاقة سلبية تجذب صاحبها للأسفل وتحط من قدره وهي لا تسبب أي نوع من الأذي طالما لم تنتقل من مجرد مشاعر الي حيز التنفيذ.. الحسد لا يؤذي الا صاحبه ، لأنه نوع من المقارنة المريضة مع شخص أفضل وبالتالي بيسبب احباط وفقدان الامل فالتطور ، ولو الحاسد فكر يبدل مشاعره السلبية بمشاعر ايجابية تجاه المحسود لكان خيرا له .. ازاي نقلد الشخص الافضل؟ ازاي نوصل للي وصله؟ ازاي نتعلم منه؟ ازاي نكون احسن منه ؟!
الناس اللي بتحسد جربوا والله تعملوا كدا وهتحسوا بفرق رهيب ، والناس الغرقانة فاوهام الخوف من الحسد فوقوا الله يكرمكوا.
H
Hesham M Hussein
:: مسافر ::
أسلوب التفكير العلمي هيقول ان حضرتك لو حابب تمسح على الخف هتمسح أسفله ،، والشرع المكرم قال لك لأ المسح على أعلاه ،، بعض الأمور بتقتضي التسليم ،، الله تعالى يقول ( وما يعلم جنود ربك إلا هو ) ،، (قد جعل الله لكل شيء قدرا ) .. أخي قد يكون القدر أو النصيب متمثل في عين حاسد أو غدر حاقد ،، الأمر موجود وعليه دلالئل وشواهد ،، فعلينا أن نتبع المنهج العلمي بقبول جميع الإفتراضات التي ترد وألا نرد منها شئ حتى يثبت الخطأ ،، المنهج العلمي وتفكيرك وتفكير الكثير لم يصل لكنه وكيف كثير من الأمور على سبيل المثال بناء الأهرامات ،، فلماذا اعمال العقل الزائد والرد والرفض لبعض التفاصيل الدينية ؟ وإستسهال الخوض فيها ،، مع الحرج الشديد والتوقف عن العبث والخوض في الحقائق العلمية والمتخصصة ؟ منهج الحق ألا غلو ولا تفريط الحسد موجود ،، ولكن لا تقتل نفسك وتعزلها عن الناس من اجل الهروب من عيون الحساد وتلميحات العذال 