مساء الخير هو فيه حاجه انا مكسوف أتكلم فيها...

  • بادئ الموضوع بادئ الموضوع Mohamed Hikal
  • تاريخ البدء تاريخ البدء
عرض العطلة
M

Mohamed Hikal

:: مسافر ::
#1
مساء الخير هو فيه حاجه انا مكسوف أتكلم فيها الواحد بيحب ينشر صوره علي الفيس مع أصحابه كده يعني بس معظم الأوقات كلامي عن السفر وأفكر في الرحله الجايه فين وفيه معظم المحيطين بينا بيبصلك كده بحقد مع ان ممكن يكون دخله احسن منك ومصروفه عالي جدا مثلا بيغير تلفون كل شهر. بيجيب لبس ويرمي كده يعني مش منظم وانا الحاجه الوحيدة اللي بتفرحني وتخليني عايش في عالم تاني هو السفر بيكون مش هسافر وعلي طول اشوف التذاكر غاليه رخيصه كده يعني معظم الناس بتبص للواحد بحسد وبحقد مع ان الواحد بيوفر في حاجات كتير عشان يرتب رحله او سفريه وكل شويه حد يقولي انا خايف عليك خلي بالك انت الكلام كتير عليك وانا اقسم بالله في الليله المباركه لا يعنيني فلان معاه عنده اي من الحوارات دي بس الناس مش سايبه حد في حاله ويتجسد الواحد علي هوايتي عملت حدثتين في خلال 3 شهور واحده منهم النهارده وللعلم الحدثتين وانا واقف الحمد لله ونحمد ربنا
 
#2
مفيش بني ادم له سلطان علي بني ادم , كله باذن ربنا , ربط اي حدث بحسد او عين دا خطأ جسيم , دا قدرك اللي ربنا كتبه ليك .
 
#3
في حاجتين تاخد بالك منهم
١. الحسد حاجه موجودة و ما تعرفش مين الي ممكن يحسدك في ناس قرايبين و مستواهم كويس او حد مش قادر عشان كده حاول تنشر معلونات حياتك الشخصية في نطلق محدود انت تختاره
٢. ارقي نفسك و دايما عليك بالادعية
دعاء الخروج من المنزل دعاء ركوب العربية و خلافه
و بعد كل دا النصيب لازم يصيب و مش كل حاجه حسد في سوء اختيار في عدم توفيق في حاجات كتير
 
#5
لسه كنت بفكر في الموضوع ده من دقايق بس بإختلاف بسيط عنك يعني أعرف حد وضعه المادي ميسمحلوش يتحرك خارج نطاق المدينة اللي هو فيها للحظة لقيت نفسي بقول انا لو مكانه وبشوف إصحابنا كل شويه بيرفعوا صورة او تسجيل دخول للمكان اللي هو فيه اكيد الشعور بتاعه مش هيكون كويس بس انت كشخص ملكش يد في الموضوع هو ظروفه صعبه وانت بتحاول تستمتع بحياتك وبتشارك الأخرين تجربتك الفكرة بس تكمن في ان المتلقي او الطرف التاني بيشوف الموضوع ازاي وبما إن كلنا في مركب واحده هتلاقي تشابه كتير في الأوضاع يعني مثلاً هتلاقي حضرتك في ايام وضعك المالي متيسر وأوقات تانيه مفيش فلوس وبتحاول تقضي الشهر وهكذا الخ الخ
 
عرض العطلة
#6
انا قفلت اكونتي الاساسي بسبب الموضوع الزباله ده مش عشان خايفه اتحسد لاني عندي ثقه في الله بس من القرف والكومينتات اللي ملهاش لازمه طول الوقت
 
#8
بصراحه كلامك سليم، واتفق معاك بموضوع الحسد .

صديق لي ربنا فتح عليه فبقي ينزل صورة في الفيلا بتاعته وكل شوية في بلد. مرة واحدة وفي اقل من ٦ شهور.
جالة شلل.
زوجته سرطان .
بنته نزلت الجنين .
رغم أنه صحته كانت حلوة جدا .


بناءاً عليه شلت كل صوري من الفيس بوك :)
 
عرض العطلة
#11
فعلا الحسد فى السفر بطريقه بشعه كل سنه بسافر انا وجوزى السنه اللى فاتت سافرنا انا وهو وأخواته فى العيد الدنيا كلها قامت علينا وازاى تسافرو كلكوا تسببوا البيت قبل الرحله بيوم جو زى دماغه زى ما يكون هتنفجر واعدنا ندور ع دكتور ملقيناش والبيت زى ما يكون فيه جنازه المهم هو صمم ان احنا نسافر وهو تعبان وحدنا أسبوع السفر كل يوم عند دكتور ولغاية دلوقتي مش عارفين عنده ايه علطول صداع ربنا يعفو عنه
 
#12
انا مسافر بره ونفس الموضوع مع اني مضحي بحياة افضل في مصر ولما بعرض عل صحابي او الناس لي بتقولي انهم يعملوا نفس لي عملته ونفس التضحيات بيرفضوا ز.محدش مثلا عايز بيبيع عربية او بيت لان ده اهم طيب انا خسرت ده
 
#13
والله يا استاذي ،، شنبات كبيره ،، ناس في أرذل العمر ،، من ايام الهجسوس ،، من أكبر راس في العمل بيقولولي الكلمتين البايخين دول ،، برد عليهم يعني انا اغنى منكم ؟ّ!! انا لو معايا جنيه بطبيعتي وتربيتي هتشوفني زي اللي معاه مليون جنيه ،، وانتوا لو معاكم ملايين هتفضلوا شبه الشحاتيين :) هههههه ،، عندي في حدود 4000 صورة مرضيتش انزل منهم غير 10 فقط :)
 
عرض العطلة
#17
للاسف احنا شعب جاهل وتفكيرنا محدود..الناس كش قادرة تغير فكرها للافضل او تكتسب ثقافات جديدة..فكك من الناس
 
#18
تصدق يا Mohamed Hikal انى باعانى من نفس الموضوع .. انا فلوسى كلها ضايعة على السفر ودى متعتى الوحيدة فى الحياة والاقى واحد يقولى بتجيب الفلوس منين وواحد يقولى انت مابتشبعش سفر وهلم جرا لدرجة انى بطلت احط صورى على الفيس ومع ذلك لازم قبل كل سفرية تحصلى مشكلة واقول الحمدلله انها جت على أد كدة .. ماحدش بيسيب حد فى حاله
 
#20
فكرتني بمواقف حصلت لي في ٢٠١٠ كنت نازلة مصر وواحدة مصرية هنا ماكنتش طايقة النرويج مع أنها كانت بتنزل كتير.
المهم قلت لي أن بأحسدك في وشي كدا.
الطائرة جت أوسلو متأخرة وعقبال ماوصلت أمستردام كانت الطيارة طلعت وبعدين قفلوا المطار خالص عشان عاصفة ثلجية ونمت في المطار وكنت لسه عاملة جراحة بقالي كام يوم. والصبح أدوني تذكرة لروما وبعدين ركبت من روما للقاهرة وبعدين ركبت السوبر جيت من القاهرة لإسكندرية .
وأنا راجعة في المطار أتمنعت من السفر لتشابه أسمي الثلاثي مع واحدة ممنوعة من السفر من مكتب النائب العام وطلع عيني عقبال ماخلصت الموضوع.
وبعدين دخت عقبال مالقيت تذاكر ودفّعوني غرامة مع أنها مش غلطتي .. وراح علّيا إمتحان مهم في النرويج وأتأخرت في الدراسة والمدرسة حولتني كلاس تاني عشان أعيد الجزء اللي فاتني .
قعدت عندي إكتئاب شهرين
 
عرض العطلة
عرض العطلة
عرض العطلة
أعلى أسفل
عودة
قائمة