A
Ahmed Mamdouh
:: مسافر ::
نصائح لتأجير السيارات:
1) الشركات المشهورة افيس وسيكست أغلى شركات. استخدم محرك بحث يجيبلك عروض من شركات كتير واختار الأنسب لك. أمثلة لممواقع دي:
easycar.com
novacarhire.com
vehicle-rent.com (نحترمين ورجعولي المقدم بعد ما كنسلت)
expedia.com
غالبا بتدقع مقدم صغير ساعة الحجز والباقي بتدفعه على الكاونتر.
2) لو هتلف بالعربية كتير تأكد إن الكيلومتر مفتوح. (أنليمتد ميليج) علشان في وسط نتائج البحث ممكن من غير ماتاخد بالك تلاقي سيارات بتحاسبك بالكيلومتر بعد ماتعدي مسافة معينة. وطبعا لو هتسافر بيها اتاكد ان لها تذكرة هايواي او اسأل تشتري واحدة منين لو الطرق مش مجانية.
3) سياسة الوقود عادة بتكون انك تستلمها مليانة ترجعها مليانة, ولكن دلوقتي في نظام جديد انك تدقعلهم تمن البنزين اللي فيها ساعة التأجير زائد مصاريف معينة وترجعها فاضية أو يرجعولك تمن اي بنزين فيها. حاول تختار النظام الأول لإنه أرخص وابسط.
4) أخر حاجة ومهمة جدا وفيها لخبطة كتثر موضوع تأمين الحوادث. كل السيارات مؤمنة فوق مبلغ معين اسمه الديداكتابل أو الإكسيس بيتحدد حسب نوع العربية. بمعنى لو عربية صغيرة مثلا يقولك الإكسيس الف يورو. لو عملت حادثة او بوظت حاجة في العربية هياخدو منك تمنها بس بحد اقصى الف يورو. فوق كدة هما هيغطوها. وفي الحالة دي بيحجزوا المبلغ ده من الكريديت كارد ساعة الإيجار وبيفكوه لما ترجعها سليمة. فلازم تبقى عامل حسابك ان الكارت فيه فلوس كفاية.
ساعة ماتحجز اونلاين او على الكاونتر بيعرضوا عليك تأمين شامل يخليك ماتدقعش ولا مليم حتى لو رجعت العربية في اي وضع. ده طبعا أأمن واريح ولكن المشكلة انه بيبقى غالي جدا مقارب لتمن اتأجير اصلا علشان ده من مصادر دخلهم الرئيسية. فيقولك خلي بالك انت كدة مش متأمن لو خربشت العربية أو كسرت المراية ممكن تدقع تلتميت ربعميت يورو. تقدر تشتري التأمين ده أو ممكن تشتري تأمين منفصل من الإنترنت. من المواقع المذكورة تحت. وهنا لو حصل حاجة بتدفع المبلغ لشركة التأجير وتحتفظ بكل الأوراق وبعدين تبعته لشركة التأمين تردلك الجزء اللي انت دفعته. ده بيكون ارخص من شركة التأجير ولكن عيبه انه بياخد وقت اطول ولازم تعمل شوية اجراءات بنفسك بعد ماتكون دفعت الفلوس.
www.worldwideinsure.com
www.icarhireinsurance.com
1) الشركات المشهورة افيس وسيكست أغلى شركات. استخدم محرك بحث يجيبلك عروض من شركات كتير واختار الأنسب لك. أمثلة لممواقع دي:
easycar.com
novacarhire.com
vehicle-rent.com (نحترمين ورجعولي المقدم بعد ما كنسلت)
expedia.com
غالبا بتدقع مقدم صغير ساعة الحجز والباقي بتدفعه على الكاونتر.
2) لو هتلف بالعربية كتير تأكد إن الكيلومتر مفتوح. (أنليمتد ميليج) علشان في وسط نتائج البحث ممكن من غير ماتاخد بالك تلاقي سيارات بتحاسبك بالكيلومتر بعد ماتعدي مسافة معينة. وطبعا لو هتسافر بيها اتاكد ان لها تذكرة هايواي او اسأل تشتري واحدة منين لو الطرق مش مجانية.
3) سياسة الوقود عادة بتكون انك تستلمها مليانة ترجعها مليانة, ولكن دلوقتي في نظام جديد انك تدقعلهم تمن البنزين اللي فيها ساعة التأجير زائد مصاريف معينة وترجعها فاضية أو يرجعولك تمن اي بنزين فيها. حاول تختار النظام الأول لإنه أرخص وابسط.
4) أخر حاجة ومهمة جدا وفيها لخبطة كتثر موضوع تأمين الحوادث. كل السيارات مؤمنة فوق مبلغ معين اسمه الديداكتابل أو الإكسيس بيتحدد حسب نوع العربية. بمعنى لو عربية صغيرة مثلا يقولك الإكسيس الف يورو. لو عملت حادثة او بوظت حاجة في العربية هياخدو منك تمنها بس بحد اقصى الف يورو. فوق كدة هما هيغطوها. وفي الحالة دي بيحجزوا المبلغ ده من الكريديت كارد ساعة الإيجار وبيفكوه لما ترجعها سليمة. فلازم تبقى عامل حسابك ان الكارت فيه فلوس كفاية.
ساعة ماتحجز اونلاين او على الكاونتر بيعرضوا عليك تأمين شامل يخليك ماتدقعش ولا مليم حتى لو رجعت العربية في اي وضع. ده طبعا أأمن واريح ولكن المشكلة انه بيبقى غالي جدا مقارب لتمن اتأجير اصلا علشان ده من مصادر دخلهم الرئيسية. فيقولك خلي بالك انت كدة مش متأمن لو خربشت العربية أو كسرت المراية ممكن تدقع تلتميت ربعميت يورو. تقدر تشتري التأمين ده أو ممكن تشتري تأمين منفصل من الإنترنت. من المواقع المذكورة تحت. وهنا لو حصل حاجة بتدفع المبلغ لشركة التأجير وتحتفظ بكل الأوراق وبعدين تبعته لشركة التأمين تردلك الجزء اللي انت دفعته. ده بيكون ارخص من شركة التأجير ولكن عيبه انه بياخد وقت اطول ولازم تعمل شوية اجراءات بنفسك بعد ماتكون دفعت الفلوس.
www.worldwideinsure.com
www.icarhireinsurance.com