الناس اللي بتشتغل في مكاتب السياحة منهم كتير...

[Shereen Elsayad]

الناس اللي بتشتغل في مكاتب السياحة منهم كتير بيبقوا معتمدين على العمولة اللي هياخدوها منك و مرتبهم الأصلي ضعيف جدا..
أوقات في رحلات بندور على حجز لوحدنا عشان يكون أرخص من المكاتب و اكيد أوقات بتلاقي و اوقات المكاتب أرخص..

يوم لما تلاقي لوحدك اتصل بمكتب من دول يكون متواضع و قوله عايز اللي انت لقيته .. لو قالك سعر أقل خير و بركة .. لو قالك زيه أو أكتر احجز معاه هو مش لوحدك و هو لو عرف هيحاول يزودلك مثلا توصيله للمطار أو رحلة داخلية أو أي حاجة .. انت كده كده هتدفع نفس الفلوس فأكيد مش هتخسر حاجة لو حد كسب معاك

 

[Eman Ezzat]

الكلام دة جميل اوى فعلا

 

[Mohamed Ghareb]

الله ينور

 

[Mohammed Zakaria Abou Taqa]

المشكله اللي قابلتها في شركات السياحه؛ لما بحب اعمل تغير او الغاء للحجز ساعتها المشاكل بتتبان

وكمان سهوله الدفع مش متوفره!!!

 

[Islam Hegazy]

فكره حلوه جداً وجربت اعملها والله لكن المشكلة انهم بعد ما بياخدو الفلوس مش بيلتزمو بطلباتك وبينتقمو منك كمان لو طلبتي تغيري اي حاجه

 

[Abu Aylla]

كلام سليم

 

[Fidoo Sony]

انا بعمل كده بالفعل
بس هي مره واحده الي ظبطت معايا نفس السعر
لكن غير كده لما بسال بلاقي فرق الف جنيه في تذكره الطيران فبعمل خير في نفسي ومبحجزش من شركه السياحه

 

[حسن النص]

عاوز حد يكون مقيم في ايطاليا

 

[Muhammad A. Darweesh]

للأسف هذا الكلام غير سليم بالمرة ، لأن أكثر مكاتب السياحة تبالغ في عمولتها و موظفي هذه الشركات دخلاء على مجال السياحة و كل همهم تدبيس العميل دون أدنى التزام منهم و اعتبار أساس العمل الفهلوة و الوعود البراقة ، التعامل المباشر مع شركات الطيران و الفنادق أفضل حل و أكثرها أمان

 

[Yaseen Hamza]

عندك حق حاجة حلوة إن الواحد يفكر فى غيرة ربنا يجعلة فى ميزان حسناتك

 

[Mohamed Aglan]

انا مع حضرتك مفيش مشكله انهم يكسبو
بس عن تجربه شخصيه لوحدك ارخص بكتير ده غير ان المكاتب بتكون متعاقده مع فنادق معينه و ده بيضيق دايرة البحث عليكي

 

[Mahmoud Wahish]

المصداقيه معدومه فى شركات السياحه ،،واحسن جاجهالتجارب الشخصيه

 

[Marwa Fawzy]

طمنيني حجزتي لرحلة جضرتك والاولاد؟ نفسي ينبسطوا اما يجو مصر

 

[Adel Taha]

انا قلت كلام شبه ده في يوم. في أخ فاضل اتريق علي كلامي واتقمص مع اني قلت اختار الأقل سعرا فيهم ومصلحتك قبل اي حاجة

 

[Muhamed Fathy]

قوليلهم حاجه احنا قربنا نشحت

 

[Ahmed Taha Harby]

Hassan El-Farouni الزبون الحنين ابن الناس

 

[Nourhan Ashraf]

عجبنى الكلام جدا ... و مش كل شركات السياحه بتكون اسعارها اوفر و مفيش مصداقيه .. انا كشركاة سياحة اهم حاجه عندنا هى نقدم خدمة للعميل تكون مميزة بحيث العميل مياخدش فكره عنى ان اهم حاجه هى اكسب منه فلوس و مش مهم اللى هقدمهوله من خدمات ... مجال السياحه زى اى مجال فيه الكويس و فيه الوحش

 

[Ahmed Hasan]

انا بعمل كده، ممكن اجيب التذكرة ارخص شوية بس انا بتفائل باستاذة ليليان و استاذ امير اللي في مكتب السياحة ياللي بتعامل معه

 

[Osama Malik]

الله على القلوب الصافية

 

[DrAbdulla Ebn Masoud]

انا ضد ا لكلام دا و عن خبره حصلت معايه كنت علي مركبه نيل كروز سويس ان اسوان لقصر و سالت في مكتب سياحي و اداني سعر و بما اني مقيم في اسوان روحت المركب بنفسي و سالت لقيت نفس السعر قلت خلاص أنفع المكتب مدام هو هو السعر و اما جيت انزل في الباخرة قالي حضرتك هتنزل في الدور الأرضي و ايلي راح نيل كروز هيعرف ان دا مش حلو قلتله انا حاجز و المكتب قلي تاني او تالت دور قالي المكاتب بتحجز زي المضاربات و بتخصص لهم غرف معينه ودا مكسبه من هنا انا شخصيا مش بحجز من مكاتب