Blabla car اختراع ظريف لاي حد مسافر اوروبا...

[Mohamed Amr]

Blabla car

اختراع ظريف لاي حد مسافر اوروبا وبيلف كتير ..

للي ميعرفوش .. ده بيبقى حد مسافر بعربيته وممكن ياخد ناس معاه في العربية بمبلغ اقل من القطارات واحيانا اقل من الاتوبيسات كمان .. بيلم تمن البنزين يعني تقريبا

سايت بتدخل عليه لو مسافر من مدينة لمدينة تانية .. وبينزللك الاعلانات بتاعت الناس اللي مسافرة في نفس خط السير .. اللي هو معايا ٣ اماكن فاضية في العربية .. بتتواصل معاه وتتفق على مكان تقابلوا فيه وتنطلق

مرة كنت مسافر من فرانكفورت لميونيخ واقل قطر كان ب ٨٠ يورو ساعتها .. دخلت عالسايت ده ولقيت واحد منزل اعلان ب ٢٢ يورو بس وبعربية مرسيدس والراجل كان ماشي على ٢٠٠ طول الطريق

اختراع موفر وظريف .. جربوه او احكولنا تجاربكم معاه :*

 

[Ucef Sifou]

نعم يوجد العديد منها. ممكن تكتب بالفرنسية الكلمة دي و يطلعلك مواقع كثيرة.وتحدد الزمن و مكان الاقلاع و الوصول وكذلك نوع السيارة. الكلمة هي
Covoiturage
حظ أوفر

 

[Rania Ossama]

بس تضمن منين ميكونش هيسرقك ولا حاجه

 

[Riham Hamdy]

Hanan Ahmed Mona Megahed

 

[Warda Ahmed]

كيف راح تضمن هويه الشخص؟
واذا مش ضامن معناتها هذي أسهل طريقه للسرقه والخطف وجرائم الكراهية

 

[Nesma Al]

فين عنصر الامان..مجرد تطبيق...علي مسؤليه من

 

[H Abou Elmal]

يا جماعه انتم مش في مصر عشان يطمع فيكم ويسرقم

 

[Mohamed Amr]

بالنسبة لعامل الامان .. فتقدروا تشوفوا ال reviews وال rating بتاع الشخص قبل ما تتفقوا معاه .. وانت نفسك بعد ما توصل بتدخل تديله rate .. وهكذا

بس طبعا الكلام ده مينفعش في مصر

 

[Warda Ahmed]

ما اعرف عن مستوى أمان مصر بس انا عايشه بالسويد يعني من أأمن دول العالم وبقولك ان التطبيق ما فيه أمان حتى لو مثلا كان بالسويد. الناس مو ملائكه وماله داعي الثقه الزايده بأشخاص ما تعرفهم وكمان سفر من مدينه لمدينه. حتى اللي يحط الريفيوز شعرفك هو فعلا ركب معاه ولا هو نفس الشخص ويكتب ريفيوز لنفسه ولا حتى يمكن يخلي اصحابه يكتبون عنه

 

[Nesma Al]

ماهو من الليبيحصل لنا هنابنعمم الامر ..وبنخاف

 

[Mohamed Amr]

نفس فكرة الامان في السكن airbnb .. تضمن منين الامان .. كل حاجة ليها تمن .. والمغامرة في حاجة مجربة ومعروفة وناس كتير بتستخدمها امر مش صعب

 

[Warda Ahmed]

السكن يختلف لأن عنوان ثابت وكمان طبعا راح تاخذ صورة من هوية الشخص زي ماهو ياخذ صورة هويتك

 

[Mohamed Amr]

لا طبعا مفيش حاجة تجبره يديك صورة الهوية وانا جربته كذا مرة مخدش صورة باسبوري ولا خدت بياناته

 

[Warda Ahmed]

لا هنا عندنا اول شي من بعد السلام ياخذون صور هويات بعض او عالاقل يشوفونها

 

[Mohamed Amr]

ربنا يسترها عالجميع

 

[Nesma Al]

يعني مافيش الزام...بالتاكيد منالهويه...ماشيه بالحب يعني...هههه

 

[Nesma Al]

واضح انها بتختلف من بلدلا اخر

 

[Mohamed Gamal Elghobaier]

الموضوع بسيط يا اخواننا اى حد بيسافر بيعمل توازن بين الامان و المغامرة. لو انت غاوى امان اكتر يبقى فى دول اساسا ماتفكرش تروحها اما لو غاوى مغامرة بالاساس يبقى هتلاقى متعتك فى حاجة زى دى او فى انك تنزل فى بيت حد ماتعرفهوش زى airbnb او couchsurfing
نصيحتى عموما لو مسافر لوحدك اتجنن براحتك و خلى عندك دايما plan Bاما لو مسافر مع ناس مسئولين منك زى عيلتك مثلا فخلى الامان هو اول اولوياتك

 

[Engy Tantawy]

انا اخاف اعمل كدة

 

[Khaled Badry]

بلا بلا كار وسيلة مضمونه للسفر ومفيش حوادث حصلت علي مدار السنين اللي فاتت . طريقة التسجيل في البرنامج لاي حد بيعرض الخدمة بيكون فيها إجراءات متبعة لتحقيق هوية مقدم الخدمة وبيتاخد صورة من بطاقتة او باسبورة .
انا شايف التعليقات ليها علاقة بالخلفية الثقافية لكل واحد فينا لكن الواقع فعلا واللي جرب هيعرف ان فكرة الخطر دي مبالغ فيها .