الله يبارك لكم ويطمنكم عليهم يارب، ومبارك مقدماً.
- في الايام الاولى من الولادة المستشفى راح يصدر لك شهادة ولادة مؤقتة تعبيها وتحتفظ فيها معاك وتعطيهم نسخة منها عشان يرسلوها لدائرة الـ Health department اللي في ولايتكم.
-بعد ماتطلعوا من المستشفى بالسلامة تقدر تمر عليهم او عن طريق البريد تصدر شهادة الميلاد الأصلية، تقدر تاخذ عدد النسخ اللي تبغاه، انصحك اقل شي تصدر نسختين.
- خلال شهر يوصلك كرت السوشال سيكورتي على البريد.
- بعدها تتوجه لاقرب مكتب بريد امريكي تاخذ موعد اصدار جواز سفر امريكي، تاخذ من عندهم نموذج تعبيه وتجيبه مع شيك رسوم الاصدار للجواز الدفتر او الجواز البطاقة او كلاهما ( الجواز البطاقة يستخدم للسفر الى كندا والمكسيك فقط). ومعاك صور شخصية للمولود خلفية بيضاء، في اي مكان تصرير قول لهم ابغاها للجواز. ( يفضل تاخذ اقل شي ٦ صور) وتجيب معاك شهادة الميلاد الأصل.
- يستلموها منك بعد ماتدفع قيمة الارسالية، وتوصلك خلال ثلاث اسابيع، الجواز الدفتر في ظرف، والبطاقة في ظرف، والشهادة في ظرف.
- خلال هذه الفترة.. تعبي نموذج اصدار تذكرة مرور للمولود عن طريق موقع السفارة السعودية، تدخل موقعهم وتعبي النموذج وفيه مشروح الخطوات، مهم جداً تاخذ رقم الطلب من البداية وتدفع في موقع انجاز الرسوم، وتاخذ رقم الفاتورة عشان تحتاج تدخلها في خانات النموذج.
- تطبع كل الاوراق، وتحطها في ظرف وترفق معاها ٤ صور للمولود، فاتورة السداد، شهادة الميلاد الأصلية صور جوازاتكم، عقد الزواج، صورة كرت العائلة....الخ اي مرفق ارفقته في النموذج حق السفارة ورفعته على الموقع صوره وارسله لهم، كمان تحتاج في الاخير تطبع النموذج بعد ماتعبيه، توقعه وترفعه في الموقع.
تتطلب من مكتب البريد يضيف لك ظرف مدفوع مسبقاً مع الشحنة عشان يرسلون لك التذكرة والشهادة. ويفضل تضيف خدمة التوقيع للظرفين عند الاستلام.
مقعد الطفل جداً مهم للسيارة، وعدم استخدامه يعتبر مخالفة قانونية عواقبها وخيمة، تقدر تاخذه من اي مكان، اشكال والوان مالها حصر، حديثي الولادة لهم كراسي مخصصة تكون تقريباً مثل السرير، تقدر تاخذها منفصلة، وتقدر تاخذها طقم (كرسي+قاعدة+عربة)
القاعدة تكون راكبة في السيارة على طول.. الكرسي تقدر تثبته في قاعدة السيارة، وتفكه بسهولة، تطلع من السيارة تقدر تشيله في يدك او تركبه على العربة اذا كانت موجودة معاك.
اعرف ان السالفة طويلة.. بس حاولت اختصرها لك قدر المستطاع.
