سلام عليكم معلش ياريت تخلوا صدركم رحب...

  • بادئ الموضوع بادئ الموضوع Mahmoud Magdy
  • تاريخ البدء تاريخ البدء
عرض العطلة
M

Mahmoud Magdy

:: مسافر ::
#1
سلام عليكم
معلش ياريت تخلوا صدركم رحب لاستفسارات بتاعتي او كلامي عمومآ
انا واحد طقت في دماغي قريب اني اسافر برا مصر اوربا ان امكن او اسيا حتي
ناول في الست شهور الجية اجمع مبلغ من 10 الي 18 الف جنية
بحثت علي جوجل لقيت شركات بطلع رحلات و بتكلفة في حدود 12
مع العلم اني معنديش اي شئ موثوق بالنسبة لمصداقية الشركات دة
و علية عندي شوية استفسارات
اولا : التأشيرة اللي تمنها حوالي 2000 جنية بتدفع قبل المقابلة ولا بعد
ثانيا :انا شغال في شركة و اقدر اجيب خطاب العمل مافيش مشكلة بس رصيد البنك انا معتقدش انه بعد ما ادفع الفلوس للشركة هيتبقالي اكتر من 5000 جنية كدة مرفوض ولا ممكن ؟
ثالثا : الرحلة طلعة غرف زوجي و دة اللي سعرها معقول انما الفردي غالي و انا مش عارف اجيب مين يسافر معايا كدة الوضع هيبقة عامل ازاي هل في حالة دة لازم اخد غرفة مفردة
رابعا : الاكل هل الدارج ان الفندق اللي الشركة حجزه معاها مفروض انها توفر التلت وجبات ولا انا اللي هشتري
خامسا : الشركة كاتبه ان في رحلات داخلية بتكلفة منفصلة انا مش عامل حسابي عليها نهائي علشان المزانية ماتضربش فهل لما اروح اتمشي لوحدي في شارع و الفلف و للعلم هو دة غرضي مش اني اشوف معالم انا غرضي اشوف الشوارع حتي المعفنه منها هل في خطتي دة حاجة غلط
سادسا: هل في طريقة تانية ارخص من اني احجز مع شركة و تكون مضمونة و هل حجزي مع شركة يزود نسبة تخطي المقابلة بتاعت السفارة بنجاح
سابعا: انا اللي برشحه لنفسي من الرحلات النمسا او بريطنيا او فرنسا دة في بلاد اوربا لو غير هحب اروح الصين اليابان بس مالقتش ليها رحلات هل اختياراتي دة صح
............................................
للعلم انا ماسفرتش قبل كدة ولا برا ولا جوا بس هموت و اسافر دلوقت و زي ما ذكرت انا هسافر لوحدي مش معايا حد
 
#2
أبعد عن الدول صاحبة التأشيرات الصعبة زي شنجن , اثبت الوظيفة افي الباسبور عشان تقدر تسافر بدون مشاكل للبلاد صاحبة التأشيرات السهلة , تكلفة السفر مرتبطة باختيارك للبلد ومش ثوابت لكن تكلفة الطيران هي الاهم لانها بتشكل 50% او اكتر من تكلفة اي سفرية . شركات السياحة بتقدم عروض غير شاملة مصروفاتك الشخصية هناك وبالتالي اي ارقام معروضة بتكون خداعة .
 
عرض العطلة
#6
اولا ابعد عن اوروبا عشان تأشيرتها مش مضمونة و هتبقى خسارة فلوس عالفاضي وحتى لو قبلت التأشيرة المصاريف هناك بتبقى غالية .
حاول تسافر البلاد الي تأشيرتها سهلة او الي من غير تأشيرة زي ماليزيا و اندونيسيا اولا هتوفر تمن التأشيرة و كمان الاكل والشرب هناك بيبقى رخيص جدا مقارنة باوروبا.
حاول تقعد فهوستيلز الي هيا زي بيوت الشباب فمصر هتوفر كتير عن الفنادق وهتتعرف على ناس كتير.دور على hostelworld.com
نيجي بقى لمربط الفرس الي هو الطيران والي ييكون اغلى حاجة فالسفر لازم تتعب و تدور كتيير على كذا موقع زي kayak.com و skyscanner.net واهم حاجة لما تدور تبقى flexible يعني في اوبشن انك تدور ٣ ايام قبل وبعد التاريخ الي انت محددو للسفر ساعات بتوفر كتير .
 
#8
انسى أوروبا، ركز في ماليزيا وإندونيسيا ومتشوفش شركات سياحه هيقلبوك وهتدفع
اكتر بكتير من لو لوحدك.
احجز طيران من أي موقع طيران واحجز هوستلات من على بوكينج.
متحجزش غرف زوجي ولا فردي احجز سرير في هوستل أرخص واحسن.
 
عرض العطلة
عرض العطلة
أعلى أسفل
عودة
قائمة