لو مسافر ماليزيا و اندونيسيا لمدة شهر من...

  • بادئ الموضوع بادئ الموضوع Mahmoud El-samman
  • تاريخ البدء تاريخ البدء
عرض العطلة
M

Mahmoud El-samman

:: مسافر ::
#1
لو مسافر ماليزيا و اندونيسيا لمدة شهر من ضمنهم جزيرة لنكاوي
بالنسبة لتصاريح السفر أنا مكتوب graphics designer في ناس بتقول ملكش طالما نازل اندونيسيا ؟ وهل ممكن اريح دماغى و اروح لعمله من المجمع . هيطلب منى ايه فى الحالة دى ؟ انا شغال freelance مش تبع شركة . فى ناس بتقول كله على حسب دماغ ضابط المطار . !! عشان فى المجمع تسال يقول ملكش تروح المطار تلبس !؟!
هل محتاج تطعيمات أو شهادات بكدة !؟
هل محتاج تأمين و أيه أفضل شركة ؟
بالنسبة الفيزا عند الوصول المفروض ملهمش فيزا بس في ناس بتقول هما بيبلطجوا هناك عشان ال ٣٥ دولار و للأسف مفيش إثبات علي موقع السفارة ان مصر من غير فيزا بحيث أطبعه مثلا !!؟
بعد حجوزات الطيران و الفنادق ممكن كأم دولار يكونوا كافيين للخروجات و المواصلات و الاكل و الشرب يعني متوسط أو حد أدني ؟ هل لو دخلت من اندونيسيا علي لنكاوي و بعدين علي جاكارتا تاني هيبقي في مشاكل ، ؟ معلش أصل ذي اول مرآة أيا اسافر.
بالنسبة لتغيير الدولارات الأفضل ف المطار ولا في مكان تاني
 
عرض العطلة
#6
انت مسافر من مصر لاندونيسيا وفِي الحالة دي ملكش تصريح سفر ( بما انك مش طالب ) كده اول نقطة خلصت
مفيش تطعيمات
مفيش تأمين
مفيش فيزا للمصريين عند دخولهم اندونيسيا بتختم دخول وخروج وبس ومتخليش حد يبلطج عليك في ال 25 دولار
دخولك من اندونيسيا علي لانكاوي عادي ورجوعك من لانكاوي علي جاكرتا عادي برضو بس أيه لازمتها يعني تضييع وقت وفلوس كتير جدا ممكن يتوفروا ويتعمل بيهم حاجات تانية
تغيير الدولارات في مكاتب الصرافة اللي برا المطار أحسن بكتير
في المطار غير مبلغ بسيط يمشيك لغاية ماتوصل اَي صرافة داخل الدولة
 
#7
موضوع تصريح السفر مش عارف لان عايش بره مصر .. لكن بخصوص فيزا ماليزيا انا كنت قبل ما اسافر اخدت فيزا من سفاره ماليزيا وكان ابموظف بيقولي بدون فيزا بس انا صممت واخدتها ولما روحت مطار كوالالمبور الظابط قالي ليه اخدت فيزا تاني مره لما تيجي تاخدها من المطار هنا ..
متوسط الصرف في ماليزيا كحد ادنى ١٠٠ رينجيت ماليزي في اليوم شامل الفندق يعني حدود ٥٠٠ جنيه في اليوم كحد ادنى
 
#8
مفيش حاجه اسمها بلطجه في جاكرتا او اي مطار في اندونيسيا.
حضرتك هتاخد دخول شهر بس هتلاقي علي الختم not extendable يعني لو عايز تمدد ده مستحيل ولو اتاخرت عن الشهر هتدفع عن كل يوم تاخير 150000 روبيه في المطار وانت خارج.
انا لسا رايح وراجع مرتين بس من ماليزيا لاندونسيا والمواضيع سهله جدا ومفيش مشاكل
اهم حاجه ال Cash money يكون كويس وبس
N9Wl_2285VOLLneZAkiknpW8iZyUn5TL.jpeg
 
#9
مفيش اي مشاكل من اندونسيا لماليزيا خالص الموضوع سهل وبسيط بس بجد ربنا يعينك في جاكرتا معاناه هناك اوي لان معظم الناس مش بتتكلم انجليزي ونصيحه اخويه اسكن في منطقه center جاكرتا عند المولات لان دي اامن منطقه لان جاكرتا كبيره اوي ومليانه مناطق مش امان.
طبعا انت علشان مش عارف حاجه هناك ومش بتعرف حد اندونسي فهتتغلب شويه.
ال 100 دولار ب مليون و 250 الف تقريبا
هتحتاج تاكل الوجبه الواحد بحوالي 100000
ونصيحه نزل برنامج اسمه grab واستخدمه ومش تستخدم تاكسي هناك خالص لانه هيقعد يلف بيك علشان العداد يعد
وهناك في علي الابلكيشن ده هتلاقي ماتور يعني تروح اي مشوار عن طريق ماتور مش عربيه وده اسهل وارخص واسرع لان جاكرتا زحمه موووت 24 ساعه
اي استفسار بخصوص ماليزيا او اندونسيا او لاوس انا في الخدمه
 
عرض العطلة
عرض العطلة
عرض العطلة
أعلى أسفل
عودة
قائمة