السلام عليكم اخويا مبتعث في بريطانيا وحصلت معا...

[Mohammad Alyasi]

السلام عليكم
اخويا مبتعث في بريطانيا وحصلت معا وعكة صحية منعتو انو يكمل وقدم اوراقه للملحقية في بريطانيا وقدرو ظروفه , الان باقيلو 7 شهور ويتخرج وابدا ماعمل تمديد قبل كدا لكن عمل تعديل نهاية بعثة
المهم الملحقية مو راضيين يمددوله راح الوزارة وقالولو انتا تستحق سنه دراسية واعطو ضمان مالي باسم الجامعه لكن الجامعه رفضت الضمان حق الوزارة وتبا الضمان حق الملحقية ولمن رفع استفسار للملحقية وارفق الضمان الي حصل عليه من الوزارة قالولو انتا ماتستحق تمديد لانك عملت قبل كدا وهوا ماعمل . ايش العمل فدي الحالة ؟؟؟؟

اتمنى انو الموضوع يكون واضح

 

[Lola Al-hass]

مايقدر يدفعلهم كاش ويطلبوا من الوزارة التعويض، طبعا مايبدأ بدّي الخطوة الا لما يتأكد اول لو ينفع او لا

 

[Talal Al Azizi]

ياخذ ضمان الوزارة و قبول الجامعة و يروح للملحقية و ما يطلع الين ما يعطوه الضمان

 

[Mutaib Mashraqi]

المشرف ليس مخالف للنظام لان الملحقية جهة تنفيذية لقرارات الابتعاث والتمديد!! لانه ليس لديه قرار تمديد وإنما ورقة ضمان وهذا الضمان يستخدم فقط لاستخراج القبول في البداية وليس للضمان في منتصف الدراسة!!

الوضع بالنسبة لي غريب جدا لان الملحقية توافق على اي تمديد عن طريق الوزارة وعن طريق البوابة!!!
إذاً كيف حصل على الضمان؟ اذا لم يكن عن طريق معاملة عن طريق البوابة فالضمان ليس منه اي فائدة وهذا الامر يحصل مع مبتعثي الجامعات ايضا.. لذلك المفروض يجيب قرار تمديد من الوزارة وليس ضمان عندها الملحقية توافق وغصبا عنهم

وجهة نظري انه يحاول الحصول على قرار تمديد وبالإضافة انه يرفع استفسار للملحق ويوضح فيه التفاصيل وانه عنده متبقي للدراسة ويوضح الظروف التي حصلت له وباذن الله تتيسر

 

[Afnan Mahfouz]

آش الفرق بين طلب تمديد بعثه وبين تعديل نهايه البعثه ؟!