A
Ashraf Awad
:: مسافر ::
بص يا برنس.... انا عملتها كتير ولو معاك عربيتك واسرتك متعملش غير اللي هاقولك عليه ده وبدون تردد ...... اولا هتتحرك من القاهرة لغاية النفق عربية جيب فور باي فور لا ..... هتروح وهتعدي النفق هيجي امامك الطريق اللي جوجل مديههولك ودي عن طريق نخل ونويبع وتدخل دهب. او اعمل طريق شرم ليه طريق شرم اولا ..انت رايح تتفسح خد وقتك والساحل جنبك .. ثانيا فيه معالم ع الطريق لازم تشوفها .. اول حاجة بعد النفق ب ٣٠ كيلو عيون موسي. .. ادخل عليها واشرح لاولادك كيفية هروب بنو اسرائيل وسيدنا موسي ووالتيه ف سيناء وتواجد العيون لاثنا عشر سبط من اسباطهم ... وبعدها امي وافطر ف راس سدر وفول عربيتك .. كل ما تلاقي بنزين فووول ... هتدخل ع حمام فرعون روح شوفه هو مغارة كبيريتية طالع منها درجة حرارة تصل الي ٧٠ درجة من تحت الجبل ... وبعدها كمل وعدي لغاية الطور وبعدها هتلاقي محمية راس محمد اقف اتصور قدامها وممكن تدخلها بعربيتك تشوف اشجار المانجروف والبحيرة السحرية وانواع الحيوانات وممكن تلاقي كمان هجرة الطيور فيها .... والاسمال الملونة ... بعد كدة قدامك ١٥ كيلو لشرم وهتلاقي طريق لدهب حوالي ٧٥ كيلو لدهب ...... هتوصل دهب وتخلص رحلتك وانت راجع .... هترجع الي سانت كاتيرين ..الدير بيفتح صباحا من ٩ مثلا ولغاية ١٢ بالكتير لو اسرتك كبار وبيحبوا التسلق. يبقي سيادتك لازم تحط ف بالك انك تتسلق او ممكن تاخد عربيتك انت ومراتك واللب يحب منهم وتطلع من دهب بالليل ع الساعة ٩ او ١٠ هتوصل ع الساعة ١٢ وتبدا صعود الجبل هتوصل الفجز هتشوف اجمل منظر للشروق ف حياتك خلي بالك درجات الحرارة بتكون ف اغلب الاوقات تحت الصفر ..... وهتنزل بعد الشروق هتشوفوا الدير وترجع لاولادك ف دهب .... او ممكن لو كلكم مغامرين تخلصوا رحلتكم ف دهب وتطلعوا ع الجبل تتسلقوه وتروحوا بعدها مباشرة .... فيه كمان كامبات حلوة ف سانت كاترين تقضوا ليلة فيها .... ده اامن طريق .. والرجوع من طريق دهب بلاش طريق وادي فيران لان ده بيكون عليه مشاكل كتير ... بالتوفيق ورحلة حلوة باذن الله اسف للاطالة
A
Ahmed Said Mabrouk
:: مسافر ::
انا سافرت من طريق نخل طريق جميل مش تقليدى خالص من القاهرة 5-6ساعات متامن بس مش ونس خالص بنزينة واحدة بس هى اللشكلها نظيف الوطنية على بعد 250 كيلو من القاهرة ودهب يعنى نص الطريق ومش على الخريطة الطريق من سنة كان فى اماكن كتير من غير شبكة اخر طريق نخل هتلاقى طابا ونويبع مناظر جميلة جدا تحس انك سافرت برة حقيقى متعة القيادة مفيش اماكن تريح فيها كتير لو انت بتحب تسوق مباشر مش هتتعب . من مدينة نصر 526 كيلو طريق شرم حلو بس الكماين كتير وزحمة ونس بس مفيهوش متعة وفيه حوالى 100 كيلو زيادة
A
Ahmed Abulhana
:: مسافر ::
انا مشيت من كل الطرق دي قبل كدة و ده المختصر المفيد:
- طريق نخل عليه كمائن كتير و عليه بنزينات عادى
- الطريق ده هيوفر عليك كتير جدا لسببين الأول اقصر التاني أنه فاضي خالص و أغلبه مستقيم هتشد عليه بسرعة عالية هتكون لوحدك و امان مفهوش منحنيات غير قبل طابا بس
- طريق نخل من اجمل الطرق اللي هتمشي فيها في حياتك كمناظر و بحر و جبال هتستمتع فعلا بالطريق
- من ناحية الامان هو مليان كمائن و يعتبر امان و انا سالت ظابط قالي الطريق امان عادى و كدة كدة لو حصل يعني و حد طلع غالبا مش بيستهدف مدنيين هدفهم عسكريين بس
- طريق شرم الشيخ طويل جدا و ممل صحيح هو الأأمن لكن هتتعب فيه من كثافة العربيات و النقل التقيل و المنحنيات و السرعة
- طريق سانت كاترين اخر طريق تمشي منه لأنه مليان منحنيات و بيبقي مقفول كتير الله اعلم انت و حظك
- طريق نخل عليه كمائن كتير و عليه بنزينات عادى
- الطريق ده هيوفر عليك كتير جدا لسببين الأول اقصر التاني أنه فاضي خالص و أغلبه مستقيم هتشد عليه بسرعة عالية هتكون لوحدك و امان مفهوش منحنيات غير قبل طابا بس
- طريق نخل من اجمل الطرق اللي هتمشي فيها في حياتك كمناظر و بحر و جبال هتستمتع فعلا بالطريق
- من ناحية الامان هو مليان كمائن و يعتبر امان و انا سالت ظابط قالي الطريق امان عادى و كدة كدة لو حصل يعني و حد طلع غالبا مش بيستهدف مدنيين هدفهم عسكريين بس
- طريق شرم الشيخ طويل جدا و ممل صحيح هو الأأمن لكن هتتعب فيه من كثافة العربيات و النقل التقيل و المنحنيات و السرعة
- طريق سانت كاترين اخر طريق تمشي منه لأنه مليان منحنيات و بيبقي مقفول كتير الله اعلم انت و حظك