ايه افضل طريق لدهب من بعد النفق؟؟ يكون امان...

  • بادئ الموضوع بادئ الموضوع Mohamed Sweedy
  • تاريخ البدء تاريخ البدء
M

Mohamed Sweedy

:: مسافر ::
ايه افضل طريق لدهب من بعد النفق؟؟ يكون امان وعليه خدمات لاني مسافر انا واسرتي....
وهل ممكن ازور سانت كاترين واقضي فيه ليلة بس بحيث ان ازور المكان وفي نفس الوقت اريح من السفر والسواقة...
شكرا
9XuNkfWzWaFHiFm4FNB0f3Oc2OK6pg91.jpeg
 
الطرق كلها امان ان شاء الله طول ما حضرتك مسافر بالنهار
 
هو طريق شرم وهتكمل 100 كيلو منان .. طريق واحد اظن
 
بالنسبة لسانت كاترين حلو تقضى فيها يوم راحة و استجمام و هدوء روح فندق كاترين بلازا او فندق الوادى المقدس
 
اسهل طريق
بعد ما بتعدي النفق بتاخد طريق شرم بتعدي راس سدر وابوزنيمة وابو رديس وتاخد شمال طريق وادي فيران اللي هيوصلك لكاترين (بس لازم تعديه بالنهار من7 ص ل 2 ظهراً عشان احياناً بيقفلو الطريق) وادي فيران ساعه وربع ومليان قرى وكماين فأمان
ممكن تبات في كاترين في كامبات كتير (فوكس كامب او bedouin camp) ولو حابب تتفسح هناك هتلاقي جايد في الكامب يوديك اي مكان تحبه
بعد كده بتاخد طريق كاترين - دهب الصبح بالنهار برضه امان حوالي ساعة ونص
لو حابب تسأل عن اي حاجة معينة كلمني عالخاص
 
بلاش طريق نخل مش امان
عن طريق كاترين
او طريق شرم بس اطول كتير
 
طريق شرم أطول بس أفضل كتير جدا حتاخد في وقت اقل في حدود ساعتين بالاضافة ان المنحنيات والمطبات في طريق نخل اخطر والطريق سيئ حتمشي بسرعه لن تتجاوز في المتوسط ٧٠ ك انا جربت الطريقين
 
ولا ده ولا ده تروح شرم وبعدها تكمل دهب .. الباقى فنص الجبال والاغلب مقفولين لظروف امنيه
 
ياريت يا جماعة اللي يقول رأيه يكون سافر دهب قريب عشان الطرق مفتوحة عادي بالنهار وعليها تأمين وكمائن ومفيش مشكلة , عشان البديل اللي هو طريق شرم الشيخ طويل جدا بالمقارنة بطريق نخل .
 
مفيش غير طريق شرم اصلا من القاهره لدهب ٥٣٠ ك عندك الطريق اسفلته نضيف و خدمات و استراحات و بنزينه كل ٥٠ ك و امان

الطريق التانى دا بيدخل وسط و شمال سينا كل شويه كمين جيش و و نزل شنط و طلع شنط و مفيش خدمات و طريق وحش جدا و لا اماكن كويسه تعرف تريح فيها ولا تصلح فيها كوتش عربيه حتى و مش امان قوى و طوله ٢٦٠ ك لطابا + ٨٠ ك لنويبع + ٨٠ ك لدهب يعنى ٤٢٠ ٤٣٠
انا بسافر على الطريقين بقالى ٥ سنين
 
لو بتدور على توفير الوقت مش حيكون كبير لانك ممكن تجرى على طريق شرم براحتك .. التانى لا لانه متكسر شويه و ملفات كتير و اكمنه فى الضلمه فا مش حتجرى براحتك
 
طريق شرم احسن طريق. سواء نخِل او سانت كاترين، الطريق نفسه كله ملفات و مكسر فحياخد وقت اطول. مع العلم ان طريق نخل رغم خطورته إلا انه ممتع فى السواقة و مناظر الجبال (خاصة اخر جزء قبل طابه) و منظر البحر بين طابه و نويبع.
الخلاصة: الأسرع = شرم
لو عايز تستمع بالطريق = نخِل
 
الطرق كلها متامنة نسبيا
مشكلة طريق النخل انه من سنة كان فى حتت فيها شغل وارد تكون خلصت دلوقتى بس من ناحية الوقت كان زى طريق شرم
بس طريق النخل امتع كتير من حيث المناظر
 
طريق شرم افضل هتلاقى الجوباص وكل الشركات بتمشى علية
 
طيب لو سمحتوا هو طريق شرم ده اللى لونه ازرق فى البوست ولا اللى لونه فاتح
 


أكتب ردك...
عودة
أعلى