انا عايزة اظبط سفرية في حدود 25 الف للفرد شامل...

[Dina Sharaf]

انا عايزة اظبط سفرية في حدود 25 الف للفرد شامل طيران و اقامة و كله..انا سافرت كتير قبل كده بس بعد التعويم حاسة اني محتاسة لاني مش عارفة البادجت دي تكفي ولا لا
علما ان تركيا مش من ضمن الاختيارات عشان رحتها كذا مرة

 

[Hend Salem]

اولا لازم تحددى المكان اللى عايزة تسافريه و الانشطة اللى عايزة تقومى بيها و التوقيت لانه عامل مهم
يعنى هل عايزة تروحى اوروبا و لا شرق اسيا
طب عايزة تروحى شنجن ورقك جاهز و كامل تقدرى تحددى البلد و تقدمى فيها لو لأ ممكن تروحى بلاد اسهل زى جورجيا و قبرص .... طيب مش عايزة تروحى البلاد و مش مستعدة لاوروبا عندك شرق اسيا تاشيراتها سهلة او بدون ... عندك تايلاند و ماليزيا و اندونيسيا و فيتنام و هونج كونج و الصين ... الخ ... كلهم سهلين او بدون تاشيرة
حددتى وجهتك و طلعتى تاشيرتك لو البلد اللى اخترتيها محتاجة تاشيرة تبتدى تشوفى اسعار الفنادق حسب تواريخك من على مواقع زى بوكينج و هوتلز و تشوفى الارخص
بعدين الطيران من على سكاى سكانر
عرفتى متوسط ارقامك ممكن تشوفى شركات سياحة لو عطوكى اسعار ارخص لاختياراتك احجزى من خلالهم ... لو النت ارخص احجزى من النت

 

[Walid Leeda]

كم فرد حضرتك ؟

 

[Ahmed Elsaba]

F

 

[Hashem Tawfik]

طيب مدة الرحله قد ايه علشان نعرف نحدد مكان لسفركم يناسب المدة والميزانية.

 

[Walid Leeda]

في برنامج في جورجيا ٧ ايام مقسمة بين تبليسي العاصمة و باتومي الساحلية .. لل ٣ افراد مدة ٧ ايام شامل تذاكر سفر و سكن شقة غرفة و صالة و انتقالات مع مرشد سياحي ٢٨٠٠ دولار للمجموعة (٣ افراد)

 

[Mahmoud Rabie]

روحي إندونيسيا ، بالي

 

[Ahmed Morsy]

سريلانكا

 

[Shrouk Hesham]

تقدري تسافري لبوكيت او باريس او بالي ممكن تبلغيني بالمواعيد الي محدداها للسفر وهاقولك على الاماكن المتاحة طيران + فنادق بالميزانية دي