مساء الخير يا شباب انا كان عندي استفسار و...

  • بادئ الموضوع بادئ الموضوع Moutaz Mohamed
  • تاريخ البدء تاريخ البدء
عرض العطلة
M

Moutaz Mohamed

:: مسافر ::
#1
مساء الخير يا شباب

انا كان عندي استفسار و محتاج اعرف اجابه الناس ايه عشان اعرف العيب فيا ان مش بفهم السؤال؟ و لا هو فعلا السؤال غلط.

الناس الي بتسال ( لو انا مسافر دوله كذا اخد معايا كام؟ و لا هصرف كام؟)

انا كمعتز مقتنع ان مينفعش حد يجاوب لكذا سبب

المصاريف ديه مساله نسبيه تختلف من فرد لاخر

يعني لو انا و صحبي نازلين ناكل سوي, منطقيا احنا الاتنين مش هندفع زي بعض.

فالطبيعي لو انا مقتدر و مسافر بره هتكون مصروفاتي علي الاكل و الفسح و التسوق و الهدايا يعني ممكن ادفع ١٠٠٠$ في ٥ ايام.

هل انا لو قلتلك هتدفع ١٠٠٠$ هل انت هتعمل نفس الي بعمله و انا مسافر؟ هل اصلا هتقدر توفر المبلغ ده؟

طيب النصيحه الاخويه و الي اتمني فعلا نهتم بيها عشان مينفعش نكون في ٢٠١٧ و لسه بنسال السؤال ده

في مواقع كتيره تقدر تعرف من خلالها تقريبا متوسط التكلفه اليوميه في كل مدينه و كل دوله

طيب انا ارشح ايه؟

Numbeo.com
Budgetyourtrip.com

دول اهم موقعين ممكن ترتب عليهم اي سفريه في حياتك.

يا ريت الناس متهملش النصائح ديه و نعمل شير لبوست ده عشان الناس تستفيد منه
#Traveller_Experience
OayJtoQMh_yzxfxmWyDu9GVH36jVtn6G.jpeg
 
#2
سيب الناس تسأل من رأيي..لأن الى بيجاوب بيقول انه بمبلغ كذا قدر يعمل كذا..و دة مش هيعمل زحمة في الجروب مثلا..و انا شايف السؤال منطقي جدا لأن ناس كتير مبتصدقش المواقع و بتطمن لو حد مسافر او مقيم برة جاوب
 
#5
استاذ معتز انا معاك ان في اساله اصلا بتتسال في المكان الغلط زي لو عاوز اكسر فيزا لو عاوز اشتغل مش واخد باله ان الجروب مكتوب عليه سفر سياحه وكدة .و مستني اجابه لحاجه غلط هو بيعملها ثانيا اساله الاكل والشنغن دي اي وازاي فين الاساله ا ب سفر بالنسبالك وبالنسبالي ولناس كنير اساله تافه لواحد عاوز يسافر مفكرش يدخل جوجل او يوتيوب أو يقرا شويه في بوستات قديمة بس تقدر تقول اساله لا تضر راي المتواضع سيبه يسال لو حد جاوب اوك محدش جاوب يبقي من حق الواحد ميجاوبش لانه سؤال سهل بس مش كلنا دماغنا زي بعض تحياتي ليك
 
عرض العطلة
#7
انا شايف ممكن تجاوب عليه بمصاريفك بدل متقولو كل واحد ومصاريفه قولو مليون دولار وفي غيري 1000 دولار وريحه وخلاص
 
#8
هو إنت ليه السؤال ده بيضايقك اوى كده يا معتز؟؟!!
مش فى حاحة إسمها"المتوسط" (الأكل،المواصلات،المزارات)
تذكرة المترو بكام او الباص او تذاكر المزارات بكام او ماكدونالدز بكام او ازازية المياه بكام؟ ما هو كل الناس فاهمين إنى ممكن اتغدى فى Seqoia ب ٥٠٠ جنيه او اتغدى كشرى ب ٢٠ جنيه و هكذا يعنى فا مش لازم تقفل السؤال خالص على الناس خصوصا إن اغلب الناس هنا بيبقو مختارين يسافرو لوحدهم عشان يحاولو يقللو مصاريف الرحلة لو كان حد منهم عايز رفاهية كان راح حجز رحلة غالية مع شركة سياحة و كبر دماغه
على فكرة انا سافرت ١٠ مرات منهم ٧ مرات انا اللى مظبط السفرية لنفسى
اتمنى تكون فهمت وجهت نظرى
 
#9
معتز باشا انا شايف ان الأسئلة دي طبيعية جداً للناس اللي اول مرة تسافر لوحدها عشان الناس بتقصد اكيد المتوسط ... أرجو عدم مواجهة هذه الأسئلة بهذا التصدي عشان الناس متحسش انها بتعمل حاجة غلط بالعكس اعتقد ان اي سؤال حتى لو كان بالنسبالك او بالنسبة لأي حد حد سؤال صغير فهو سؤال مهم لناس تانية كتيرة معندهاش خبرة لسه في مواضيع السفر ... أرجو انك تكون فهمت وجهة النظر
 
#10
في حاجة اسمها أن الواحد ممكن يكون أول مرة يسافر لوحده و حابب يعرف المصاريف مثلاً زي المترو Ⓜ او الباص او تذاكر دخول الأماكن السياحية كام فطبيعي جداً أن كل الحاجات دي ليها متوسط دا أن مكانتش مصاريف ثابتة عشان مواصلات و رسوم دخول الأماكن السياحية زي مصر هنا بالظبط كل الحاجات دي ثوابت
و ان جات على مصاريف الاكل برضه في حاجة اسمها متوسط يا معتز
فاعتقد اي حد ممكن يسأل الأسئلة دي اكيد ميعرفش و عايز يعرف آراء الناس ايه و اكيد هيوصل من خلال إجابات الناس لمتوسط ... شكراً
 
عرض العطلة
#11
تقدر تجاوب في المتوسط
مثلا المواصلات العامة في بروكسل و باريس أمستردام تكلف حوالي ٢٠ يورو تذكرة أربع أيام
الأكل ٣ وجبات من السوبر ماركت حوالي من ١٠ ل ١٥ يورو بالكتير
الإقامة في هوستل غرف مش private في باريس و بروكسل و أمستردام خارج المواسم اليوم من ١٥ ل ٢٠ يورو بالكتير
 
#12
بردو خبرة الناس اللي شافو المكان كذا مرة بتديك انطباع احسن من المواقع ده واحيانا بيدوك نصايح فالموضوع ده بيكون فعالة
 
#13
عندك حق والله يا معتز الناس مش مقتنعه ان كل واحد مختلف ف انا لو قولت مبلغ ممكن اخليك تقفل من السفرية لانك مش حتعرف توفروا انا مثلا سفرت انجلترا ٣ مرات منهم مرتين صرفت اقل من ٤٠٠ جنيه استرليني و مره صرفت ٢٥٠٠ دولار و كانوا نفس المده مع اختلاف الفندق و الاكل و الخروجات و الشوبينج الفكره كلها انتا عايز تعمل ايه بكام هو ده الي تحدده قبل ما تسافر و تشوف كل حاجه نفسك فيها حتكلفك كام قبل ما تسافر
 
#15
المشكله مش ف السؤال اد ما هو بيتكرر اد ايه .. يعنى اللى هيسءل ممكن يعمل سيرش قبل ما يسأل و ده بينطبق على اسئله كتير مش ده بس
 
عرض العطلة
#17
من وجهة نظري افضل اجابة للسوءال ده تكون تتضمن الاتي
١ متوسط تكاليف المواصلات العامة او التكاسي او ماشابه
٢ متوسط سعر الوجبة الطبيعية بالمطاعم الفاست فود الي بمتناول الجميع
٣. تكلفة الرحلات السياحية هناك بشكل عام
 
#18
اللي بيسأل بيكون محتاج التكلفة في المتوسط

و او بمعنى ادق بيكون محتاج يعرف امثلة لبعض الاسعار علشان يقدر يحدد

يعني وجبة فاست فوود بكام
عصير او بيبسي بكام

تكلفة المواصلات الاساسية

اسعار تذاكر المزارات الرئيسية


من الاخر ال outlines
و هو هيظبط ميزانيته سواء يزود او يقلل

لكن اكيد كل واحد اولوياته و امكانياته تختلف عن التاني
 
#19
ماهو اللي بيسأل سؤال ده بيكون منتظر اجابه بالتقريب
يعني حد يقوله مثلا لو وجبه من ماك تتكلف كام يورو مثلا
زجاجه المياه بكام يورو
تذكرة الباص او المترو بكذا
المتاحف مثلا التذاكر رينج كام
و كده هو يقدر يحسب حسبته انما اكيد مايقصدش رقم في المطلق للسفريه لان مستويات الناس بتختلف
و بردو المواقع دي مش شرط تكون دقيقه
و اللي يميز الجروب هنا اننا بنتكلم مع بعض و ناخد رأي بعض اشخاص حقيقين بتجاربهم الفعليه في السفر
مش مجرد ويب سايت عليه ارقام و خلاص
 
#20
اللي بيسال السؤال ده .. حد اول مره مسافر ومعندوش اى فكره .. او حد معندش ملكه البحث فبيسال سؤال املا في اجابه تساعده او معلومه تفتحله سكه تطمنه ..
وفي ناس بتجاوب وبتساعد .. فمن وجهه نظرى المتواضعه.. ده طبيعي وطالما الناس مشكورة في الجروب بتجاوب يبقي مفيش مشكله عادى ..
 
عرض العطلة
عرض العطلة
عرض العطلة
أعلى أسفل
عودة
قائمة