السلام عليكم مسافر شهر ونص ومحتار بموضوع...

[Sayed Sarhan]

السلام عليكم
مسافر شهر ونص ومحتار بموضوع الشنطه (موضوع تافه بس شاغلنى)
اجيب شنطه رحاله خفيفه ومعايا ب اي مكان
زى دى مثلا /Felix duffle bag - Kezanaa
ولا اجيب شنطه الى بعجل دى علشان تكفي احتياجات الشهر ونص
ومحدش يقولى حسب احتياجاتك انا مش عارف اصلا اخد ايه واخر خبرتى كان اسبوع بالغردقه وكنت باخد شنطه مبستخدمش اكتر من نصها

 

[Wafaa Ahmed]

طب متجيب حاجه زي دي احسن عشان اللي انت مشيرها اعتقد صغيره وشهر ونص دي فتره طويله

 

[Hesham Samir]

خد نفس الشنطة اللي كنت بتاخدها في الأسبوع بتاع الغردقة وهتتفاجئ انها مكفياك الشهر ونص

 

[Ahmed Soliman]

أولا على حسب طبيعة المكان هتحتاج الشنطة.
مش معنى انك مسافر شهر ونص يبقى محتاج كل حاجة، إنت نوع السفرية هو اللى هايحددلك تطلع بأنهى شنطة.
لو السفر بتاعك فيه مشى كتير يبقى backpack علشان بيبقى فيها Back supporter اللى بيها ضهرك مش هايوجعك وهيقوى ضهرك على فكرة ههه ، بس طبعا على حسب الماركة ، لان الغالى هو اللى بيريح بس مش لازم اغلى حاجة.
انت مدام طالع فى وقت الصيف معناها انك هتحتاج تيشيرتات اكتر ودى بتاخد مساحات قليلة.
كمان أعمل حسابك إنك هتغسل الهدوم دى ، فا انت ممكن تاخد اللى يكفيك اسبوع وتغسلو كل اسبوع.

مش لازم تاخد كل حاجتك اسمع منى علشان الحاجات دى مقلب.

لو انت بقى طالع رحلة شياكة والمفروض تبقى مش هاتمشى وحركاتك كلها مواصلات يبقى شنطة سفر عادية اللى بعجل وبردو ماتخودش حاجات كتير.

أهم حاجة الأساسيات والباقى محلول.

لو طالع اوربا ممكن تجيب من هناك تيشرتات وال sale قرب فا تبقى وفرت شيل من مصر ، يعنى تاخد الوزن وانت راجع بس.