عندي سؤال لو سمحتم للناس اللي بتسافر بشنط...

[Sahar Alsaied]

عندي سؤال لو سمحتم
للناس اللي بتسافر بشنط عالظهر
انا بسافر بحاجات كتير بحكم انه اكيد معنديش خبرة اني اسافر بشنطة واحدة بس و خلاص بس خلاص قررت انه السفرية الجاية ان شاء الله هتكون بشنطة packpakck فبليز فيدوني بعد الأبحاث اللي عملتها على احسن شنطتين ممكن ينفعوني و عمليين توصلت الى التالي و اللي جربهم او
سمع عنهم ياريت يفيدني

1- - osprey far point
2- osprey shuttle دي بتتجر و برضه بتتلبس عالظهر

انا عايزه حاجة عملية مريحة و كبيرة تاخد عالاقل سفرية أسبوعين او ثلاثة بس مش هشيلها طول اليوم يعني ممكن احطها قي الهوتيل مثلاً او عالاقل تكون عملية في التنقلات الكتير
لو عندكم اي رأي تاني في نفس المستوى الشنط دي ياريت تفيدوني و بجد يسلم ايديكم مقدماً و شكراً.

 

[Haytham Sleem]

شنط الظهر الكبيرة مش مريحة اكيد للظهر ، استخدامها بيكون لسهولة الحركة في الجبال ورحلات الهايكنج.
انا بفضل شنطة هاندباج بعجل صغيرة تشيل وزن ١٠ كيلومع شنطة ظهر متوسطة الحجم وزنها ١٠ كيلو مثلا .
بيعتمد في الاخر علي انتي مسافرة فين .

 

[Ahmed Soliman]

أولا على حسب طبيعة المكان هتحتاجى الشنطة.
مش معنى انك مسافرة وقت طويل يبقى محتاجة كل حاجة، نوع السفرية هو اللى هايحددلك تطلع بأنهى شنطة.
لو السفر بتاعك فيه مشى كتير يبقى backpack علشان بيبقى فيها Back supporter اللى بيها ضهرك مش هايوجعك وهيقوى ضهرك على فكرة ههه ، بس طبعا على حسب الماركة ، لان الغالى هو اللى بيريح بس مش لازم اغلى حاجة.
انتى مدام طالعة فى وقت الصيف معناها انك هتحتاجى حاجات خفيفة نسبيا عن الهدوم التقيلة اللى بتوزن ، واللى بتاخد مساحات قليلة.
كمان أعملى حسابك إنك هتغسلى الهدوم دى ، فا انت ممكن تاخدى اللى يكفيك اسبوع وتغسلى كل اسبوع.

مش لازم تاخدى كل حاجتك اسمعى منى علشان الحاجات دى مقلب.

لو انتى بقى طالعة رحلة شياكة والمفروض تبقى مش هاتمشى وحركتك كلها مواصلات يبقى شنطة سفر عادية اللى بعجل وبردو ماتخديش حاجات كتير.

أهم حاجة الأساسيات والباقى محلول.

لو طالعة اوربا ممكن تجيبى من هناك لبس وال sale قرب فا تبقى وفرتى شيل من مصر ، يعنى تاخد الوزن وانتى راجع بس.