صراحة بيصعب عليا الناس القائمة علي الجروب من...

[Mostafa Hegazy]

صراحة بيصعب عليا الناس القائمة علي الجروب من تكرار الأسئلة، محدش بيقرأ عشان يستفيد من اخطاء غيره او حتي من تجربة غيره في الأماكن اللي بيقرر انه يزورها وبيطرح سؤاله مع العلم ان السؤال تم طرحه الف مرة قبل كده، ابحثوا يا جماعة علي الجروب وأنتم هتلاقوا تقريبا كل المعلومات الخاصة بالسفر أو المعلومات الخاصة بالأماكن اللي يفضّل إنكم تزوروها وخاصة تركيا، أو حتي المعلومات الخاصة برفض طلباتكم من بعض السفارات، انا مَش ادمن هنا وآسف اني بقول كده، بس انا شخصيا بلاحظ التكرار ده كتير جدا.
معلش اتحملوني وآسف علي كلامي ده
تحياتي

 

[Mohamed Hikal]

نلتمس الاعذار ممكن حد مش عرف يبحث عادي انا مش شايف اي مشكله لطرح السؤال مليون مره عادي المهم كلنا نستفيد

 

[Nanees Kamal]

كلامك صح معظم الناس مش عاوزه تتعب نفسها و عاوزه المعلومه تيجى لحد عندها

 

[Aly Hassan Kadah]

مرات بيقى الواحد وقته ضيق ومحتاج المعلومه بسرعه وبعدين لا ضرر فى تكرار الاسئله لانه يعطى حيويه للصفحه

 

[Haytham Sleem]

صدقني في مواضيع مهمة جدا بتختفي . وتكرار السؤال بيخللي شريحة كبيرة تزهق من الرد والمتابعة.
اكبر ضرر هو تكرار السؤال اللي ببحث بسيط اجابته موجودة ومتاحة.
لو سؤال مستعجل فعلا بينزل فورا .

 

[Ahmed Shahhat]

لو الناس عملت زي ما بتقول ودورت في القديم يبقى الجروب هيقف لان مش هيكون فيه جديد

 

[Hazem Badr]

السؤال المكرر هتكون اجابته محدودة من عضو او اتنين او عشرة جاوبوا عليه انما البحث هيجيب لك كل البوستات اللى اتكلمت عن الموضوع من الالف الى الياء وجربوا كده تكتب شنجن فى خانة البحث هتلاقى عشرات البوستات اللى بتتكلم عن الفيزا بالتفصيل الممل وتجارب الناس فى مختلف السفارات وده فى رايي افضل كتير من السؤال التاريخى الشهير المكرر دائما "انهى اسهل فيزة شنجن؟"

 

[Ahmed Shaaban]

فعلا نفس الرأي

انا ناوي اطلع شرم الشيخ
بحثت ف الجروب ع الكلمه
لقيت كلام كتييير عن فنادق وحشه وفنادق حلوه
ودخلت شوفت تقييمها زي ماكانبين
وقررت والدنيا فله شمعه منوره

فيه كمية معلومات رهيبه ف الجروب بس اللي يدور