أعضاء الجروب الكرام :) موسم الأجازات حيبدأ و...

[Bahaa Aldeen Farouk]

أعضاء الجروب الكرام
موسم الأجازات حيبدأ و كل عام و أنتم بخير و بما أن الجروب فيه أشقاء عرب لينا من كل الدول العربيه و أكيد حابين يزوروا مصر في الصيف و فيهم ناس مش عارفين ايه أفضل الأماكن السياحيه اللي ممكن يزوروها !! فأنا حابب أننا نساعدهم
أتمنى من كل عضو يكتب عن أفضل الأماكن السياحيه اللي يرشحها لأخواننا العرب سواء منتجعات أو مطاعم أو أماكن سياحية أو أثريه و الحمد لله بلدنا مليانه منها
ملحوظة : أتمنى ترفعوا راسي بمعلوماتكم و تجاربكم الحلوة لأن البوست ده واجهه ليكم في الخارج و هدفه فقط تنشيط السياحه الم️صرية ️

 

[Bahaa Aldeen Farouk]

/Amr Yahia

 

[Abo Ahmed Sh]

Great

 

[Bedour Nasr]

اب

 

[Raouf Chelghoum]

Amel Abid à suivre ....

 

[Mohammad Hijażi]

كتيييييير اللي عاوز يسأل عن اي حاجة في القاهرة او اسوان

 

[Абдурахман Мустафа]

انا جاي مصر من روسيا في سبتمبر يمني مقيم في روسيا وعايز اشوف أجمل حاجة في مصر انا زرت مصر مرتين قبل كيدا وكانت إجازات سريعه المره دي حقعد شهر وناوي الف مصر

 

[Assem Mohamed]

اقترح ان الناس وهي بترشح اماكن انها تبعد عن المنتجعات والكومباوندز زي التجمع وغيرها
لان السياح مبيجوش مصر عشان يقعدوا في منتجع اللي هما اساسا زهقوا منها في بلدهم
هما بييجوا مصر عشان الاثار رقم 1 وعشان النايت لايف رقم 2
عشان كدة الاقصر واسوان هي اهم وجهه للسياح اللي بييجوا مصر خصوصا الاجانب

 

[Ahmed Rashwan]

مجمع الاديان(محطة مارى جرجس)
متحف الشمع(حلوان)
متحف الفن الاسلامي
قصر السكاكينى
قصر عابدين
قصر محمد على بالمنيل
متحف الحضارة المصرية
Mall of egypt
Dream park
قلعة صلاح الدين
برج القاهرة
متحف الركايب الملكية
مسجد احمد بن طولون
قصر الجوهرة
المتحف المصرى

 

[Marwa Abdel Hakeem]

طيب هي نصيحة بعيدة عن موضوع البوست بس لها علاقة به...أفضل مواصلة هي أوبر أو كريم في القاهرة...ولو مش عايزين تكاليف عالية حاولوا تحددوا المكان علي جوجل ماب وشوفوا أقرب مترو إيه...معظم الأماكن الأثرية في القاهرة فيه مترو قريب لها...

 

[Hani Ben-Mussa]

عايزين ننشط السياحة في مصر ,,, بوستات قوية جدا

 

[Gehad El-Magharbel]

تصويري في دهب .. مدينه دهب
بنسبالي احسن بلد في مصر و لازم اي سائح يزرها .. سيناء عموما ❤.
دهب بلد جميله و صغيره الناس كلها هناك بتتحك في وش بعد و كلو هيساعدك هناك لو احتاجت اي حاجه سواء من اهل البلد او غيرهم .
الانشطه اللي ممكن تتعمل هناك . Diving
Hiking
Safari
و الاستجمام و راحه البال

 

[Suzy Mamoun]

فكرة حلوة فعلا انا شايفة العين السخنة من الاماكن الجميلة في مصر وقريبة من القاهرة يعني كسفر مش بتاخد وقت ومليانة قري سياحية وفنادق مستواها كويس والبحر هناك جميل انا جربت كذا مكان هناك بفضل الموفنبيك لانه من اول الفنادق اللي بتقابلها في طريقة السخنة اللي عيبه ان الطريق رايح جاي وضيق فبفضل السفر الصبح مانصحش بالسفر بليل خالص موفنبيك الفندق خدمته ومستواه كويس والانيمشين تيم كويس بس اثاث الفندق شوية قديم انا اخر مرة زرته من سنة ممكن يكون اتجدد وفي قري وفنادق تانية في كانكون بس دي بعيدة شوية بعد الموفنبيك بشوية الفندق حلو اثاثه كويس وجديد بس الاكل الانيمشين في الموفنيك افضل . وفي السخنة تقدر تروح بورتو اركب تليفريك و في هناك كافيهات ومطاعم .وممكن تعمل رحلات صيد ممكن تسال هناك انا ماعرفش تفاصيل عنها للاسف بس سمعت ان في رحلات صيد هناك

 

[Nahla Elbagory]

دهب نويبع طابا شارم مرسي مطروح اسكندريه

 

[Suzy Mamoun]

شرم الشيخ اكيد رحلات سفاري ورحلات بحرية وتقدر خلال الرحلات البحرية تعمل سنوركلينج او تغطس وخليج نعمة و تركب الغواصة كمان جميلة بتشوف السماك والشعاب المرجانية وهناك علي ما اتذكر حاجة زي السوق القديم انا للاسف مش فاكرة اسمه في مطاعم ومحلات

 

[Mohammad Hijażi]

{ده تقريري عن مدينة اسوان للي مهتم}
☆اسوان☆
بلد النوبة الجميلة ،بلد الاستجمام والاسترخاء بتشوف فيها احلي نيل واطيب شعب ممكن تتعامل معاه
اولا هنتكلم ازاي توصل لاسوان
في 3 وسائل :
1:القطار وده الاسباني درجة اولي مكيف ب135 والvip ب235 ده بيوصل من محطة رمسيس لاسوان في 14 ساعة او اكثر .
2:جو باص من مدينة نصر او ميدان عبدالمنعم رياض للاقصر وبعد كده من الاقصر لاسوان بالقطار او بمكيروباص او بيجو 7 راكب ويفضل القطار،اعلي درجة فيه اسمها ايليت بلس ب220 جنيه .وبيوصل من القاهرة للاقصر في 7 ساعات ونص او 8 بالكتير.
3:الطيران طبعا ديه احلي واريح واسرع وسيلة بتوصل في حوالي ساعة وربع واما السعر فمتغيير جدا للاسف .
لما توصل بقي بالسلامة ●اول حاجة واقرب مزار للمحطة هي مقابر النبلاء في البر الغربي لاسوان واللي فيها بردو جبل ابو الهوا ويفضل تتراح بالفالوكا بجنيه واحد من علي المرسي علي الكورنيش اما المزار نفسه فبحوالي 10 جنيه مش عارف بالظبط .●تاني حاجة هي جزيرة النباتات وبردو بتتراح بالفالوكا وديه فيها اشجار ونباتات نادرة .●ثالث حاجة هي متحف النوبة بيتراح بتاكسي وهو قريب جدا من المحطة يعتبر اخر الشارع ومواعيده من 9 الصبح ل1 ظهرا ويفتح تاني من 4 عصرا ل9 مساء.●رابع مزار هو المسلة الناقصة وهي قريبة من مستشفي اسوان العسكري ومش بعيدة عن المتحف بردو وديه عبارة عن مزار موقع انشاء المسلات قديما وديه مسلة اتشرخت منهم فسابوها مكانها كأثر فرعوني ،لذيذة الي حد ما.●خامس مزار معبد فيلة الجميل اللي انا متصور فيه ده وهو من المعابد المميزة الجميلة ومكانه علي جزيرة وسط النيل نظرا انه تم نقله قديما علشان غرق جزء كبير منه في مكانه الاصلي ده بتروح للمرسي بتاكسي وبعدين تركب مركب تدخلك للجزيرة جوا التذكرة ب10 جنيه والمركب ب60 جنيه وبيفتح من 7 الصبح لحد 4:30 -5 عصرا والصوت والضوء بيبدا من 6:30 اول عرض ومتوفر باكثر من لغة .●سادس مكان الخزان وده اللي تم انشاءه في عصر الاحتلال البريطاني لمصر مفيهوش حاجة تتزار من رأيي .●سابع مزار هو السد العالي مكانه بعييد عن المحطة بس قريب من المطار وهو جميل الي حد ما للصور التذكارية.●ثامن مزار هو تمثال رمز الصداقة وهو قريب جدا من السد العالي .●تاسع مزار هو معبد ابو سمبل الجميل الفظيع الرهيب من وجهة نظري بس ابوسمبل تبعد عن اسوان ب300 كيلو تتراح طيران او مواصلات من موقف الاقاليم لو هتأجر عربية وتسوق انت يبقي هتجيب تصريح من الغرفة السياحية اعلي مول الراية علي الكورنيش بعد فندق هلنان .
☆☆ يوجد معبد كوم امبو بمدينة كوم امبو اقرب من اسوان ب35 كم
☆☆ يوجد معبد ادفو يبعد عن اسوان حوالي ساعة ونصف بالسيارة.
☆معبد كلابشة ومعبد وادي السبوع ومعابد عمدا بتتراح من ضمن البرنامج السياحي للكروز اللي بتبقي من اسوان لابو سمبل اللي بتستغرق حوالي 6 ايام ذهابا وايابا .
☆جزيرة هيسا توجد بالقرب من معبد فيلة .
☆غرب سهيل (القري النوبية وجزيرة بربر )بتتراح يا بالسيارة او بالمركب .وبها فندق يسمي اناكاتو غير مصنف سياحيا.
☆جزيرة التمساح معنديش معلومات عنها .
♢اي استفسارات اخري انا تحت امركوا ويارب اكون افادتكوا .

 

[Nada M Ragab]

Faysal Aljaryan

 

[Zähráã Rãmädâñ]

F

 

[Suzy Mamoun]

اسكندرية قلعة قايتباي والمنتزة والمعمورة وكوبري ستانلي زفي في طريق اسكدنرية بس ناحية الرجوع للقاهرة يعني وانت خارج من اسكندرية راجع للقاهرة في اوبن زوو جميلة وفي اسكندرية بردوا هناك طبعا مطاعم اسماك كتيرة ومميزة في مطعم سي جل جميل وفي وسط البلد في اسكندرية محلات وسينمات .

 

[Ghada Ebraim]

كل مكان في مصر له طعم مختلف ...بس بجد عايز تستمتع يبقي ركز علي الأماكن اللي فيها طبيعة اكتر مثل واحة سيوة ..مرسي علم ..الجونة تحفة ..وطبعا شرم الشيخ وهناك زور المحميات الطبيعية مثل رأس محمد روعة ❤❤وعيون موسي وحمام فرعون فيه مياه كبريتية ساخنة بعد كده كمل بالآثار أنزل من شرم للاقصر وأسوان وبلاد ما وراء السد ❤❤وطبعا زور القاهرة الهرم وشارع المعز ومتنساش تصلي ركعتين في جامع الحاكم بأمر الله ❤❤قلبي هناك ❤وبعدين تعالي عندنا اسكندرية احلي اكلة سمك عند سي جل الماكس