ياريت حد يكون عارف من غير فتي الله يكرمكم...

[Bedo Abd El Samad]

ياريت حد يكون عارف من غير فتي الله يكرمكم


1- حد طلّع east african visa قريب؟ ولو طلعها .. طلعها من أنهو سفارة ؟
2- حد جرب يدخل من بلد غير اللي واخد الفيزا منها ؟
3- هل كينيا ليها تصريح أمني لا قدر الله ؟
4- التطعيمات اللازمة "الحمى الصفرا والملاريا" بس ولا في حاجة تانية ؟
5- مركز التطعيم محتاج يشوف فيزا ولا حاجه ؟! ولا أروح علطول عادي وأدفع وأخد التطعيم على طول ؟

________________________________________
للي ميعرفش east african visa دي زي شينيجن مُصغَّر يسمحلك بدخول "كينيا، أوغندا، رواندا"

 

[Mahmod Elagamy]

ايه ده ياحاج انت طالع كينيا ....؟

 

[David Farag]

1- مش محتاج تتطلعها .. انا اخدتها من مطار نايروبي لما وصلت
2- انا مجرتش بس اه عادي.. ليا واحد صاحبي عمل كده
3 - مش محتاجه
4 - مفيش تطعيم مالاريا.. يدولك حبوب بتاخدها ملهاش اي لازمه.. انا كنت باخدها و جالي ملاريا و انا هناك عادي جدا .. دي حاجه زي الالفنوانزا عندنا و بتتعالج في يومين لو لا قدر الله جاتلك
و فيه تطعيمات تانيه اه hepatitis a .. بتاخدها من vacsera
5 - لأ خالص.. بس تخلي معاك الشهاده الصفرا في المطار احتمال يسألوك عليها و انت راجع

 

[Nancy Ibrahim]

1- فيزا كينيا اون لاين كانت ب 51 دولار
2- لا مش عارفة
3- كينيا ملهاش تصريح
4- انت لازم تطعم الحمى الصفرا و تاخد البطاقة الصفرا عشان دى بيبصوا عليها اول ما توصل المطار، الملاريا لو هتقعد كتير او رايح حته غير نيروبى يبقى احسن تاخده بس محدش هيسالك عليه
5- بيسالك بس مسافر فين و بيسجل عنده ، خد معاك البطاقة عشان بيسجل بيانتها عنده فى السجل

 

[Mohamed Soliman]

شريف فايد فى كينيا دلوقتى اسألة يا بيدو وقاعد فى حتة جامدة فشخ الصراحة

 

[Farida Mansour]

Aywaaa aham haga mayb2ash feh fatyy la7ad y2ollak ro7 el segel elmedani badal el shahr el3aqary wala 7aga

 

[Azza A. Omran]

وزارة الصحة عامله كتيب كده بالامراض المعدية لكل بلد و لما بتحدد الدولة بيدوك التطعيم بتاعها كمان نصيحة هما ارخص من المصل و و اللقاح . كمان فيه تطعيم الحمى الشوكية لو البلد فيها و التطعيمات دى صلاحيتها عشر سنين حسب التطعيم و بيتكتب فى البطاقة الصفراء

 

[Omar Mansour Alfardy]

فيزا كينيا عند الوصول للمصريين
اول مرة اسمع عن فيزا ايست افريقا. بس انا اخدت وفيزا رواندا و بوروندي من القاهرة
بالنسبة التطعيمات
تاخد حمي صفراء و هيباتيتس ا و في واحد تاني مش متذكره
و تاخد الثلاثي و تيفود .. و مش لازم كوليرا لانها متعبة جدا
و بالنسبة للملاريا بتاخد اقراص مش تطعيم انما كنوع منزالوقاية و مش ١٠٠ في ١٠٠ بتقي من الملاريا و الأقراص بتاخدها قبل و خلال و بعد رحلتك كل عل حسب نوع الاقراص اللي حتاخدها
مالورون او دوكسي سايكلين
انا اخدت دوكسي سايكلين خلال اول رحلة لي لأفريقيا لمدة ٦ شهور و أعراضها الجانبية كتير جدا .. علي الاقل معايا
بعد كده والحمد لله عملت خمس رحلات في افريقيا ما اخدتش اي اقراص للملاريا ...
بس كنت ياخد احتياطي
المعروف ان ناموس الملارايا بيبقي نشط من قبل غروب الشمس وبعدها بتقول لحد مثلا صلاة العشاء
و من وقتوالفجر و حتي شروق الشمس
في الوقت ده باحاول اني ما أتعرضش لاي قرص من الناموس و باستخدم سبراي علي الجسد لابعاد الناموس (زي اوف كده )
و بالبس ملابس تغطي جسدي علي قدر المستطاع
و كنت جايب اختبار ملاريا
Malaria test kit
منtravel clinic في انجلترا

و عاما في ادوية محلية في الدول دي كوقاية من الملاريا و رخيصة الثمن
و نسيت اقولك ان التطعيمات و دواء الملاريا من فاكسيرا و لها فرع في الاسكندرية و المقر الرئيسي في.الدقي
بالتوفيق يا دكتور ...