I
Ismail Almaz
:: مسافر ::
من مشاهداتي الدائمة لنصائح الناس في السفر اقدر اجزم ان في خطوط عامة 1. زامر الحي لا يطرب وباب النجار مخلع ..دايمة الارض البعيدة احلى شوية ..2. فيما عدا اوربا وامريكا الشمالية بيكون لي بينصح في الغالب عايز يعمل كده بس متخوف عشان الشيء جديد وغريب شوية فبيكون بيفكر بصوت عالي اكتر منه بينصح .3 . انا مقيم في اوربا ولحد دلوقتي فعلا مش عارف انا مقيم فيها ليه ( نفس السبب النفسي متعلق بالنقطة 2 لي هو عشان اوربا صعبة والناس كلها بتسافرها فبتحس انه حرام بعد التعب تمشي ) 4. اكثر الاراء مجمعة على استراليا وكندا و امريكا وانا معاهم بصراحه واظن المسالة واضحة في المنافسة بس المشكلة مش الاختيار اكتر من امكانية السفر لي صعبة اوي للدول ديه .6. لو عايزة تسافري اوربا ومش قادرة على شنجن برشح تسافري اوكرانيا ولا دولة من شرق اوربا كلها كام سنه وتنضم لاوربا 7.في ميزة في دول اوربا و امريكا انه في عرب ومصريين هناك ..طبعا حتقولي نت مش طايقهم ..حقولك في ليالي معينة كده حتلاقيك بتحن ليهم حتى لو مصارلكش صحاب منهم بس على الاقل لما بيكون في تواجد للجالية العربية و اكلها بيعمل ونس 8. بما انك متجوزة ده بيعمل ميزة في نقاط ملف استراليا .9. مصر قبل المشاكل الاخيرة ديه اقدر اقول لو عايش فيها مش غني يعني متوسط احسن ما تسافر بره ( فيماعدا نقطه واحده هي لي بسببها سافرت وهي انك في اي لحظة في خناقه مع حد ظالم ولا لو ملكش ضهر ممكن تترمي في السجن اما النواحي الاخرة من ناس وشغل وتعامل فشايف مصر احسن ) .
N
Noha Mezo
:: مسافر ::
اولا انتي مش موضحه وظيفتك ولا البلد الي انتي فيها انا ممكن اقولك البلد يه كويسه بس ميكنش فيها فرصة عمل ليكم وممكن تطلع نفس البلد الي انتم فيها...لاني ده حسب كل فرد...اوعوا انتم لنفسيكم عملوا هدف تحوشوا. ومتفكريش في العنصريه موجودة حتي في مصر ...مصر مبقتش مناسبه للعيشه فيها وكله بيتغرب منها لمجرد اننا نبقي عايشين بني ادمين. لكن غير كده قدمي علي هجرة بس مش عارفه ارشحلك ايه لان كندا شروطها صعبه هي واستراليا وامريكا الله اعلم بحال الناس فيها ده الي بيتقال علي الميديا يخوف