A
Ashraf Hegazy
:: مسافر ::
تقرير عن الاسعار في اسطنبول ( للمحدودي المزانيه ) اولا انا لسه واصل مصر امبارح كل اللي صرفته ١٤٠ دولار تذاكر طيارات + ٥٠ دولار دروم ( اوضه فيها ٤ افراد ) + ٥٠ دولار اكل و شرب و فسح ..... واسعار الاكل تتراوح من ٣ ل ١٠ ليرا ، يعني مثلا متوسط سعى ساندوتش الشاورمه ب ٤ ليرا ، في ارخص و في اغلي ، الفرخه المشويه ب ٧ ليرا ، لتر البيبسي بليرا و العصائر اللتر من ليرا ل ٣ ليرا و نصف ، لتر اللبن ب ٢ ليرا ، اغلي حاجه هناك تقريبا البيتزا ، ازازه المياه بليره ( انا شخصيا كنت بشرب من الحنفيه و هي انضف من مياه النيل عندنا ) ، بالنسبه للملابس من اول ٥ ليرا لفوق بقي اوي ، انا اشتريت تيشرتات ب ٥ ليرا و ٦ ليرا و ١٠ و ٢٠ ليرا و جبت بنطلونات ب ١٥ ليرا ، كل اللي صرفته هناك ٥٠ دولار ، للاسف مأكلتش خالص هناك غير اول يوم و كنت معزوم و للاسف عملت حادثه و ممنوع من الاكل لحد دلوقتي فصرفت ٣٨ ليرا مواصلات و عصائر و لبن في ال ٦ ايام ، المزارات بقي بتشتري كارت ب ٨٥ ليرا بتدخلوا كل حاجه بيه مده صلاحيته اسبوع ، كارت المواصلات ب ٥ ليرا و بيتشحن بحد اقصي ٢٠ ليرا بس سعر ركوب اي مواصله ٤ ليرا للرحله الواحده و انا شخصيا كنت بمشي كتير جدا ، ركبت بس و انا بروح جزر الاميرات ، البلد و الشوارع حلوه اوي بقيت مش محتاج اركب و مشيت علشان اتفرج علي جمال البلد ، انا تقريبا لو قعدت اكتب للصبح مش هخلص فالافضل بقي اللي عنده استفسار عن سعر حاجه معينه يسألني و انا هجاوب بالاسعار لو عارف .