سانت بترسبرج : قصر بيترهوف وقصر الامبراطورة كاتربن فى بوشكين ومنطقة نيفتسكى و متحف الهرميتاج ( هتحتاجله يوم كامل على الاقل) ..و والونتر بلاس و وكاتدرائية سانت ايزاك وكاتدراية كازان وبالنسبة للكاتدرائيات بلاش تدخلهم كلهم عشان كلهم شكل بعض ما عدا طبعا كاتدرائية سانت ازيك دى اللى لازم تدخلها وخلى بالك لو بتلبس شورت عشان بعض الكاتدرائيات بيطلبوا منك متدخلش الا وانت لابس بنطلون وطبعا لازم تشوف الكوبرى فوق نهر النيفا وهو بيتفتح بالليل للسفن عشان تعدى وممكن تلحق البيلى نوتشى او ظاهرة الليالى البيضاء ... يعنى متستغربش لو لقيت بالليل الساعة12 او 1 ولسة فى ضوء نهارى فى السما.
موسكو: وسط موسكو حيث مبنى الكرملين والميدان الأحمر ومول ( جوم ) وكاتدرائية سانت باسيل اللى هى نقطة منتصف موسكو و حديقة ( فيدنخ) وفهى نماذج من كل كيان من كيانات الاتحاد السوفيتي و وحديقة جوركى العامة والحديقة النباتية (بوتانيتشكى ساد ) و وكنيسة يسوع المخلص او بالإنجليزية كريست زا سيفيور ودى بقى تحديدا الحراسة والكهنة فيها متشددين جدا فى موضوع الملابس. والمتحف الوطنى فى الميدان الاحمر برضه وفى اكواريم كبير فتح جديد ملحقتوش وانا هناك فى 2014 ...دى الاماكن اللى زرتها.
