ولادي قعدوا يزنوا يروحوا مصر لما كفروني و حجزت...

  • بادئ الموضوع بادئ الموضوع Shereen Elsayad
  • تاريخ البدء تاريخ البدء
عرض العطلة
#45
لا صعب قوي يروحوا الأقصر و أسوان في الصيف مش هيستحملوا اللف في الصحرا عند وادي الملوك مثلا ولا المعابد
خلي الأقصر دي في اجازة الكريسماس ده بتبقى وقت طويل عندكم
خلي الإجازة دي شوية مرسى مطروح على الجونة دهب او شرم و المتحف المصري و الهرم و القرية الفرعونية مثلا و دمتم كده فل قوي
خلي الأقصر و أسوان في زيارة تانيه
 
عرض العطلة
#46
بصي يا شيرين. انت تاخدي البنات و تروحي مرسي علم احلي من اجمل من مرسي مطروح. و كمان هيشوفوا انها احلي من الكاريبيان. ده اولا.
و من مرسي علم ممكن تروحي الأقصر و أسوان. بس اعملي حسابك في شمسية في أيد كل بنت علشان ضربة الشمس.
 
#47
انصحك في الله بعدم استخدام لفظ " كفروني " لان معناه صعب جدا
ويارب تروحو مصر بالسلامة وترجعو بالف سلامة
حفظكم الله جميعا
 
#48
مبدئيا حقهم طبعا يشوفو بلدهم بس المهم التمهيد للمفاجئات اللي هيشفوها يعني قعده كدا تعريفهم الطقس في الفتره دي عامل ازاي الزحمة في الاجازات وغير الاجازات المهم تمهدي عِشان انا خايف من القفش اللي بيجي بعد الزياره
مرسي مطروح امرها بسيط وسهل جدا في اعتقد بورتو هناك حاليا اكيد مستواها حلو او ممكن اي سمسار بقي يشفلك شالية او فيلا علي البحر الاسعار هناك لذيذه
لأقصر وأسوان لمصلحتهم قللهم قفلة عِشان لو راحو في الطقس ده هيفطسو وهيحلفو ما يدخلو البلد تاني
قللهم عمكو ابوسمبل اخد حتشبسوت وطلع الساحل يصيف اي حجة وخلعي
 
#50
ممكن توديهم الهرم في الجيزة والقرية الفرعونية هينبسطوا اوي وغداء على النيل وقلعة صلاح الدين ده كله في يومين
مطروح تحفه بس للاسف نادر انا القي لها رحلات منظمة دوري على اوتيل هناك وسهل تعملي رحلات
 
عرض العطلة
#51
حضرتك مش محتاجه تروحي كل الأماكن دى ولا تتعبي نفسك فى الكلام معاهم
هما بس لما ينزلو القاهرة ويشوفو التعامل بقى عامل الزاي هتلاقيهم هيقولو يلاه نرجع
مصر اتغيرت قوي يا لينا :-)
 
#53
ماتوديهومش مطروح .. وديهم مصيف بلطيم وفهميهم انه مطروح علشان يحرمو تانى يقولو عايزين نروح مصر :D
ولا وديهم مطروح عادى مابقتش تفرق كتيرعن باقى المصايف أصلاً
 
#55
انشاء الله توصلو بلسلامة وتنورو بلدكم وحاجة تفرح ان الاولاد حابين بلدهم مستغرب من كل الا بسمعة من تعليقات فاقسم بالله بلدنا جميلة عندك اماكن روعة مرسى علم تحفة دهب مفيش اجمل من كدة شرم الغردفة مرسى مطروح متعة انشاء الله اجازة سعيدة
 
عرض العطلة
#58
عايزه اسافر تركيا انا وبنتي 15 سنه ان شاء الله اسافر شهر ايه.واحجز فندق ازاي وفين حاجه نضيفه.والتماليف 7 ايام باذن الله طيران.ﻻزم عن طريق شركه سياحه وﻻ ايه والف الف شكر
 
#59
بخصوص الاقصر انصحك بحجز فندق ايتاب .. فندق محترم وجميل وف المدينه او فندق آشتي (شيراتون سابقا) ...
الاقصر ٣ ايام حلوين فيهم اول يوم ممكن تزوري معبد الكرنك ومعبد الأقصر ..ومتحف الاقصر وتاني يوم تحجزي بالون روووعه بصراحه ..البالون دا الصبح بدري وبعدين ترجعي الفندق ممكن تريحو وتفطرو وكدا وبعدين تروحو البر الغربي بالمعديه حتكون ع بعد دقيقتين مشي من فندق ايتاب وتروحو بعربيه لمعبد حتشبسوت ووادي الملوك وتمثالين ممنون ...وبعدين ترجعو الفندق وطبعا بالليل قضوها بقي ف المدينه وكدا ...
تالت يوم تطلعو موتور في النيل رحله وممكن تاخدو اكل معاكم مثلا من ماكدونالدز أو تروحو جزيرة الموز بالمركب وتتغدو هناك .. يا سلام لو حمام والشغل دا (مش غالين ع فكره ) ..وبعدين ترجعو تاخدو حنتور يلف بيكم ف المدينه وبعدين تجهزو الشنط للسفر لاسوان. . معرفش حاجه عن اسوان .
نصائح ..خلو معاكم ميه ديما وياريت لو شمسيات تكون معاكم ..العربيه تكون مكيفه اللي حتوديكم المعابد ..فيه مرشد اسمه الطيب رقراقي مشهور جدا ف الاقصر ممكن يطلع معاكم عشان يشرح للاطفال المعابد ...
يارب اكون افدك انا شغال هنا مندوب ف شركه سياحه وشغال هنا بس ف الاقصر ومعرفش اي حاجه عن مرسي مطروح أو اسوان لاني من الاقصر ومزرتش مطروح ..
لو فيه سؤال اتفضلي
 
#60
بلاش ارجوكي، وريهم فيديوهات حقيقية عن البلد من اليوتيوب، بلاش تفرجيهم علي افلام هينبهروا وهيفتكروها سراب، بصي اطلعي بيهم علي اي مكان ف العالم الا البلد دي
 
عرض العطلة
عرض العطلة
عرض العطلة
أعلى أسفل
عودة
قائمة