ولادي قعدوا يزنوا يروحوا مصر لما كفروني و حجزت...

[Shereen Elsayad]

ولادي قعدوا يزنوا يروحوا مصر لما كفروني و حجزت من 25 يوليو لحد 10 أغسطس.. عايزة اوديهم مرسى مطروح لو حد عنده اقتراحات رحلات منظمة يبقى كتر خيره و ... عارفة انكو هتقولوا عيلة هبلة بس عايزين يروحوا الأقصر و أسوان عشان ماينفعش يسيبوا كندا في الشتا عشان المدارس
انقذوني انا هموت من اللي فاكرين نفسهم سواح دول

 

[Hoda Abdallah]

في بورتو مطروح احجزى من علي booking .com

 

[Wessam Salman]

مش فيه اجازة عيد الميلاد؟ الاقصر و اسوان دلوقت ملهاش برامج و كمان هيموتوا من الحر!!

 

[Hossam Sultan]

مينفعش الأقصر واسوان فى الوقت ده خاااااااااااالص

 

[Nody Metawe]

ربنا يخليهملك وتوصلوا بالسلامة وتكون اجازة سعيده ان شاء الله
موضوع الاقصر واسوان مش هيكون ممتع خالص في التوقيت ده عشان الحر
انما ممكن تروحوا شرم او مطروح جميلة بردوا الحقيقة
ولو عاوزين الاقصر واسوان وعندهم تمسك قوي بيها يبقا كروز اسلم حل

 

[No Ur]

وديهم مطروح و مرسى علم ودهب قسميهم كدة واعملى جدول حلو باوتيلات حلوة.. وممكن لو طالبة معاهم يعنى تقعدوا فى كامب فى مرسى علم .. بالنسبة الاقصر واسوان ده مش جنان ده انتحار حضرتك النهاردة درجة الحرارة ٣٩ فى القاهرة وكانت الناس بتقع فى الشارع من الحر
اقنعيهم انه ممكن نخليها شوية حاجات فى القاهرة مش لازم الاقصر واسوان
والاهم من كل ده يتعاقبوا وتسبيهم هنا و اتبنينى انا مكانهم عادى
ومبعملش دوشة ومش هطلب حاجة

 

[Shereen Elsayad]

يا جماعة انا غلبت هما مصرين على الأقصر و أسوان اكتر من اي حته تانيه و هما راحوا شرم كتير

 

[Tina Emad]

وديهم دهب ومرسى علم هينبسطوا هناك اوى

 

[Nouran Ashraf]

مرسى مطروح فى رأى هى أفضل مكان عندنا يترحلوا فى الوقت اللى حضرتك مختاراه بس نصيحة بلاش أبدا الأقصر واسوان مش هتكون ممتعة خالص ده غير ان ولاد حضرتك متعودين على البرد فاعتقد انهم غلط يتعرضوا للجو الحار الشديد ده..
بس عموما انشاءالله تنبسطوا وتقضوا اجازة حلوة-

 

[Ganna Mohamed]

اعملي سيرش علي الفيسبوك "الرهف للسياحة" وهتلاقي عندهم عروض كويسة و اسعارهم حلوة

 

[Hala Ibrahim]

ممكن تحطوني في الشنطة معاكم وانتوا مروحيين

 

[Mohamed Ali Asad]

هم اول ما يخشوا المجال الجوي هيرجعوا ف كلامهم

 

[Wael Haroun]

بقول لحضرتك ايه ممكن يروحوا مرسي. مطروح والأقصر وأسوان عادي جدا قوليلي أعمارهم وإعدادهم وانا هبعتلك كذا برنامج وشوفي الانسب

 

[Rasha Ismail Ali]

NoRaa Ahmed

 

[Ayman Abdellatif]

أفضل نيل كروز للاقصر وأسوان Jazz ممكن تحجزيها عن طريق شركه Travco هى الشركه المالكه . بس فى الوقت ده مش مناسب لزياده الآثار لأنها تمشيه كل يوم حوالى 5 ساعات

 

[Ayman Abdellatif]

اقترح عليكى تروحوا دهب البحر فيها تحفه وبعد كده ممكن شرم الشيخ

 

[Heba Najeeb]

الاقصر واسوان في الصيف والله لهتشوفوا ايام حلوووه

 

[Huda Reda]

مطرووووح بجد تحفة انا رايحة من ٧/٢٩ ان شاء الله

 

[Rania Al]

بلاش حاليا الجو نااااار

 

[Amr Elmasry]

الاقصر واسوان جميلة جدا بس الحر صعب حضرتك ممكن ترحوا مرسي مطروح او شرم او الغردقة روعة بس تحسي انها local وشرم جميلة جدا وجوها ممتاز واجازة سعيدة انا متواجد في شرم لو احتجتم حاجة انا تحت امركم ممكن اساعدكم لو حبتوا تحجزوا مع انفسكم ممكن ابعت ليكم تليفونات شركات ومكاتب سياحة واسعار ممتازة وممكن احجزلكم شقة في فيلا في قرية لو حبيتم