مساء الخير،،ده اول بوست ليا ع الجروب واتمني...

[Om Berry]

مساء الخير،،ده اول بوست ليا ع الجروب واتمني تساعدوني لاني تايهه

انا مسافره اوربا بعد اسبوعين ع مطار باريس وهنرجع من باريس انا وجوزي وهنقعد ٢٢ يوم ومش عارفين نرتب الرحله

عاوزين نروح فرنسا وهولندا وايطاليا وبرشلونه وسويسرا والنمسا وتكون فرنسا اخر ايام في الرحله عشان نقدر نشتري

ممكن حد يقولنا نرتب الرحله ازاي؟ مع العلم ان مش مهم كل الاماكن التاريخيه
نستخدم ايه بين الدول لان لقيت الباص٥٠ يورو والقطار غالي ٢٥٠ يورو ومفيش معانا وزن

هل ٢٠٠٠ يورو يكفوا سكن ومواصلات؟

هل اشتري هدوم من هناك ولا هتكون غاليه؟ يعني الف يورو يكفوا ليا لبس؟

ياريت اللي عنده اي معلومه ميبخلش بيها خاصه عن الشوارع اللي نقدر نسكن فيها في كل مدينه

وكام ميزانيه الرحله يعني في بالي ٥ الاف احنا ال ٢ هل يكفوا وننبسط هناك؟

 

[Khaled Badry]

الدول دي كتير جدا ومش جنب بعضها . الرحلة بالشكل دا غير منطقية .

 

[Ashraf Gawdat]

هولندا بعيدة عنهم
الباقيين جنب بعض لكن يستحسن يكونوا بالترتيب الجغرافي .. يعني مثلا (إيطاليا - النمسا - سويسرا - فرنسا - اسبانيا) .. ولو عايزين اخر بلد تكون فرنسا يبقى يا إما تستحملوا المشْوَرَة رايح جاي يا تلغوا برشلونة من الحسابات.

بعدين لازم تحددوا نوع الفسح اللي انتوا عايزينها .. جو مدن ولا جو طبيعة وجبال وكده وعلى الأساس ده تحددوا بشكل أدق تروحوا فين ومتروحوش فين.

وأخيرا وليس آخرا رأيي تلغوا سويسرا من الخطة .. غالية جدا بدون داع .. يعني الطبيعة هتلاقوها بشكل جميل جدا في النمسا مثلا .. والمدن الجميلة هتلاقوها في أي بلد أوروبية أصلا. أنا عملت برضه euro trip كده السنة اللي فاتت وندمت إني رحت سويسرا

 

[Mohamed Mohie Yakout]

فى نصيحتين
أنتم هتبدأوا وتنهوا من نفس البلد يبقى تأجروا عربية هتكون رخيصة جدا ومفيدة و كدة هيكون فى فرصة للإقامة بعيد عن سنتر المدن وطبعا دة هيوفر جامد جدا
بالنسبة للشوبنج يبقى فى الآخر من باريس فال دى يورب أوت لت قبل ديزنى لاند بمحطة واحدة ودة فى كل البراندات وأسعاره حلوة جدا
آخر حاجة اعملى أديت للبوست وحاولى دحدى شوية فى أنتم بتحبوا اية (طبيعة ،أماكن تاريخية، ريف ، تمشية، ،،،،،،،) لان كدة هيجيلك اجابات كتير اوى هتلخبط اكتر ما هتفيد

 

[Ayman El Semry]

اولا لو شراء يبقي برشلونه أرخص مدينه ممكن تشتري فيها بعكس باريس غاليه جدا

 

[Mohsen Askar]

اكتفي ببلدين تلاتة عشان تعرفي تستمعي بالرحلة ..

 

[Noha Feky]

Mohammad El Kady

 

[Ashraf Awad]

ركزي ف كل كلمة لان واضح ان فيه حاجات كتير تنقصكم عن أوربا
اولا الذهاب والرجوع من باريس وانا مش عارف ليه حجزتم الطيران ولا لسة
لان المفروض تحجزوا طيران الي باريس مثلا وترجعوا من بلد تانية زي فيينا
ثانيا ف حالة حجزكم الطيران رايح جاي من باريس
يبقي خالفوا بشكل دائري مش بشكل متتالي
باريس تعتبر ف الناحية الغربية من أوربا فوقها هولندا وبروكسل وتحتها برشلونة ومدريد ومالجا
وجنبها سويسرا وايطاليا
انتم واخدين تايم كبير
والتنقل كتير
يفضّل شنطكم تكون خفيفة
ثالثا الهدوم ليكي ١٠٠٠ يورو من ال٢٠٠٠ يورو ولا غيرهم
ع العموم هاشتري كل ما يلزمك من الاوتيليت فليدج اللي ف باريس او ف فيينا او بين الدول نفسها أرخص وبراندات إنما لو دخلتم اي مول جوا اي مدينة هيضيعوا
للاسف المبلغ صغير ع الإقامة الفاخرة او المحدودة
ع اقل تقدير الأوتيل ف اي مدينة مش هيقل عن ٦٠ يورو لكم ده معناه ان ف ال٢٢ يوم هتدفعوا حوالي ١٣٠٠ يورو إقامة ع اقل تقدير والمواصلات مش هتقل عنهم لو هتزوروا بلاد كتير
٥٠٠٠ يورو مبلغ ممتاز
بس مع بعض التعاملات لازم تتم هتوفروا منها
لو حضرتك بتسوقي وجوزك كمان أجروا عربية صغيرة ميني كوبر اليوم هيعمل بالكتير ٣٠ يورو والميزة إنكم هتاخدوها من مطار باريس وهترجعوها نفس المكان التأمين اقل
ف الحالة دي ممكن تلقوا كتير وتكلفة اقل
وكمان هتكون معاكم ف اي وقت
برشلونة ومدريد بعيدة شوية خلوا مشواركم باريس ديزني هولندا بروكسل سويسرا وفيها بلاد حلوة ومنها لسالزبورج وفيينا وبرتاسلافا وبرامج وبعدها تنزلوا ع إيطاليا فينيسا وميلانو ومنها تدخلوا ليون ونانت فرنسا ومنها لباريس
ده لو عربية
لو قطار
انصحك تعملي رووت انا كاتبه قبل كدة هنا امبارح
بالاسعار والترتيبات

 

[Mohamed Ibrahim]

البلد اللي تطلعي منها لا ترجعيها تاني ابدااا نصيحه

 

[Ayman El Semry]

شوفي بقي
تجلسي في باريس اول ليلتين و تزوري فيها برج ايفل و كينسه notre dame و كمان شارع الشانزليزيه وarc de تراينف و بعد كده اذهبي للمطار و خذي تذكره طيران احجزيها من الان من النت علشان تبقي رخيصه من مواقع شركات low cost زي www.easyjet.com و كمان www.ryanair.com و اذهبي الي النمسا و ممكن تجلسي هناك ٤ ليالي و لا أستطيع أقول لكي تزوري ايه هناك لأنني لم اذهب اليها و بعد ال٥ ايّام اذهبي الي بودابست المجر لانها جنب النمسا و اجلسي هناك ٢ ليله و بعدها خذي طائره علي برشلونه و اجلسي هناك ٦ ليالي و هناك ممكن تسافروا مدينه اسمها Salou بعيده عن برشلونه ٨٠ كيلو و لكن دي مدينه جميله جدا و تستمتعوا بالبحر و الجو هناك و تزوروا ملاهي portaaventura و دي ملاهي فظيعه و هناك الفنادق ممكن بتكون بالأكل فهتوفري و بعدها اذهبي برشلونه ٣ ليالي و هناك اجلسي في ميدان Catalonia و استمتعي بارخص شوبنج في أوربا و في مزارات كثيره هناك و تذهبوا للاستاد لان بيفتحوا الاستاد للزيارات و تشوفي غرفه اللاعبين و المعلب ..... ثم بعد ذلك طائره الي باريس بس غالي بالك علشان وزن الشنط و في باريس اجلسي ٦ ليالي اول ليلتين اذهبي مدينه Val d''europe اللي فيها ديزني و احجزي في فندق HiPark لانه جنبه مول و outlet و اقضي يوم شراء فيهم و المدينه دي هادئه و جميله و ثاني يوم اذهبي للملاهي و بعدها ارجعي ٤ ليالي باريس و تذهبي فيهم يوم لقصر فرساي versia القصر كبير و بيه حديقه و بحيره و ممكن تاخذي عجل هناك و مركب في البحيره و تقصي يوم في باريس في منطقه اسمها La Défense بيها مول حكايه للشراء و اليومين الباقين شوفي شوارع باريس و ميدان الأوبرا و اللوفر زوريه ........و رحله سعيده

ملحوظة :

-الكلام ده مكلف طبعا
-بلاش سفر لبلاد كثيره هيضيع الوقت و مش هتكوني حفظتي البلد اللي زورتيها
- إيطاليا روما من وجه نظري مش من الاولويات للزياره
- احظري روما و برشلونه النشل فيها كثير و لهم طرق فبلاش هناك تركبي مترو الإنفاق
- تأجير السياره وجع دماغ و لكن ممتع علشان الركن لأنك هتدفعي parking كثير ده غير القلق لحسن السياره يحدث لها شيء مهما كانت تأمين شامل بس وجع دماغ

لو عايزه نصحتي ممكن تجعليها فرنسا و اسبانيا فقط و في فرنسا اذهبي باريس Val d Europe Nice canne للعلم نيس و كان حكايه لو بتحبوا البحر و كمان من نيس ممكن تاخذوا الطائره لبرشلونه

 

[Ayman El Semry]

انا لم اخذ بالي من ألفين يورو لو كده هيبقي صعب البرنامج اللي قلته و اعتقد الأفضل يبقي زياره باريس و برشلونه فقط و هتكون مزنقه

 

[Sherif Aly Ebrahim]

فرنسا شمالها بلجيكا وهولاندا
بلجيكا مش مستهال فيها غير يومين بس هولاندا من ٤ايام الي خمس لو هتروحي شمال مقاطعه فريز لاند وفي جزيره هناك بس انا مش فاكر اسمها ايه كلها الطواحين الهواء والبيوت القديمة والتنقل بينهم (بلجيكا /هولاندا /باريس )بيكون بالباص
ودوري هتلاقي باصات أرخص من ٢٥ يورو .
اما لو انت عايزه تشتري هدوم وملابس رخيص وماركات وتفسحي في بلاد رخيصه جدا تكون شرق أوروبا ( التشيك /المجر /النمسا ) وبلاد حلوه جدا وديه سهله جدا من باريس
تحدي طيران داخلي (إيزي جيت ) الي ميلانو إيطاليا تقعدي ٤ايام هناك تروحي فيها منطقه اسمها شاسو علي الحدودالايطاليه السويسرية ومنا الي فوكس تون اكبر أوت لت في أوروبا كلها
وبعدين تخدي طيران داخلي آلي بودابست وهناك اولت لت مش هتخلصيه الي في ٣ايام

 

[Sherif Aly Ebrahim]

ومن بودابست الي براغ برضوا اوت لت وكرستال التشيكي والاسعار زي الفل ومنها الي النمسا كله باصات اسمها student bus وبعدين منها الي ميونخ الي باريس تاني بالقطر او باص علشان حجم الشنط الطيران الداخلي لازم الشنطه ٨كيلوا

 

[Moustafa Mohamed Abd Allah]

ممكن افضل مكان او outlet للتسوق فى Amsterdam و Zwolle

 

[Ahmed Reda]

ع فكره انا روحت بالترتيب :
زيوريخ ، ميلان ، فينيسيا ، باريس ، بروكسل ، أمستردام ، براج ، فيينا ، زيوريخ

وكل دا كان ب 350-400 يورو

وللعلم مره كان في رحلة طيران من ميلان ل باريس ب 5 و 7 دولار

ف دوري كويس وخدو شنط خفيفة

 

[Heba Ibrahim]

برشلونه اللى تشترى منها مش باريس .باريس غاليه برشلونه رخيصه

 

[Sameh Tammam]

احكلنا تفاصيل اكتر Ahmed Reda

 

[Mado Yousif]

Rania Yousif اقري الكومنتات علشان نحضر كويس لرحله مرسي مطروح

 

[Amr Mohy]

لو هتخدوا carry on بس يبقى سعر الطيارة عن القطر مش هيفرق والاحسن تاخدي طيران ايزي جت او فولينج بين الدول(من ٥٠ ل ٨٠ يورو) عشان متضيعوش وقت. ثانيا اختاري ترتيب الدول على حسب الطيران الارخص. هتحتاجي تدوري وتتعبي شوية. ابدئي بالدول القريبة من بعض. الرحلة كبيرة بس تتعمل عادي جدا. انا عملت زيها تقريبا وعدد ايام اقل كمان. بس هترفهدوا شوية.

 

[Abo Alhell Moh]

استاجري سياره اول ايام - واستخدمي الGps وعيشوا الحياه