R
Rasha Magdy
:: مسافر ::
لو سمحتوا حصل معايا موقف مع طيران سيريلانكا وعايزة اعرف اعديها وخلاص ولا اتصرف ازاي ..
كنت حاجزة كويت - كوالالمبور ترانزيت كولمبو .. المفروض مدة الترانزيت ساعة الا ربع .. واللي حصل ان رحلة كويت كولمبو اتأخرت نص ساعة وبالتالي علي ما وصلنا ونزلنا محدش من الركاب لحق الرحلة التانية .. لقينا موظفة من طيران سيريلانكا بتنده علي اللي تقابله في وشها كوالا تعالي معايا والناس تجري وراها قالتلنا هتروحوا سنغافورة دلوقتي وتنزلوا ترانزيت ساعة وربع وتركبوا من هناك لكوالا واديتنا ورق مطبوع مسبقا وجاهز باسامينا فيه رحلتين سنغافورة وكوالا( علي اي اساس عرفوا مسبقا اننا مش هنلحق وطبعوا الورق ؟ ولا اساسا تأخير الطيارة كان مقصود عشان كراسينا اساسا اتحجزت لحد غيرنا ) .. وطبعا معرفتش تلاقي كل الناس ومش كل الناس لحقت رحلة سنغافورة ومعرفش مصير الناس اللي فضلت في كولمبو ايه .. المهم ركبنا ونزلنا سنغافورة لقينا واحدة مستنيانا بيافطة ولمت الناس ورحنا نسأل علي رحلة كوالا ٣ وربع قالولنا لا ملكوش مكان فيها استنوا الرحلة اللي بعدها بساعة ٤ و ربع.. استنينا نعمل بوردنج قالولنا لا مش هتلحقوا تحجزوا فيها تعالوا علي اللونج استنوا لما نشوف هنعمل ايه .. فين وفين بعد ما اتكلمنا وابتدينا نتعصب عليهم
قالولنا خلاص حجزنالكم رحلة ٧ الا ربع
والحمدلله وصلنا كوالا الساعة ٨ ونص مساء بدل ماكان مقرر نوصل ١ ونص ظهرا واليوم اتضرب ..
السؤال هنا :
١- ليه من باب اولى لما نزلنا مطار كولمبو مالقيناش موظفة مستنيانا زي ما حصل في سنغافورة وخدتنا ورحنا ركبنا رحلتنا اللي المفروض معانا البوردات بتاعتها جاهزة وكراسينا محجوزة ؟؟؟ حتي لو كانوا هيأخروها ربع ساعة علي ما الناس تركب ؟؟؟
٢- ليه ضحكوا علينا وقالولنا هننزل نركب من سنغافورة علي طول بعد ساعة وربع ترانزيت علي اساس انهم حجزولنا وفي الواقع مكنش فيه حاجة محجوزة وقعدنا في سنغافورة ٤ ساعات ونص ؟؟؟؟
٣- المفروض اسكت وارضى بالبهدلة اللي حصلت وخلاص ولا
رد فعلي يكون ايه ومع مين ؟؟
ومنهم لله ضيعوا اليوم وبهدلونا ومشينا كمية مشي غير طبيعية من هنا لهنا ومن الترمنال ده لده ومن الكاونتر ده لده ونركب قطر وننزل من قطر ونرجع تاني اللي مشيناه وتجري واحنا نجري وراها وانا معايا طفل اتبهدل اخر بهدلة ويادوب لسه واصلين الاوتيل وطبعا تعب النهاردة هيأثر كمان علي اليوم بكرة منهم لله .
كنت حاجزة كويت - كوالالمبور ترانزيت كولمبو .. المفروض مدة الترانزيت ساعة الا ربع .. واللي حصل ان رحلة كويت كولمبو اتأخرت نص ساعة وبالتالي علي ما وصلنا ونزلنا محدش من الركاب لحق الرحلة التانية .. لقينا موظفة من طيران سيريلانكا بتنده علي اللي تقابله في وشها كوالا تعالي معايا والناس تجري وراها قالتلنا هتروحوا سنغافورة دلوقتي وتنزلوا ترانزيت ساعة وربع وتركبوا من هناك لكوالا واديتنا ورق مطبوع مسبقا وجاهز باسامينا فيه رحلتين سنغافورة وكوالا( علي اي اساس عرفوا مسبقا اننا مش هنلحق وطبعوا الورق ؟ ولا اساسا تأخير الطيارة كان مقصود عشان كراسينا اساسا اتحجزت لحد غيرنا ) .. وطبعا معرفتش تلاقي كل الناس ومش كل الناس لحقت رحلة سنغافورة ومعرفش مصير الناس اللي فضلت في كولمبو ايه .. المهم ركبنا ونزلنا سنغافورة لقينا واحدة مستنيانا بيافطة ولمت الناس ورحنا نسأل علي رحلة كوالا ٣ وربع قالولنا لا ملكوش مكان فيها استنوا الرحلة اللي بعدها بساعة ٤ و ربع.. استنينا نعمل بوردنج قالولنا لا مش هتلحقوا تحجزوا فيها تعالوا علي اللونج استنوا لما نشوف هنعمل ايه .. فين وفين بعد ما اتكلمنا وابتدينا نتعصب عليهم
قالولنا خلاص حجزنالكم رحلة ٧ الا ربع
والحمدلله وصلنا كوالا الساعة ٨ ونص مساء بدل ماكان مقرر نوصل ١ ونص ظهرا واليوم اتضرب ..
السؤال هنا :
١- ليه من باب اولى لما نزلنا مطار كولمبو مالقيناش موظفة مستنيانا زي ما حصل في سنغافورة وخدتنا ورحنا ركبنا رحلتنا اللي المفروض معانا البوردات بتاعتها جاهزة وكراسينا محجوزة ؟؟؟ حتي لو كانوا هيأخروها ربع ساعة علي ما الناس تركب ؟؟؟
٢- ليه ضحكوا علينا وقالولنا هننزل نركب من سنغافورة علي طول بعد ساعة وربع ترانزيت علي اساس انهم حجزولنا وفي الواقع مكنش فيه حاجة محجوزة وقعدنا في سنغافورة ٤ ساعات ونص ؟؟؟؟
٣- المفروض اسكت وارضى بالبهدلة اللي حصلت وخلاص ولا
رد فعلي يكون ايه ومع مين ؟؟
ومنهم لله ضيعوا اليوم وبهدلونا ومشينا كمية مشي غير طبيعية من هنا لهنا ومن الترمنال ده لده ومن الكاونتر ده لده ونركب قطر وننزل من قطر ونرجع تاني اللي مشيناه وتجري واحنا نجري وراها وانا معايا طفل اتبهدل اخر بهدلة ويادوب لسه واصلين الاوتيل وطبعا تعب النهاردة هيأثر كمان علي اليوم بكرة منهم لله .
و انبسطي في اجازتك الحمدلله انكم وصلتم بالسلامه بعد التعب ده