دة اول بوست علي الجروب ليا انا هتكلم عن مكان...

[Abanoub Atef Akram]

دة اول بوست علي الجروب ليا
انا هتكلم عن مكان ممكن ناس قليلا اتكلمه عنه
هتكلم عن ازي تروح إسكندرية با 110 جنيه
طبعا مستغربين بس هقولكم

و مش عايز حد يستغرب من كتر التفاصيل اللي هقولها ⁦⁩⁦⁩

اولا ايه ارخص موصله من القاهره لي إسكندرية هي القطر التذكرة من القاهرة لسكندرية با 10جنيه انا مصدقتش زيكم بس مصر لسة بخير هو القطر بيتحرك اساعة 7.15 بظبط من المحطه بيقف في محطه اسمها سيدي بشر بيخد 3ساعات فا هتوصل علي 10.15 بظبط

بتنزل هتلاقي علي طول مكرباص بيقول ميامي دة
با 4.5جنيه

هيوديك لحد الكورنيش هتنزل اقرب مكان في الكورنيش اول مهتنزل هتلاقي علي طول مكتبة إسكندرية
لازم تروح المكتبة من جوه حاجة واهم من الاخر يعني دخول المكتبة با 3جنيه و المكتبة بتقفل اساعة5

طبعا روحت اسكندرية لازم تاكل كبدة اسكندراني في واحد اسمه هاريدي جنب المكتبه علي طول هو مشهور اووي
بيبيع كبدة من الاخر الرغيف با 2 جنيه قول هتاكل 5 دة حاجة كبيرة يعني يا 10جنيه اه صح الاسكندريان مش بيحطه طحينة علي الكبدة فا اطلبه منهم

روحت المكتبة وكلت كويس هتكون جت اساعة 12.30
هتروح علي الكورنيش هتلاقي اي مكرباص با 2جنيه قوله القلعة هتروح قلعة قايتباي الدخول با 5جنيه للطلبة هتقضي وقت حلو اوي جوه و صور وكدة بقي هتكون جت اساعة 2.30

هتروح تطلع تاني علي الكورنيش هتركب مكروباص تقول كوبري استانلي دة اشهر كبري في اسكندرية دة اي فيلم اتعمل في إسكندرية لازم يخده مشهد علي الكوبري دة المكرباص هيخد منك 2 جنيه هتقضي وقت حلو جدا وهتكون جت اساعة 3.30

لازم بعد كل دة نقعد اقدم البحر شوية و بحر إسكندرية لازم تقعد و تستمتع شوية و لو ليك في القراءة زاي خدلك رواية وعيش شوية بعيد عن الدوشه والزحمة
بص هتمشي بظبط من الكوبري لحد المكان اللي في الصورة دي 10 دقائق بظبط مكان تحفه عيش شوية و هدي اعصابك علشان هتعمل كام حاجة مجنونة كدة بعد البحر

اساعة هتكون جت 6 هتطلع علي الكورنيش تاني هتلاقي ايه بقي يا معلم اوتوبيس من بتوع انجلترا اللي بدورين متفتكرش نفسك في انجلترا لا دة في إسكندرية لازم تركب الاوتوبيس دة هتركب و تقوله نزلني شارع خالد ابن الوليد و الاوتوبيس دة اسمع المشروع با 5جنيه

هتنزل هتلاقي علي طول محل اسمه ابن حميدو دة اشهر من نار على العلم هنروح إسكندرية منغير مناكل سمك مش هينفع
هتخش هتلاقي في المنيو واجبة محترمه با 35جنيه كلت

جنبه علي طول حد بتاع ايس كريم اسمه عزة دة مشهور اووي في إسكندرية لازم تاكل ايس كريم منه حاجة حلوة اوي با 10جنيه بس
هتخد الايس و تروح علي البحر تاكل بامذاج

كلت الايس هتلاقي حد بياجر عجلات لازم تركب عجلة كدة وتلف بيها اسكندرية هتستمتع جدا كنت ساعة با 10جنيه

بعد كل دة هتلاقي جت اساعة 10 تقدر تتحرك علي المحطة بتعت القطر علشان تلحق رحلة 11.15 هتركب اي مكروباص رايح محطة مصر با 4.5 جنيه هتنزل وتركب القطر با 10جنية و حمدالله علي السلامة

ملحوظه
مبلغ 110جنيه دة انا مكونتش مراتبله خالص هي جت كدة انا كنت راكب القطر علي اساس التذكرة با 60جنيه و حاجات من كدة و مكونتش فاكر الاسعار رخيصة في إسكندرية مدة

Enjoy ba2a

 

[Heba Amr]

Da al atr da asmo ah?

 

[Muhammed Yehia]

القطر اسمه قطر مميز و ده معفن يعني و في الصيف بيبقى 1000 في العربية ، بس انا بحبه

 

[Yomna Ibrahim Mahmoud]

Mostafa Fouda

 

[Marwa Abd Elfattah Miro]

والله انت راجل محترم قوي ربنا ييسرلك امرك دايما

 

[Mai Shabana]

Dalia Zahran سيبك من الاسعار حلو البرنامج

 

[Karim Goouda]

فى فتره زمنيه مفقوده انك هاتقف فى سيدى جابر وانت رايح كوبرى ستانلى من 3:30 لحد 11 بليل فتركب القطر من سيدى جابر وتروح بقى

 

[Islam Mohammed Haggag]

Rawda

 

[Ahmed Zakria]

كلمة بالضبط ومع القطارات و ف مصر don't mix

 

[Ahmed Said]

طب انا من اسكندريه و بقولك يا زين ما اخترت

 

[MO Ham ED]

بتنزل محطه سيدى جابر مش سيدى بشر
والقطر دا متعب خصوصا لو الى مسافر مش متعود ع المغامره ممكن يركب قطر ٦.٣٠ ص بحوالى ٣٠ ج ومكيف ومرتاح
وممكن يروح المنتزه وسان ستيفانو ويروح كافيه اوباا ويضبط اليوم دا على ميعاد مسرح مصر ويحضره

 

[Aya Kamal Abo-Elkhair]

Ahmed Eltabey Emara

 

[Eman Sliman]

ماتنساش تعدى على مضيق سيدى جابر
ده قابل انه يضيعلك اليوم كله

 

[Don Dinali]

برنامج جميل و أسلوبك رائع بس المرة الجاية تروح للفلاح و تجرب الكبدة من عنده . جنبه خروب امال حاجة من الاخر ..

 

[Yasmin Eid M.]

ربنا يبسطك دايما يابنى .. إحنا عايشين فيها و مش بنستمتع كدة خالص

 

[Heba Kandil]

انت خارق

 

[Bassem Eldemerdash]

هي دايما حلاوة اي رحلة في بساطتها وده أجمل حاجة في الرحلة بتاعتك

 

[Esraa Ahmed]

يلا بينااا Hasna'a Ib. Rana Ashraf. Omneya Abd El Nasser. Rawan Moustafa.

 

[Fouad El Mahdy]

Ahmed Elmasry اسكندرية دولة يبنى يا مقرح

 

[Emma Mohmed]

بجد حاجه جميله جداااااااا