A
Adham Hilaly
:: مسافر ::
#سافر_صح
جزيرة كريت | اليونان
يعني شهر العسل
شهر العسل ده من وجه نظرنا هو اهم فتره ليكم بعد الفرح
مهما سافرتوا بعد كدا ومهما لفيتوا مع بعض اماكن مش هيكون زي شهر العسل
مهما تقولوا عن اجمل اوقات مش هيكون زي شهر العسل
شهر العسل حيث الحب الخالص
حيث بدايه العلاقه الزوجيه
حيث الخصوصيه والوقت بتاعكم بقا بعد طول انتظار
حيث اول سفره مع بعض في الحلال وفي عز شبابكم
حيث لحظات الحب الجميله اللي مش هتتنسا وهتفضوا تفتكروها طول العمر ان شاء الله
رحله لازم الزوج على اد ما يقدر يبقا هدفه اسعاد وارضاء عروسته
رحله لازم الزوجه يبقا هدفها اسعاد زوجها من كل النواحي
طب ليه يا ادهم اليونان ؟
اليونان . . لأسباب كتيرا
السبب الأول
اننا بعد سفر كتير لدول كتيرا لقينا انها افضل مكان لاي عروسه وعريس
السنادي كانت تاني مره نسافر اليونان وخاصه جزيره كريت وبرضه لسه بنقع في عشق الجزيره الجميله ديه اللي بنتمنى نزورها كمان وكمان
احنا بنعتقد ان جزيره كريت كنز مدفون
كريت هيا اكبر جزر اليونان
جزيره ضخمه بمعنى الكلمه لدرجة أننا سافرنا لها مرتين و لسه مخلصنهاش . جزيرة فيها 3 مطارات. تخيلوا
طب ايه مميزاتها اللي تخليها مناسبه لشهر العسل
خد عندك
بشكل عام وضع اليونان الاقتصادي بعد الازمه الاقتصاديه اللي من كام سنه وكمان بعد مقاطعة روسيا لمنتجات الفاكهه اللي كانت بتصدرها ليها بسبب المشاكل السياسيه بين الاتحاد الاوروبي وروسيا مؤخراً خلا الوضع الاقتصادي في الحضيض
(لهواه السفر ومحبي السفر بشكل عام لازم تدرس كويس الوضع الاقتصادي للدول اللي عاوز تسافرها لان ده ممكن يوفرلك مبالغ كبيره او ممكن يخليك تصرف مبالغ كبيره)
على سبيل المثال اليونان الوضع الاقتصادي تعبان
وده في صالح السياح
زي عندنا كدا ايام الثوره وبعدها لما نزلت اسعار الفنادق في شرم الشيخ والغردقه
الميزه ان اليونان الوضع الامني جدا مستقر يعني الاسعار المنخفضه لكل حاجه سببها اقتصادي بحت
خد عندك بقا من اول اسعار الفنادق وكمان المنتجعات اللي شامله الوجبات كلها بسعر روعه
كمان ايجار العربيات وزي مثلا انك عاوز تأجر حصانين لمده يوم كامل مع التدريب بسعر خيالي
واسعار الرحلات الخاصه وغيره وغيره
يعني لو مخطط تطلع شرم الشيخ كشهر عسل اقدر اقولك لو ضفت مبلغ لطيف عليهم ممكن تطلع جزيره كريت وانتا باشا
تاني سبب خلانا نحب جزيره كريت هو انها فيها كل حاجه بمعنى الكلمه
احنا لما سافرنا ايطاليا كنا عشان نشوف الجبال روحنا الشمال
وعشان نعيش الرومانسيه روحنا فينسيا
وعشان نجرب الحياه في الريف الايطالي سافرنا على فلورانس
وعشان تشوف الاثار الايطاليه كنا لازم ناخد قطر ونسافر على روما
اما بقا لو كنا عاوزين نستمتع بمنظر البحر الجميل كان لازم نسافر على الجنوب
كريت بقا يا جماعه فيها كل ده جمب بعضه
مش محتاج تسافر كتير في نفس الدوله عشان تشوف كل ده
الميا الروعه جمب الجبال التحفه جمب شوارع كريت الرومانسيه
ضيف على ذلك وجود القرى اليونانيه وتجربه انك تزور الاماكن الشعبيه
وكمان الخصوصيه الرهيبه اللي في شواطئها
يعني على سبيل المثال كنا بنحب نروح شاطئ بعيد بالعربيه مفيش فيه حد على بعد ١٠ كيلو
فكنا بناخد راحتنا وبخصوصيه تامه
كمان اليونان بشكل عام دوله شرقيه
يعني جيسي على سبيل المثال محستش بأي مشكله مع الحجاب هناك
بالعكس الشعب اليوناني شعب مرحب جداً بالاجانب وتحسه كدا زينا
على عكس دول اوروبيه تانيه لما سافرنا كانت مش مرتاحه من نظرات بعض الناس ليها
باختصار قرب مكانها الجغرافي من مصر ووضعها الاقتصادي وكمان وجود كل العوامل الجيده الخاصه بالسفر من فنادق كتير بتقدم عروض قويه جدا شامله كل شيئ وطبيعه اهلها الشرقيين وكمان جوها العليل مع الميا النقيه وطبعاً اكلاتها الشهيه بتخلي جزيره كريت هي الاقرب لقلبنا بعد خبره سفر مش صغيره
كريت ميكس كدا وكوكتيل رائع من الجو المثالي والطبيعه الغنيه والاسعار الحنينه والشعب المرحب بالسياح والخصوصيه اللي محتاجها كل عريس وعروسه والاكل اللذيذ وكمان الفنادق ذات الخدمه الممتازه والمتنوعه والبعد الثقافي الجميل ورحلات الجزر الكتيرا
دلوقتي هنسيبكم تستمتعوا بتقرير فيديو عن رحلتنا لجزيره كريت
#شريك_الحياة
#أدهم_و_جيسي
جزيرة كريت | اليونان
يعني شهر العسل
شهر العسل ده من وجه نظرنا هو اهم فتره ليكم بعد الفرح
مهما سافرتوا بعد كدا ومهما لفيتوا مع بعض اماكن مش هيكون زي شهر العسل
مهما تقولوا عن اجمل اوقات مش هيكون زي شهر العسل
شهر العسل حيث الحب الخالص
حيث بدايه العلاقه الزوجيه
حيث الخصوصيه والوقت بتاعكم بقا بعد طول انتظار
حيث اول سفره مع بعض في الحلال وفي عز شبابكم
حيث لحظات الحب الجميله اللي مش هتتنسا وهتفضوا تفتكروها طول العمر ان شاء الله
رحله لازم الزوج على اد ما يقدر يبقا هدفه اسعاد وارضاء عروسته
رحله لازم الزوجه يبقا هدفها اسعاد زوجها من كل النواحي
طب ليه يا ادهم اليونان ؟
اليونان . . لأسباب كتيرا
السبب الأول
اننا بعد سفر كتير لدول كتيرا لقينا انها افضل مكان لاي عروسه وعريس
السنادي كانت تاني مره نسافر اليونان وخاصه جزيره كريت وبرضه لسه بنقع في عشق الجزيره الجميله ديه اللي بنتمنى نزورها كمان وكمان
احنا بنعتقد ان جزيره كريت كنز مدفون
كريت هيا اكبر جزر اليونان
جزيره ضخمه بمعنى الكلمه لدرجة أننا سافرنا لها مرتين و لسه مخلصنهاش . جزيرة فيها 3 مطارات. تخيلوا
طب ايه مميزاتها اللي تخليها مناسبه لشهر العسل
خد عندك
بشكل عام وضع اليونان الاقتصادي بعد الازمه الاقتصاديه اللي من كام سنه وكمان بعد مقاطعة روسيا لمنتجات الفاكهه اللي كانت بتصدرها ليها بسبب المشاكل السياسيه بين الاتحاد الاوروبي وروسيا مؤخراً خلا الوضع الاقتصادي في الحضيض
(لهواه السفر ومحبي السفر بشكل عام لازم تدرس كويس الوضع الاقتصادي للدول اللي عاوز تسافرها لان ده ممكن يوفرلك مبالغ كبيره او ممكن يخليك تصرف مبالغ كبيره)
على سبيل المثال اليونان الوضع الاقتصادي تعبان
وده في صالح السياح
زي عندنا كدا ايام الثوره وبعدها لما نزلت اسعار الفنادق في شرم الشيخ والغردقه
الميزه ان اليونان الوضع الامني جدا مستقر يعني الاسعار المنخفضه لكل حاجه سببها اقتصادي بحت
خد عندك بقا من اول اسعار الفنادق وكمان المنتجعات اللي شامله الوجبات كلها بسعر روعه
كمان ايجار العربيات وزي مثلا انك عاوز تأجر حصانين لمده يوم كامل مع التدريب بسعر خيالي
واسعار الرحلات الخاصه وغيره وغيره
يعني لو مخطط تطلع شرم الشيخ كشهر عسل اقدر اقولك لو ضفت مبلغ لطيف عليهم ممكن تطلع جزيره كريت وانتا باشا
تاني سبب خلانا نحب جزيره كريت هو انها فيها كل حاجه بمعنى الكلمه
احنا لما سافرنا ايطاليا كنا عشان نشوف الجبال روحنا الشمال
وعشان نعيش الرومانسيه روحنا فينسيا
وعشان نجرب الحياه في الريف الايطالي سافرنا على فلورانس
وعشان تشوف الاثار الايطاليه كنا لازم ناخد قطر ونسافر على روما
اما بقا لو كنا عاوزين نستمتع بمنظر البحر الجميل كان لازم نسافر على الجنوب
كريت بقا يا جماعه فيها كل ده جمب بعضه
مش محتاج تسافر كتير في نفس الدوله عشان تشوف كل ده
الميا الروعه جمب الجبال التحفه جمب شوارع كريت الرومانسيه
ضيف على ذلك وجود القرى اليونانيه وتجربه انك تزور الاماكن الشعبيه
وكمان الخصوصيه الرهيبه اللي في شواطئها
يعني على سبيل المثال كنا بنحب نروح شاطئ بعيد بالعربيه مفيش فيه حد على بعد ١٠ كيلو
فكنا بناخد راحتنا وبخصوصيه تامه
كمان اليونان بشكل عام دوله شرقيه
يعني جيسي على سبيل المثال محستش بأي مشكله مع الحجاب هناك
بالعكس الشعب اليوناني شعب مرحب جداً بالاجانب وتحسه كدا زينا
على عكس دول اوروبيه تانيه لما سافرنا كانت مش مرتاحه من نظرات بعض الناس ليها
باختصار قرب مكانها الجغرافي من مصر ووضعها الاقتصادي وكمان وجود كل العوامل الجيده الخاصه بالسفر من فنادق كتير بتقدم عروض قويه جدا شامله كل شيئ وطبيعه اهلها الشرقيين وكمان جوها العليل مع الميا النقيه وطبعاً اكلاتها الشهيه بتخلي جزيره كريت هي الاقرب لقلبنا بعد خبره سفر مش صغيره
كريت ميكس كدا وكوكتيل رائع من الجو المثالي والطبيعه الغنيه والاسعار الحنينه والشعب المرحب بالسياح والخصوصيه اللي محتاجها كل عريس وعروسه والاكل اللذيذ وكمان الفنادق ذات الخدمه الممتازه والمتنوعه والبعد الثقافي الجميل ورحلات الجزر الكتيرا
دلوقتي هنسيبكم تستمتعوا بتقرير فيديو عن رحلتنا لجزيره كريت
#شريك_الحياة
#أدهم_و_جيسي
