شباب استفسار صغير و ياريت اللي عارف يفيدني...

[Amr Mesh Saeed]

شباب استفسار صغير و ياريت اللي عارف يفيدني
انا مسافر امريكا و ناس كتير خوفتني خصوصا اني معرفش حد هناك و هسافر من غير شهاده الكليه مؤقتا و ان ناس كتير سافرت و معرفتش تعيش هناك
ف عايز اعرف ايه اكتر ولايه مناسبه من ناحيه المعيشه و الشغل ايا كان هو ايه لحد م اظبط اموري مع العلم ان معايا جنسيه امريكيه
و اسافر معايا كام تقريبا

 

[Moutaz Mohamed]

Sherif Alex

 

[Radwa Alaa Eldin]

ازاي معاك الجنسيه ؟؟ فضووول

 

[Sherif Alex]

١- بالنسبة للشغل ؛ بص نصيحتى ليك كمل دراستك و سافر لو هيا مش medical field لان عشان تعيش عيشه كويسه فى أمريكا لازم شهاده أو يكون معاك خبره فى تخصص أو لو معاك فلوس و عاوز تفتح بيزنس و ربنا يكرمك ده ممكن بس الفتره الاخيرة الدنيا بتعلى فى الاسعار كتير و متطلبات البيزنس كتير فلازم يكون معاك سيوله كويسه ياما هتشتغل اى حاجه و هتأخذ الminimum wage بناء على الولايه اللى انت هتكون فيها.
٢- بالنسبة للولايات وانهى أحسن و رخيصه فى ولايات كتيره زى Michigan و South Carolina و Virginia و ولايات كتير بس كل واحده بيختلف مناخها عن التانيه و طبيعه الناس اللى فيها و فى كل ولايه هتلاقى مصريين و فى ناس كويسه برده عشان نقول الحق و ناس لازم تخلى بالك منهم.
٣- تسافر معاك كام دى متوقفه انت عاوز تعمل ايه هتدرس - هتشتغل - هتتفسح بس اعمل حسابك على الأقل التقدير من ٣ ل ٥ الألف $ لزوم عربيه و سكن و اللذى منه

و ربنا يوفقك و لو فى سؤال محدد قولى

 

[Amany Kamal]

لو انت امريكي الجنسيه روح وكمل تعليمك مع شغل بسيط يكفي متطلباته الأساسيه وبعدها انت تقرر هتقدر تكمل ولا

 

[Mohamed Beshir]

عاوز تسيبنا ف مسر وتسافر
خدنى معاك ياسى دونى

 

[Marwa Osama]

انت هنا ممكن تشتغل اي شغل بدون تخصص وفي شغل كتير هنا بشهادة الثانوية العامة اللي هو انت لما حتطلع شهادتك تقرييا حتبقي بتعادلها الا لو درست حاجة وكملت هنا واخدت كورس
يعني ممكن تشتغل teller في بنك مثلا بشهادة الثانوية العامة
عموما شهادتنا هنا غير معترف بيها الا لو عادلت الدرجات وكملت عليها كورسات من اي جامعة هنا