A
Abdul Toaimah
:: مسافر ::
رحلة الانتقال إلي نيويورك !!
----
بس خلاص وطلعنا من القاهره الي روما (ترانزيت) زي ما انتوا عارفين من ال Post اللي فات، ومن روما إلي نيويورك للمعيشه الأبديه .
نزلت من الطياره وروحت داخل جوه مطار Jfk عشان اخد ختم الدخول وكده بقي ، بس الأمر مطلعش سهل بالمره
والظابط بيشوف الباسبور وخلاص هيديني الختم راح باصصلي كده وقالي روح مع الظباط دول عشان محتاجين منك شويه حاجات كده !
استغربت كده وبعدين خدوني في المكتب وهاتك تحقيقات بقي لمده لا تقل عن ساعه ونص لدرجة انهم بيقولولي اكتبلنا ارقام مُديرين الشغل اللي كنت شغال معاهم في مصر ، ومقاس بوكسرك إيه
ده لو افترضنا انهم ميعرفوش مقاسه ولونه إيه !
ما علينا بعد ما خلصت واطمنوا ان انا ولد شريف وعاشق للاراضي الامريكيه فدخلوني وقابلت واحد صحبي في المطار كان مستنيني وركبنا ال subway اللي هو زي المترو/ الترام في مصر ووصلنا منطقه العرب !
بصيت كده يمين وشمال ولفجأه كده حسيت اني في رمسيس ولا محطه مصر
اسامي محلات عربيه وقهوه الست ام كلثوم ومطعم ابو صلاح واولاده وكله علي نفس الاسامي
المهم روحت محل موبيلات وجبتلي خط وبعدين اكلنا وسألت صاحبي
" يابني هو انا سيبت مصر عشان تجيبني في مصر تاني ولا ايه ، هي دي أمريكا ياعماد ؟"
فقالي " يابني هذا ما وجدنا عليه كل مغترب جاي هنا ، انت بس قول المعوذتين وربك يستر بقي"
مش عاوز اقولكم درجه الحراره عامله كام في السقعه دي بتوصل لل -٢٠
وانا قاعد متلج حرفيً وايدي بتترعش جامد وصوابع اتجمدت لدرجه اني مش قادر امسك الموبيل ،المهم قولت لصاحبي انا هنام فين بقي فقالي انا هتصرف لا تقلق
فضلت مطمن احد ما عمل كام مكالمه كده وبدأ القلق ولسه مش لاقي السكن اللي هبات فيه ، فقولتله بص طب روح انت البيت وانا هشوف هعمل ايه او هروح الجامع واسال فيه !
طبعا هو رفض يمشي وقالي "هفضل معاك لحد ما نلاقي سكن في الاول تنام فيه عشان انت جاي من سفر وتعبان"
وطبعاً زي ما انتوا عارفين نادر لما تلاقوا صاحب زي ده في الغُربه
فبعدين روحنا فندق صغير كده ع اد حاله وقلتله عاوز احجز اوضه انهارده فقالي " اليوم ب١٠٠$ غير الضرايب غير ان اصلا مفيش اوض فاضيه عندنا "
اللي هو عاوز يقفلها في وشي وخلاص
فمشينا لحد ما صاحبي اتصل بواحد صحبه وحكاله الحوار وقاله خلاص خليه يجيلي يبات انهارده وبكره الجمعه يبقي ينزل الجامع ويسأل الناس هناك واكيد هيساعدوه !
طبعا صحيت الصبح وروحت اصلي الجمعه في جامع معظمه مصريين وقلبي اطمن قولت خلااااص انا كده لقيت السكن
فروحت للشيخ وقلتله "انا لسه واصل امبارح وبدور علي سكن ومعايا فلوس وكله تمام"
فقالي " مفيش دلوقتي يابني ، معرفش طيب شوف اعلانات السكن اللي قي الجامع يمكن تلاقي حاجه "
فدورت وملاقتش فكتبت ورقه اني بدور علي سكن وحطيت رقمي
وبعدين روحت سألت ناس كتير ومحدش افادني تماماً
وهوبا فجأه لاقيت الشاب اللي كنت بايت عنده اول يوم بيكلمني وقالي لو عاوز تيجي تأجر معانا البيت تعالي وكده ، فروحت طبعا معاه ودفعتلهم ٦٠٠$ ايجار اول شهر ده غير التأمين ، وده كان أغلي مكان سكنت فيه حتي وقتنا الحالي وبعد ٣ شهور سيبته ورحت سكن تاني
اه وتاني يوم ليا في نيويورك كان السبت وهنا بقي بدأت رحلتي في البحث عن العمل !
يُتبع..
انتظروا المزيد المره القادمه
تابعوني في نيويورك علي الانستجرام
Abdul.Toaimah
#غُربه_٣
#نيويورك
#أمريكا
#سافر
----
بس خلاص وطلعنا من القاهره الي روما (ترانزيت) زي ما انتوا عارفين من ال Post اللي فات، ومن روما إلي نيويورك للمعيشه الأبديه .
نزلت من الطياره وروحت داخل جوه مطار Jfk عشان اخد ختم الدخول وكده بقي ، بس الأمر مطلعش سهل بالمره
والظابط بيشوف الباسبور وخلاص هيديني الختم راح باصصلي كده وقالي روح مع الظباط دول عشان محتاجين منك شويه حاجات كده !
استغربت كده وبعدين خدوني في المكتب وهاتك تحقيقات بقي لمده لا تقل عن ساعه ونص لدرجة انهم بيقولولي اكتبلنا ارقام مُديرين الشغل اللي كنت شغال معاهم في مصر ، ومقاس بوكسرك إيه
ده لو افترضنا انهم ميعرفوش مقاسه ولونه إيه !
ما علينا بعد ما خلصت واطمنوا ان انا ولد شريف وعاشق للاراضي الامريكيه فدخلوني وقابلت واحد صحبي في المطار كان مستنيني وركبنا ال subway اللي هو زي المترو/ الترام في مصر ووصلنا منطقه العرب !
بصيت كده يمين وشمال ولفجأه كده حسيت اني في رمسيس ولا محطه مصر
اسامي محلات عربيه وقهوه الست ام كلثوم ومطعم ابو صلاح واولاده وكله علي نفس الاسامي
المهم روحت محل موبيلات وجبتلي خط وبعدين اكلنا وسألت صاحبي
" يابني هو انا سيبت مصر عشان تجيبني في مصر تاني ولا ايه ، هي دي أمريكا ياعماد ؟"
فقالي " يابني هذا ما وجدنا عليه كل مغترب جاي هنا ، انت بس قول المعوذتين وربك يستر بقي"
مش عاوز اقولكم درجه الحراره عامله كام في السقعه دي بتوصل لل -٢٠
وانا قاعد متلج حرفيً وايدي بتترعش جامد وصوابع اتجمدت لدرجه اني مش قادر امسك الموبيل ،المهم قولت لصاحبي انا هنام فين بقي فقالي انا هتصرف لا تقلق
فضلت مطمن احد ما عمل كام مكالمه كده وبدأ القلق ولسه مش لاقي السكن اللي هبات فيه ، فقولتله بص طب روح انت البيت وانا هشوف هعمل ايه او هروح الجامع واسال فيه !
طبعا هو رفض يمشي وقالي "هفضل معاك لحد ما نلاقي سكن في الاول تنام فيه عشان انت جاي من سفر وتعبان"
وطبعاً زي ما انتوا عارفين نادر لما تلاقوا صاحب زي ده في الغُربه
فبعدين روحنا فندق صغير كده ع اد حاله وقلتله عاوز احجز اوضه انهارده فقالي " اليوم ب١٠٠$ غير الضرايب غير ان اصلا مفيش اوض فاضيه عندنا "
اللي هو عاوز يقفلها في وشي وخلاص
فمشينا لحد ما صاحبي اتصل بواحد صحبه وحكاله الحوار وقاله خلاص خليه يجيلي يبات انهارده وبكره الجمعه يبقي ينزل الجامع ويسأل الناس هناك واكيد هيساعدوه !
طبعا صحيت الصبح وروحت اصلي الجمعه في جامع معظمه مصريين وقلبي اطمن قولت خلااااص انا كده لقيت السكن
فروحت للشيخ وقلتله "انا لسه واصل امبارح وبدور علي سكن ومعايا فلوس وكله تمام"
فقالي " مفيش دلوقتي يابني ، معرفش طيب شوف اعلانات السكن اللي قي الجامع يمكن تلاقي حاجه "
فدورت وملاقتش فكتبت ورقه اني بدور علي سكن وحطيت رقمي
وبعدين روحت سألت ناس كتير ومحدش افادني تماماً
وهوبا فجأه لاقيت الشاب اللي كنت بايت عنده اول يوم بيكلمني وقالي لو عاوز تيجي تأجر معانا البيت تعالي وكده ، فروحت طبعا معاه ودفعتلهم ٦٠٠$ ايجار اول شهر ده غير التأمين ، وده كان أغلي مكان سكنت فيه حتي وقتنا الحالي وبعد ٣ شهور سيبته ورحت سكن تاني
اه وتاني يوم ليا في نيويورك كان السبت وهنا بقي بدأت رحلتي في البحث عن العمل !
يُتبع..
انتظروا المزيد المره القادمه
تابعوني في نيويورك علي الانستجرام
Abdul.Toaimah
#غُربه_٣
#نيويورك
#أمريكا
#سافر