B
Baher Mohamed
:: مسافر ::
النهارده يا جماعه بالصلاه على النبى اخدت رفض من سفاره المانيا الحمد لله هحكى قصتى و تجربتى لعل الكل يستفيد
١-كشف الحساب: ٣ كشوف حسابات متقدمه حساب يورو فيه ٩٠٠ يورو بدون حركه و حساب دولار فيه ٥٠٠ دولار بدون حركه و حساب مصرى اخر ٦ شهور من اول شهر ١٢ لحد اخر ٤ تعاملات كتيره جدا سحب و ايداع بطريقه عشوائيه مش كل شهر زى التانى و شراء بالكرديت و بينزلى المرتب ايداع كل شهر باسم شركتى و كشف الحساب كان ٨ صفح و كان فيه ٣٢٠٠٠ الف
٢- السفر : كنت مسافر بيزنس تبع شركتى و كنت مسافر مع صاحب الشركه و هو واخد شنجن المانيا ٣ سنين و كان معايا صوره الشنجن بتاعته و كنا رايحين لشركه لغرض التبادل التجارى و كان جايلى دعوه من الشركه رسميه باسمى و مختومه من الغرفه التجاريه فى فرانكفورت و مبعوت صوره من الغرفه هناك للسفاره و كان معايا كمان اصل الدعوه و انا بقدم و كان متعهد بتحمل النفقات فى الدعوه
٣- ال hr letter : تقريبا مكتوب فيه كل حاجه فيما يخص السفر برقم باسبورى ب رقم التامين و معاد السفر و الرجوع و سبب السفر و مسافر مع مين و رقم باسبوره و رايح فين و لشركه ايه و مختوم و كل حاجه تخص الشركه مذكوره وكمان مذكور ان الشركه فتحتلى حساب باليورو و الدولار لتحمل اى نفقات اضافيه اثناء السفر
٤-الابلكيشن : كنت كاتب مده السفر ١٣ يوم دخول سينجل و الابلكيشن مكتوب مفيهوش غلطه و جزئيه المصاريف هناك كنت كاتب على الشركه زى ما هو محدد فى الدعوه
طبعا التامين و الكلام ده كله مظبوط و الصور و حجز الفندق المبدائي و حجز الطيران و كله زى الكتاب ما بيقول
بالنسبالى بقى انا اول مره اسافر باسبور ابيض و مش متجوز .. تفتكروا ان بعد كل الاوراق دى كلها و الاسباب القويه للسفر يعنى مفيش ورق هيتقدم احسن من كده !! ده يكون سبب للرفض !!
انا بسبب الرفض ده الشغل اتلغى تماما و هيروح لبلد تانيه .. يعنى وقف حال بدون ابداء اسباب رفض مقنعه .. ده انا لو رايح الجنه مش هتعذب العذاب ده
ارجوا المشاركه و قولولى ايه رايكم و اعمل ايه !!
١-كشف الحساب: ٣ كشوف حسابات متقدمه حساب يورو فيه ٩٠٠ يورو بدون حركه و حساب دولار فيه ٥٠٠ دولار بدون حركه و حساب مصرى اخر ٦ شهور من اول شهر ١٢ لحد اخر ٤ تعاملات كتيره جدا سحب و ايداع بطريقه عشوائيه مش كل شهر زى التانى و شراء بالكرديت و بينزلى المرتب ايداع كل شهر باسم شركتى و كشف الحساب كان ٨ صفح و كان فيه ٣٢٠٠٠ الف
٢- السفر : كنت مسافر بيزنس تبع شركتى و كنت مسافر مع صاحب الشركه و هو واخد شنجن المانيا ٣ سنين و كان معايا صوره الشنجن بتاعته و كنا رايحين لشركه لغرض التبادل التجارى و كان جايلى دعوه من الشركه رسميه باسمى و مختومه من الغرفه التجاريه فى فرانكفورت و مبعوت صوره من الغرفه هناك للسفاره و كان معايا كمان اصل الدعوه و انا بقدم و كان متعهد بتحمل النفقات فى الدعوه
٣- ال hr letter : تقريبا مكتوب فيه كل حاجه فيما يخص السفر برقم باسبورى ب رقم التامين و معاد السفر و الرجوع و سبب السفر و مسافر مع مين و رقم باسبوره و رايح فين و لشركه ايه و مختوم و كل حاجه تخص الشركه مذكوره وكمان مذكور ان الشركه فتحتلى حساب باليورو و الدولار لتحمل اى نفقات اضافيه اثناء السفر
٤-الابلكيشن : كنت كاتب مده السفر ١٣ يوم دخول سينجل و الابلكيشن مكتوب مفيهوش غلطه و جزئيه المصاريف هناك كنت كاتب على الشركه زى ما هو محدد فى الدعوه
طبعا التامين و الكلام ده كله مظبوط و الصور و حجز الفندق المبدائي و حجز الطيران و كله زى الكتاب ما بيقول
بالنسبالى بقى انا اول مره اسافر باسبور ابيض و مش متجوز .. تفتكروا ان بعد كل الاوراق دى كلها و الاسباب القويه للسفر يعنى مفيش ورق هيتقدم احسن من كده !! ده يكون سبب للرفض !!
انا بسبب الرفض ده الشغل اتلغى تماما و هيروح لبلد تانيه .. يعنى وقف حال بدون ابداء اسباب رفض مقنعه .. ده انا لو رايح الجنه مش هتعذب العذاب ده
ارجوا المشاركه و قولولى ايه رايكم و اعمل ايه !!