لو سمحتم لو حد مسافر ايه هى الهدايا المصرية...

[Muhamed Elbsuony]

لو سمحتم
لو حد مسافر ايه هى الهدايا المصرية اللى ممكن ياخدها معاه و يشتريها منين.

 

[Moutaz Mohamed]

تنزل خان الخليلي و تشتري ورق الباردي الي عليه رسومات فرعونيه او تشتري مسلات او تماثيل فرعونيه

 

[Mona Moussa]

الحسين وهات حاجات معمولة بالنحاس

 

[Hany Hamam]

سعر التماثيل الفرعونيه الصغيره من 7 الي 15 جنيه من الغوريه و الحسين
و ورق البردي. من 5 الي 20 جنيه
و ممكن تاخذ. جنيه ورق جديد عادي. او جنيه معدني عليهم نقوش فرعونيه

 

[Mahmoud Kandil]

حاول تاخد هدايا ذات طابع مصري فرعوني.

 

[Anio Çhelby]

فالسيدة زينب واحد بيبيع خواتم نحاس عليها نقوش فرعونى وعليها ابيات شعر عربى
جنب الجامع ف الشارع اللى فية محلات احذية كثير فارش على ترابيزة وسعر الخاتم عشرين وخمسة عشر جنية

 

[Nouran Ali]

ليا ناس قرايبى عايشين بره مصر
لما بينزلو بياخدو هدايا لاصحابهم وبتعجبهم جدا
منتجات طبيعيه للشعر والجسم مصريه مائه بالمائه وعاليه الجوده من شركه نفرتارى
ليها بوث فى معظم المولات وأسعارها رخيصه جدا منتجاتها من ٣٥ ل ١٧٠

 

[Nadda Halawa]

شوفت قبل كدا كذا حد كاتب انهم بياخدو معاهم جنيهات ورق و الناس بتتبسط بيهم جداً

 

[Dina Diab]

جعران بيحبوه اوي و مجسمات الاهرامات و الورق البردي

 

[Walaa Elgendy]

في محل في خان الخليلي اسمه جوردى في ربع السلحدار هتلاقي فيه حاجات جميلة اوي ورخيصه جدا ميداليات بردي ولاعات اقلام مجات وكلها عليها اشكال مصريهمصري

 

[Ghada Salah Nassar]

فيه محل اسمه الجيار في محطة الرمل عنده حاجات حلوة جدا واسعارها معقولة
واديهم جنيهات ورق جديدة واكتبلهم عليها اسمهم باللغة العربية مثلا أو أي كلمة تشبههم بالعربي (أمل ، حياة، حب، وفاء .... )

 

[Ray Maalouf]

خود معاك الجنيه المصرى برضه...فى البلاد الاجنبية بيقدرو الحاجات اللى على وشك الانقراض

 

[Fouad Aly]

ممكن كام باكو جنيهات علي انصص علي اربع

 

[Sherif Alex]

بسيطه الناس الأجانب بيعجبهم كأم حاجه و هيا تماثيل فرعونيه او أطباق مزخرفة الصندوق اللؤلؤ من خان الخليلى أو ممكن تجيبى عبايات الشغل اليدوى من كرداسة للبنات مثلا

 

[Ko Ko]

اديهم جنيهات كوينز هينبسطو بيها اوي و عن تجربة

 

[Mostafa Napil]

هدية سهلة و رخيصة
فك 20 جنيه جنيهات ورق جديدة و قلم حبر و اكتب عليها جمل تذكارية قصيرة
جربتها وكانت بتعجب اللي بياخدوها جدا

 

[Nancy Magdy]

على حسب انت مسافر فين

 

[Muhammad Abdel Rahman]

فكك من حكاية الجنيهات دي، الاجانب بيقدروا وبيتوهموا لما بيشوفوا الورق اللي عليه رسومات زي البردي، وده هتلاقيه في الازهر قدام مسجد الازهر والورقة ب٥ جنيه وعندك اغلب الاجانب بيحبوا جدا الماجنت اللي عليه الاهرامات او اي شكل فرعوني عشان بيحطوه علي الثلاجات بتاعتهم او بوست كارد.