ممكن اﻻجابة من اصحاب الخبرات الحقيقية الفعلية...

[Mohmed Ahmed]

ممكن اﻻجابة من اصحاب الخبرات الحقيقية الفعلية . انا معايا فيزا من فرنسا ولكن البرنامج الخاص اللي انا عامله يبدا من ايطاليا اوﻻ وفيه بعض اﻻخوة كتبوا هنا بيقولوا ﻻزم اول دخول لك يكون عن طريق البلد المصدرة للفيزا او بيتم رفضك في المطار واعادتك لبلدك . هل هذا صحيح ؟والحل ايه لو صحيح ﻻن حجزت كل شئ بدء من ايطاليا

 

[Moutaz Mohamed]

شوف
احنا بنقول يفضل بس مفيش مشكله انك تبدا من دوله تانيه بشرط انك علي الاقل تخرج من الدوله تلي طلعت منها الفيزا
و ده هيفيدك اما تقدم علي الفيزا تاني

 

[Radwa Refaie]

كلام مش صح. سافري اي بلد جوة الاتحاد الاوروبي زي مانتي عايزة

 

[Sam Salah]

عادى مفيش مشكله ..بس يكون معاك ما يثبت انك حتزور فرنسا بعد زيارتك ل ايطاليا وحتقيم فى فرنسا المدة الاطول فى رحلتك ..لان غاليا حتتسأل على دة ولازم تكون مجهز نفسك .. وطبعا علشان تثبت دة لازم يكون معاك حجز فندق فى فرنسا وحجز مدفوع طيران او قطار او باص ل فرنسا

 

[Eslam Samir]

ايطاليا اليومين دول موقفه العمل باتفاقية شنجن

 

[Yoya Hussein]

Moustafa Hammouda

 

[Mohamed Hamdy]

هتزعل
وعليكم السلام ورحمة لله وبركاته

 

[Haytham Sleem]

سافر لبلد اصدار الفيزا . تدخل باشا من غير ولا كلمة.
سافر اي بلد تانية ومعاك حجوزات وبتاع .وكتاب قانون الشنجن وكده.

انت وظروفك وحسب مزاج ظابط الجوازات . ولو مرضاش يدخلك او ضايقك . عشان ده من حقه . متزعلش.

الموضوع ده اتكلمنا فيه ١٠٠ مرة .. معاك فيزا فرنسا. اطلع فرنسا. بلاش حوارات عشان نوفر ٣٠٠ جنيه .

كل واحد حر ..

 

[Marwa Zayed]

الكلام داه مش صح انا كان معايا فيزا شنجن من فرنسا ودخلت من ايطاليا روما مفيش اي مشكلة

 

[Haytham Sleem]

يعني علي مسؤوليتك؟ متاكدة ان كل الحالات كده وفي كل الدول؟
منا قلت كل واحد حر.. واللي حابب ياخد الريسك براحته.

انا واحد من الناس مبحبش حد يفتح بؤه معايا في اي مطار .
بدخل من بلد اصدار الفيزا من غير فذلكة واخرج من أي مكان.