هل حد واجه رفض في سفارة "زامبيا" في الفتره...

[Mostafa Mahran]

هل حد واجه رفض في سفارة "زامبيا" في الفتره القريبه، انا كنت خدت تاشيراتها من سنتين و كانت سهله خالص و لكن من اسبوع قدمت عليها انا و مجموعه من الاصدقاء و الغريب ان كلنا اترفضنا!!!!!

 

[Haytham Sleem]

انتو بتروحوا سياحة ولا بيزنس؟ كلمنا عن البلد شوية.
ويا تري فيه سبب مكتوب للرفض من السفارة؟

 

[Ahmed Reda]

والله يا أخي الواحد بياخد فيزا لأكبر دول العالم وتلاقي الباسبور مليان أختام

وتلاقيك تترفض من بلدان محدش عارف مكانها فين اصلا !!

 

[Ahmed Moustafa]

للاسف زامبيا في مصريين كثير بيروحوا يشتغلوا هناك ولما العدد ذاد بقوا بيعملوا مشاكل ويترحلوا

 

[Omar Abdalla]

لااسف كان فيها مصريين و بيبيعوا في الشوارع سجاد و براويز وتم ترحيلهم من زامبيا و زيمبابوي وانجولا والكونغو والجابون .و الناس دي معظمهم كانوا متواجدين في جنوب افريقيا و خرجوا منها بسبب عدم قدرتهم علي تجديد الاقامات وبسبب النوعيه دي من البيزنس والنوعيه دي من المصريين ومعظمهم مش متعلمين اصبحت الفيزا صعبه في افريقيا

 

[Hany Elbaz]

فى زامبيا؟؟؟؟!!!!!!
طب هو فيه إيه هناك علشان يفتكروا إنك حاتهرب
دى حتى حدودها على ملاوى زيمبابوى موزمبيق والكونغو

 

[Amir Shahin]

علشان ممكن تكونو قدمو مع بعض
زامبيا فيها مشكلة العمالة الغير مصرح بها من قبل المصريين ورحلو ناس كتير اتمسكو بيتاجرو هناك
وكذا دولة افريقية
حتي افريقيا هتتقفل علينا ‏‎:-/‎‏