A
Ayman Sayed
:: مسافر ::
*****الجزيرة المجهولة*****
حلم الجزيرة اللى بتبقى فيها تقريبا لوحدك مش مستحيل. أيون ده حقيقة مش خيال.
لو عجبتكو الصور هاكتب تقرير عن الجزيرة دى بالتفصيل.
للناس اللى محبتش الاثارة والتشويق فى عدم ذكر اسم الجزيرة.
الجزيرة هى koh rong فى كمبوديا يا جماعة.
التقرير اهو يا جماعة عن جزيرة koh rong Cambodia
أولا لازم اقول ان الجزيرة دى للناس المكحرتة ببساطة لأنك هتشوف حيوانات وحشرات غريبة عليها غير القرود والحاجات اللذيذة بتاعة اسيا.
طبعا الكلام ده هيبقى عادى للناس اللى سافرت اسيا لأنها شافت الحاجات دى فى كل حته بس الغريب بقى انك تلاقيهم معاك فى الشاليه.
يعنى عادى انك تلاقى ابراص بأحجام مختلفة او عقرب صغنن وكده فلو المدام معاك. هتقولك من أول ليله روحنى يا محمد الله يخربيت اللى شار علينا الشورة دى والله مانا نايمة جوة الشاليه.
الرحلة كانت ما بين تايلاند وكمبوديا.
جزيرة koh rong بتقع فى الجزء الجنوبى الغربى من كمبوديا فى خليج تايلاند.
الجزيرة بتبعد عن اقرب مدينة اللى هى sihanoukville بحوالى 30 كيلو ودى بتاخدها بمركب تعبان كده زى اللى فى الصور تقريبا فى 3 ساعات. الكلام ده كان من 4 سنين.
دلوقتى بقى فيه مركب سريع ونضيف بياخدها فى ساعتين وتمنه 20$ one way.
لو انت بتعمل زيارة لمعبد Angkor wat. فى siem Reap.
هتلاقى sleeping bus. من هناك يوصلك sihanoukville. وده بياخدها فى حوالى 12 ساعة وبتوصل الصبح تاخد المركب على طول على koh rong
الجزيرة كلها تقريبا عليها 10 فنادق بس وفيهم كتير بعيد عن بعض. انا كنت نازل فى فندق اسمهpalm beach bungalows.
الفندق سعرة فى الهاى سيزون اللى هو شهور ديسمبر . يناير. فبراير. مابين 40 او 50 $ بدون وجبات. والمطعم فى الفندق بيقدم وجبات باسعار معقولة. وفى جنب الفندق بقال بيبيع سناكس وحاجات كتير.
الجهة اللى فيها الفندق ده تقريبا مافيهاش الا هو بس. وهو عبارة عن 15 شاليه فقط. يعنى 30 واحد بس معاك فى الجهة دى من الجزيرة وللامانه ما كنتش باشوف حد منهم الا بالليل على العشا. لان بالنهار فى حاجات كتير ممكن تعملها. سنوركلينج وغطس وكانو.
تخيل كده ان مافيش كهربا فى الشاليه بتاعك طول النهار.
الكهربا بتيجى من الساعة 6 المغرب لحد 11 بالليل.
مافيش ميه سخنة.
مافيش نت. يعنى شوفلك حاجة تعملها احسن غير ان كل واحد منكو يحط بوزة فى موبايله. اتكلمو مع بعض مثلا. او اتفرجو ع الغروب. وبالليل اختلطو بالناس واحكو لبعض انتو عملتو ايه فى يومكو.
( دلوقتى بقى فى واى فاى فى الفندق للأسف)
شوفو يا جماعة كمبوديا عموما بلد مش نضيفة وناسها الى حد ما لسه خارجين من فترة حكم شيوعى طاحنة ومنبهرين اوى بوجود سياح وشايفين السايح دولار ماشى على الارض.
كمبوديا شبهنا الى حد ما فى حاجات كتير وده اللى خلانى ارجع على طول على تايلاند بعد الجزيرة عن طريق الحدود البرية ما بينهم.
وسبحان الله انك بتلاحظ فرق جامد جدا ما بين كمبوديا وتايلاند بمجرد ما تعدى الحدود على رجليك.
فرق شاسع مابين الجهتين فى سلوكيات الناس و النظافة والفرق طبعا لصالح تايلاند.
ببساطة لو عايز تعيش حلم الجزيرة روح على koh rong.
اللى عايز يستفسر عن اى حاجة انا موجود ويارب اقدر اساعدكو.
حلم الجزيرة اللى بتبقى فيها تقريبا لوحدك مش مستحيل. أيون ده حقيقة مش خيال.
لو عجبتكو الصور هاكتب تقرير عن الجزيرة دى بالتفصيل.
للناس اللى محبتش الاثارة والتشويق فى عدم ذكر اسم الجزيرة.
الجزيرة هى koh rong فى كمبوديا يا جماعة.
التقرير اهو يا جماعة عن جزيرة koh rong Cambodia
أولا لازم اقول ان الجزيرة دى للناس المكحرتة ببساطة لأنك هتشوف حيوانات وحشرات غريبة عليها غير القرود والحاجات اللذيذة بتاعة اسيا.
طبعا الكلام ده هيبقى عادى للناس اللى سافرت اسيا لأنها شافت الحاجات دى فى كل حته بس الغريب بقى انك تلاقيهم معاك فى الشاليه.
يعنى عادى انك تلاقى ابراص بأحجام مختلفة او عقرب صغنن وكده فلو المدام معاك. هتقولك من أول ليله روحنى يا محمد الله يخربيت اللى شار علينا الشورة دى والله مانا نايمة جوة الشاليه.
الرحلة كانت ما بين تايلاند وكمبوديا.
جزيرة koh rong بتقع فى الجزء الجنوبى الغربى من كمبوديا فى خليج تايلاند.
الجزيرة بتبعد عن اقرب مدينة اللى هى sihanoukville بحوالى 30 كيلو ودى بتاخدها بمركب تعبان كده زى اللى فى الصور تقريبا فى 3 ساعات. الكلام ده كان من 4 سنين.
دلوقتى بقى فيه مركب سريع ونضيف بياخدها فى ساعتين وتمنه 20$ one way.
لو انت بتعمل زيارة لمعبد Angkor wat. فى siem Reap.
هتلاقى sleeping bus. من هناك يوصلك sihanoukville. وده بياخدها فى حوالى 12 ساعة وبتوصل الصبح تاخد المركب على طول على koh rong
الجزيرة كلها تقريبا عليها 10 فنادق بس وفيهم كتير بعيد عن بعض. انا كنت نازل فى فندق اسمهpalm beach bungalows.
الفندق سعرة فى الهاى سيزون اللى هو شهور ديسمبر . يناير. فبراير. مابين 40 او 50 $ بدون وجبات. والمطعم فى الفندق بيقدم وجبات باسعار معقولة. وفى جنب الفندق بقال بيبيع سناكس وحاجات كتير.
الجهة اللى فيها الفندق ده تقريبا مافيهاش الا هو بس. وهو عبارة عن 15 شاليه فقط. يعنى 30 واحد بس معاك فى الجهة دى من الجزيرة وللامانه ما كنتش باشوف حد منهم الا بالليل على العشا. لان بالنهار فى حاجات كتير ممكن تعملها. سنوركلينج وغطس وكانو.
تخيل كده ان مافيش كهربا فى الشاليه بتاعك طول النهار.
الكهربا بتيجى من الساعة 6 المغرب لحد 11 بالليل.
مافيش ميه سخنة.
مافيش نت. يعنى شوفلك حاجة تعملها احسن غير ان كل واحد منكو يحط بوزة فى موبايله. اتكلمو مع بعض مثلا. او اتفرجو ع الغروب. وبالليل اختلطو بالناس واحكو لبعض انتو عملتو ايه فى يومكو.
( دلوقتى بقى فى واى فاى فى الفندق للأسف)
شوفو يا جماعة كمبوديا عموما بلد مش نضيفة وناسها الى حد ما لسه خارجين من فترة حكم شيوعى طاحنة ومنبهرين اوى بوجود سياح وشايفين السايح دولار ماشى على الارض.
كمبوديا شبهنا الى حد ما فى حاجات كتير وده اللى خلانى ارجع على طول على تايلاند بعد الجزيرة عن طريق الحدود البرية ما بينهم.
وسبحان الله انك بتلاحظ فرق جامد جدا ما بين كمبوديا وتايلاند بمجرد ما تعدى الحدود على رجليك.
فرق شاسع مابين الجهتين فى سلوكيات الناس و النظافة والفرق طبعا لصالح تايلاند.
ببساطة لو عايز تعيش حلم الجزيرة روح على koh rong.
اللى عايز يستفسر عن اى حاجة انا موجود ويارب اقدر اساعدكو.