سلام عليكم كنت عايزه اسافر مع طفل ٥سنين ممكن...

[Doaa Mohamed Helal]

سلام عليكم
كنت عايزه اسافر مع طفل ٥سنين ممكن اروح فين بره مصر وتكون إجراءات السفر سهلة والولد يتبسط ونتفسح حوالي أسبوع مثلا؟ وتكون التكاليف معقولة...شكرا مقدما

 

[Omar Abdalla]

خللي بالك فيه بلاد كتير بتطلب موافقه الاب وصوره باسبور الاب مختومين من قسم الشرطه علشان يرضوا يدخلوكم من المطار

 

[هشام كامل]

تركيااو قبرص ارخص مكان

 

[Mariam Awad]

فرنسا ديزني لاند

 

[Doaa Mohamed Helal]

بس فيزا فرنسا سهلة ولا لازم أكون تبع شركة سياحة مثلا

 

[Adam Spain]

قبرص

 

[Heba Salah Hashim]

انا سافرت بنتى فى نفس السن ده فرنسا برضه طبعا عشان ديزنى لاند و كمان وديتها حديقه الحيوان كنت جميله جدا دلوقتى هى سابعه و امنيه حياتها تروح تانى

 

[Omnia Safie]

ابنك هيتبسط جدا في ديزني لاند، وهم للأطفال، انا رحتها في أمريكا بس اكيد لو ناوية توديه ديزني روحوا فرنسا، انا ماسافرتش فرنسا قبل كدة فمعرفش نظامها ايه

 

[Mohamed Khattab]

هونج كونج فيها ديزني لاند و تليفريك و حاجات لذيذه للاطفال

 

[Ashraf Awad]

بلاش ديزني لاند فرنسا الطفل صغير اووي عليها وألعاب الكبار مش هتعرفي تلعبيها انتي عشانه
بلاش شرق اسبا مشوار كبير عليه وأغلبها أنشطة ومشي كتير ف غابات وتحركات ف مراكب
الطفل صغير مش هيستفيد حاجة وانتي مش هتعرفي تتمتعي منه
نصيحة وفري فلوسك الان واستني يشد حيله شوية الأماكن تكون مناسبة ليه وليكي

 

[Nadia Mahmoud]

خليكى هنا احسن روحى الغردقه سهل حشيش تحفه