السلام عليكم .. البوست دا يا جماعة أنا مش...

[Maometto Rabie]

السلام عليكم ..
البوست دا يا جماعة أنا مش عاملة علشان أقلل من حد و الله العظيم و لا أعمل مشاكل مع حد ..
فية واحد سأل سؤال النهاردة و ناس كتير دخلت قالتلوة أجابة غلط ..
الموضوع تافهه جدا بس بسببة بوظت اجازة واحد صاحبي و قضى نص الاجازة ف محاكم و زفت و مطلعش غير في اخر اسبوع ..
انل مقصدش أن محدش يجاوب لأ طبعا لازم كلنا نشارك .. اللي أنا طالبة بس أنك مادام مجربتش حاجه .. بلاش ننصح بقلب جامد كده
على سبيل المثال زميل لينا هنا سأل
يا جماعة أنا واخد فيزا من ايطاليا .. ممكن أخش ع المانيا بيها .. قبل ما أخش على ايطاليا .. بدل ما تكتب "أيوة عادي خش على المانيا الاول ميهمكش أنك واخد الفيزا من ايطاليا"
أكتب الرد دا " أنا رأيي أنك ممكن تخش على المانيا الاول ميهمكش أنك واخد الفيزا من ايطاليا" .
لأن في الاغلب لو عمل كده هيترفض دخولة و يتحول لمكان فية اللاجئيين و الهارباننين و اللي معهمش ورق دا طبعا لو قدر يستحمل الضغط النفسي و مقالش .. لأ انا هروح ..
الموضوع دا لسه حاصل من حوالي أسبوعين بس ..
بالله عليكم لو مش متأكدين من حاجه اكتبوا قبلها .. علشان فية ناس و انا منها بتاخد الكلام على انه عن تجربة فعلا ..
و زي ما قلت في الاول
البوست دا يا جماعة أنا مش عاملة علشان أقلل من حد و الله العظيم و لا أعمل مشاكل مع حد ....
النقطة التانية
يا ريت كلنا نشارك سواء اللي بيسأل واحده أو واحد .. خصوصا ان الواحدة اللي بتسافر من مصر بيكون في الاغلب كل حاجه معمولالها جاهزة .. مش بقول متردوش أو متجوبوش .. أنا بس بقول أنتوا بتوجهوا طاقتكم في اتجاه معاكس .
الرجالة و الله هنا ممكن واحد زي حالاتي بيبقى في أمس الحاجه لنصيحة .. بردة طلبي أنك ترد ع السؤال من غير ما تشوف مين اللي سألة ..
طبعا دي مجرد وجهة نظر ... بس تخيلوا لو كلنا عملنا كده .

 

[Yasser Mohamed Ata]

واحدة واحدة بس،اولا انا دائما باقول يستحسن، ثانيا انا اعرف ناس شخصيا سافرت على دولة من غير الي اخدت منها الفيزا، ثالثا معلش لاجئين ايه؟ علشان راح دولة في شنجن م؛ مش وأخذ منها الفيزا؟

 

[Yasser Mohamed Ata]

اهم نقطة حضرتك لو أرسلت للسفارة ايميل تسألهم لو أنا أخذت فيزا من عندكم، هل ينفع اسافر لدولة أخرى، شوف الرد هيكون ايه) ما دام فيزا مالتي)

 

[Yasmina SH]

يمكن الكلام دة زمان استاذ ياسر كل دول الاتحاد مشددة جدا وعاوزين يمسكوا اي غلطة ... انا اعرف واحدة عملت الحركة دي اخدت فيزا من ايطاليا وسافرت المانيا عملولها تحقيق ورفضوا دخولها ورجعت ثاني بلدها وشغلها باظ ولما راحت تعمل فيزا جديدة اكتشفت ان المانيا عملها ban من الاتحاد الأوربي وإيطاليا قالولها مش هنعرف نعمله حاجة طول ما المانيا عملتلك ban ... وانا شخصيا بسافر المانيا تقريبا كل شهرين في كل مرة بتسأل انا دخلت اسبانيا ولا لاء لاني واخدة منها الشنجن

 

[Hend Salem]

انا عن نفسى باحب اخد الاحوط

 

[Mohamed Hamdeen]

الكلام ده مش المفروض يتكتب هنا.. المفروض يبقى مادة رقم واحد في الدستور .. لا للفتي ولا للحك

 

[Housam M. Abdelwahab]

Wafaa A. Badr

 

[Mahmoud Rabie]

علي فكره ياجماعه ،،، أنا أول مره أعرف الكلام ده منكم إني لو واخد تأشيرة دوله ما من دول الإتحاد الأوروبي مجبر علي الطيران لها فقط دون غيرها ،،،، دي حاجه غريبه بالنسبه ليا بصراحه ،،،

 

[Nancy Rafat]

فيزا الاتحاد الاوروبي مشروطة بشرط انك لازم تاخد ختم الدخول لاوروبا من الدولة اللي اديتك الفيزا ومن البلد دي تقدر تتنقل جوه أوروبا طول ما الفيزا ساريه
يعني لو اخدت الفيزا عن طريق سفارة فرنسا لازم تسافر فرنسا وتاخد ختم ومن جوه فرنسا تاخد قطار او طيران داخلي لأي دوله تانيه في أوروبا زي اسبانيا وألمانيا وإيطاليا ... وده مَش فتي انا بشتغل في الحاجات دي أصلا
وطبعا لازم ما تكسرش الفيزا ولو بيوم واحد زياده علشان تقدر تاخد الفيزا تاني من غير مشاكل

 

[Shady Mohamed Safwat]

بص يامعلم هى اجابة ان شخص ياخد فيزا من بلد يدخل من بلد تانية فى اوروبا..هى بتحصل عادى بس مينفعش اقف عند بتحصل عادى بس..بتحصل بس بتفرق بالنسبة للشخص اللى مسافر نفسه ايه وضعه وشغله ايه وحاجات كتير وبالتالى موافقة الهجرة والجوازات..وكمان عايش او مسافر من فين..يعنى مثلا الناس اللى عايشة فى دبى كلها اللى اعرفها بتسافر على بلد تانية وعادى..اخرها لو رخم عليك وبتحصل نادرا بتطلعله كارنيه شغلك اى شغال فين فبيقولك تمام..من مصر اكيد الموضوع مختلف..هى دى القصة يعنى لو فيها نسبة ١٪‏ يحصل معاك مشكلة هى مخاطرة كبيرة..

 

[Yasser Mohamed Ata]

طب انا مرتين، روحت مرة سويسرا ومرة اليونان وكانت الفيزا هولندا، اي نعم المرة اللي كنت رايح سويسرا واحد مصري حب يرخم بس سأل واحد اجنبي قالوا لآ عادي مفهاش اي مشكلة ، والمرة التانية كانت عادي

 

[Magdy Ragaa]

Rehab Gamal

 

[Mon Gloire]

كلامك صحيح ... وشركات السياحة في السعودية تنبه كتير ع النقطة دي ... الدولة اللي أخدت منها التأشيرة لأوروبا لازم تكون هي مدخلك لأوروبا مش دولة تانية والا بيرجعوك تاني

 

[Omar Mo'nes]

أنا سافرت مرتين بفيزا من فرنسا و الباسبور بتاعي لحد دلوقتي مافيش فيه ختم لفرنسا دخول أو خروج لأن دائما إقامتي فيها في النص

 

[Sam Salah]

انت ممكن تاخد الشنجن من دولة ما وتدخل من دولة تانية عادى جدا بس اهم حاجة وانت داخل يكون معاك مايثبت فعلا انك حتزور الدولة ال اصدرتلك الفيزا وحتقيم فيها فترة اطول بعد انتهاء زيارتك للدولة ال انت دخلت منها الاول ..وكدة انت مخالفتش شروط الفيزا واكتر الدول ال بتركز على النقطة دى اوى وانت دخل عندهم ومعاك فيزا شنجن من دولة تانية ( المانيا والتشديد فيها صعب جدا .- وهولندا وايطايا و فرنسا ) .. الدول الكبيرة عموما .. فى دولة مش بتركز اساسا على النقطة دى خالص الدول ال مش كبيرة فى اوروبا زى سلوفاكيا والتشيك واليونان كمان .. الدول دى عموما .. يعنى مثلا لو معاك فيزا فرنسا وحتدخل مثلا سلوفاكيا الاول .. ولا حد حيسألك اصلا ..التشديد كله فى الدول الكبيرة فى اوروبا .. والكلام دة عن تجربة يعنى !

 

[Maometto Rabie]

أنا مقصدش أعملمشاكل يا جماعة انا بس يقول وجهة نظري أنا بقالي 14 سنة بروح و باجي ع ايطاليا و تقريبا رحت كل بلاد الشنجن .. و الحاجه الوحيدة اللي متأكد منها ان القوانين كل يوم بتتغير ..بس اهم حاجه الاحتياط .