M
Mohamed Alsayed
:: مسافر ::
انا عايز احكي عن تجربتي في الحصول على فيزا شنجن من سفارة اسبانيا
اولا كنت مقرر انا وواحد صاحبي اننا نسافر اوروبا في اجازة الصيف وكنا قررنا نروح لاوروبا الشرقيه التشيك والمجر وبولندا ولكن للاسف مكانش في اي مواعيد في السفارات دي طبعا لانه موسم وتلاقي كل السفارات مواعيدها فل في الصيف او المواعيد بعيده متنفعش مع الوقت اللي عايزين نسافر فيه
بعد يحث لمده طويله اخيرا لاقينا موعد في سفارة اسبانيا وكان موعدنا يوم 20 يوليو
دي الاوراق اللي السفارة كانت طالباها بالظبط وهتلاقوا كل حاجة على موقع السفارة
==================================================
- نموذج الطلب ممكن تملاه بايدك او على الكمبيوتر وتطبعه
- صوره شخصيه 3 في 4
- شهاده تحركات من مجمع التحرير وتكون مترجمه للي اول مرة ياخد شنجن لو خدتها قبل كده خلاص مش لازم تطلعها
- صور من كل صفحات الجواز اللي فيها اختام او تاشيرات
- البطاقة الشخصية وتكون مترجمه
- خطاب تعريف من الشغل او من الجامعه لو انت طالب واحنا طلعناها من الجامعه عشان طلاب وتكون بالانجليزي او مترجمه
- حجز طيران وهمي وعملته من مكتب سياحة ب 30 جنيه
- حجوزات فنادق وكانت كلها من بوكينج
- تأمين صحي لمده الرحله وكان سعره 125 جنيه من مكتب سياحي
- وطبعا اهم حاجة كشف الحساب واهم حاجة يكون في حركات كثيرة حتى لو فيه مليون جنيه وحركاته ضعيفه ما يسواش عندهم ( انا قدمت حساب فيه 27 الف جنيه وفيها حركات كتيره)
- خطاب تكفل بالمصاريف لو انت معندكش كشف حساب ومقدم بالكشف بتاع حد من اهلك وده طبعا لازم تكون طالب لكن لو بتشتغل مينفعش ويكون مختوم من البنك
في ورقه احنا قدمناها اضافيه كانت جدول كامل بالرحله وبالاماكن اللي هنزورها كل يوم وطبعا هي غير مطلوبه ولكن لاثبات الجدية
===================================================
انا كان عندي مشكلة وحيده وانا بقدم ان صاحبي اللي مقدم معايا كان جايب خطاب التكفل بالمصاريف مش مختوم من البنك ومكتوب في النص بتاعه "طبقا للقوانين الفرنسية " وللاسف مكتشفناش كده الا واحنا في المكتب بس توكلنا على الله وقدمنا وكان في احتماليه رفض كبيرة لكن الحمد لله مشيت وخدناها
في حاجة كمان الفيزا طلعت في 4 ايام بالظبط بتروح السفارة تستلم ظرف فيه الجواز طبعا واحنا رايحين كان عندنا احتمالية 90 % اننا اترفضنا لانها طلعت بسرعه جدا قلنا اكيد ادونا رفض ازاي هتطلع في 4 ايام بس لكن طلعت الحمد لله
الخلاصة من التجربة دي :
- حاول تقدم مع واحد صاحبك او اي حد تبين انك رايح معاه عشان تبقى فرصتك افضل
- كشف الحساب لازم يكون في حركات كتيرة مش مهم في فلوس كتيرة على قد ما في حركات
- لو انت رايح اكتر من بلد في اوروبا متقلهمش كده قولهم انا رايح بلدكم بس واعمل حجوزاتك الوهمية كلها على الاساس ده
- الموضوع كله عايز تظبيط ورق مش اكتر
ولو في حد محتاج اي سؤال انا موجود
اولا كنت مقرر انا وواحد صاحبي اننا نسافر اوروبا في اجازة الصيف وكنا قررنا نروح لاوروبا الشرقيه التشيك والمجر وبولندا ولكن للاسف مكانش في اي مواعيد في السفارات دي طبعا لانه موسم وتلاقي كل السفارات مواعيدها فل في الصيف او المواعيد بعيده متنفعش مع الوقت اللي عايزين نسافر فيه
بعد يحث لمده طويله اخيرا لاقينا موعد في سفارة اسبانيا وكان موعدنا يوم 20 يوليو
دي الاوراق اللي السفارة كانت طالباها بالظبط وهتلاقوا كل حاجة على موقع السفارة
==================================================
- نموذج الطلب ممكن تملاه بايدك او على الكمبيوتر وتطبعه
- صوره شخصيه 3 في 4
- شهاده تحركات من مجمع التحرير وتكون مترجمه للي اول مرة ياخد شنجن لو خدتها قبل كده خلاص مش لازم تطلعها
- صور من كل صفحات الجواز اللي فيها اختام او تاشيرات
- البطاقة الشخصية وتكون مترجمه
- خطاب تعريف من الشغل او من الجامعه لو انت طالب واحنا طلعناها من الجامعه عشان طلاب وتكون بالانجليزي او مترجمه
- حجز طيران وهمي وعملته من مكتب سياحة ب 30 جنيه
- حجوزات فنادق وكانت كلها من بوكينج
- تأمين صحي لمده الرحله وكان سعره 125 جنيه من مكتب سياحي
- وطبعا اهم حاجة كشف الحساب واهم حاجة يكون في حركات كثيرة حتى لو فيه مليون جنيه وحركاته ضعيفه ما يسواش عندهم ( انا قدمت حساب فيه 27 الف جنيه وفيها حركات كتيره)
- خطاب تكفل بالمصاريف لو انت معندكش كشف حساب ومقدم بالكشف بتاع حد من اهلك وده طبعا لازم تكون طالب لكن لو بتشتغل مينفعش ويكون مختوم من البنك
في ورقه احنا قدمناها اضافيه كانت جدول كامل بالرحله وبالاماكن اللي هنزورها كل يوم وطبعا هي غير مطلوبه ولكن لاثبات الجدية
===================================================
انا كان عندي مشكلة وحيده وانا بقدم ان صاحبي اللي مقدم معايا كان جايب خطاب التكفل بالمصاريف مش مختوم من البنك ومكتوب في النص بتاعه "طبقا للقوانين الفرنسية " وللاسف مكتشفناش كده الا واحنا في المكتب بس توكلنا على الله وقدمنا وكان في احتماليه رفض كبيرة لكن الحمد لله مشيت وخدناها
في حاجة كمان الفيزا طلعت في 4 ايام بالظبط بتروح السفارة تستلم ظرف فيه الجواز طبعا واحنا رايحين كان عندنا احتمالية 90 % اننا اترفضنا لانها طلعت بسرعه جدا قلنا اكيد ادونا رفض ازاي هتطلع في 4 ايام بس لكن طلعت الحمد لله
الخلاصة من التجربة دي :
- حاول تقدم مع واحد صاحبك او اي حد تبين انك رايح معاه عشان تبقى فرصتك افضل
- كشف الحساب لازم يكون في حركات كتيرة مش مهم في فلوس كتيرة على قد ما في حركات
- لو انت رايح اكتر من بلد في اوروبا متقلهمش كده قولهم انا رايح بلدكم بس واعمل حجوزاتك الوهمية كلها على الاساس ده
- الموضوع كله عايز تظبيط ورق مش اكتر
ولو في حد محتاج اي سؤال انا موجود
