A
Ahmed Mamdouh
:: مسافر ::
من المشاكل المعتادة في التصوير إنك تكون بتصور مشهد فيه اختلاف جامد في الإضاءة. ناس واقفة في بلكونة مثلا وخلفهم السماء أو مبنى في الضل والشمس وراه. لو ظبط الكاميرا على الجزء المضيء الناس هاتطلع ضلمة ولو ظبطها على الجزء المظلم السماء هاتطلع بيضاء بدون أي تفاصيل. وده لإن الكاميرات مش بتقدر تتعامل مع فرق كبير في الإضاءة في نفس الصورة. والفرق ده اسمه الديناميك رينچ وكل ما الكاميرا تبقى أغلى والسنسور بتاعها أكبر بيزيد هذا المجال بين أغمق وأفتح نقطة تقدر تصورهم في نفس الصورة لكن بحدود وعمره ما يجيب الشمس مع الضل في نفس الوقت بوضوح.
من الحلول السهلة لهذه المشكلة إنك تستخدم فلاش خفيف لو بتصور ناس قريبة منك بالنهار. ضوء الفلاش هينورهم وساعتها تقدر تظبط الكاميرا على السماء إللي وراهم. لكن لو بتصور حاجة كبيرة أو بعيدة الفلاش مش هينفع. حل تاني إنك تثبت الكاميرا وتاحد صورتين. واحدة مظبوطة على السما وواحدة مظبوطة على الجزء الظل وبعد كدة تجمعهم في صورة واحدة. وممكن أكتر من صورتين كمان حسب طبيعة المشهد ودرجة المهارة للمصور.
من يومين كنت بأقلب في صور قديمة لقيت صورتين في روما من 5 سنين صورتهم بالطريقة دي علشان أجرب أجمعهم في صورة واحدة ونسيت. جربت الموضوع ده لأول مرة ودي النتيجة.
روما 2012
من الحلول السهلة لهذه المشكلة إنك تستخدم فلاش خفيف لو بتصور ناس قريبة منك بالنهار. ضوء الفلاش هينورهم وساعتها تقدر تظبط الكاميرا على السماء إللي وراهم. لكن لو بتصور حاجة كبيرة أو بعيدة الفلاش مش هينفع. حل تاني إنك تثبت الكاميرا وتاحد صورتين. واحدة مظبوطة على السما وواحدة مظبوطة على الجزء الظل وبعد كدة تجمعهم في صورة واحدة. وممكن أكتر من صورتين كمان حسب طبيعة المشهد ودرجة المهارة للمصور.
من يومين كنت بأقلب في صور قديمة لقيت صورتين في روما من 5 سنين صورتهم بالطريقة دي علشان أجرب أجمعهم في صورة واحدة ونسيت. جربت الموضوع ده لأول مرة ودي النتيجة.
روما 2012