كنت سألت في الجروب أن كان حد جرب يسأل المضيفين...

[Christine Nashat Salib]

بص فيه انواع لانشون مدخن و سمون فوميه بيكون معلب تحت ضغط هواء ... محفوظ يعنى و تاخد معاك عيش بيتى بان و تعمل اللى انت عايزه فى وقت فطارك ... بلاش اكل الطيارة مش مضمون و هيبوظ و كمان هما مش بيوفقوا بكدة ... و لو حاولت تحطه فى علبة المنظر مش هيكون لطيف

 

[Sarah Ghaly]

تلف الأكل ازاي معلش؟؟ ماهو في الحاله العاديه الرحله بتطلب كاترينج في حالة الصيام مفيش وكمان الاكل لازم يتحط فال oven ويتاكل في ساعتها لأنه مجمد

 

[Mohamed Fashwan]

رجاء البوستات اللي بتدني من سمعة وقيمة الشخص المصري بلاش منها، يعني مع إحترامي الكامل ليك وصلت انك تبعت ايميل للشركة وتنتظر ردها علشان تغلفلك الوجبة اليتيمة او تديهالك تيك اواي
حوش شوية وحاول تجيب اكل من أي مطعم او ممكن تاجل فكرة السفر لما تبقى قادر ماديا

 

[Mohamed Ibrahim]

مصر للطيران بتدهالك عادي

 

[Pansy Mohamed]

لانش بوكس المتقسم و حط الاكل فيه و بعدين ف شنطتك

 

[Sameha Mohamed Hussien]

لا طبعا، هات معاك علبة و حط الاكل فيه،انت دافع تمن الاكل ده و كمان اكل الطيارة فيه لذة حتي لو كان معلقة رز،مش هيخسر، هو طيران ايه؟

 

[Mona Moussa]

حضرتك لو محتاجها لفها انت وحطها في شنطة ايدك اصلا محدش هايقولك وديت الاكل فين وشوفت كذا حالة كدا قدامي كانوا بيلفوا الأكل وياخدوه بمعرفتهم..أنت ادرى واحد بظروفك ومن حقك أنت تعبت عشان اوفر تمن الرحلة ومصاريفك هناك انت اولى بكل حاجة

 

[Ahmed Naguib]

انا سافرت السنة اللى فاتت فى رمضان على مصر الطيران و كانوا بيدوا لكل راكب وجبة مغلفة جاهزة اصلا

 

[Alaaddin Elshazly]

وانت ليه معذب نفسك ما تفطر مش لازم تصوم ده ربنا مسهل ديننا يعني مش مصعبه انت على سفر افطر يوم او اتنين بتوع الطيارة اين كان ولما ترجع عوضهم افضلك عشان ماتتبهدلش انا شخصيا عملت كده كنت في الاول صايم بس لما لقيت اني هصوم 20 ساعه وكمان مانمتش وعايز انا ومش قادر ولسه هوصل ورايا سفر تاني فطرت في الطيارة ورجعت مصر عوضت اليوم ولا ال2 الي صومتهم

 

[Mohamed Ibrahim]

معلش يا ناس اكل طياره عن طياره بيفرق ممكن يكون راكب الاماراتيه اكلهم حلو صراحه فالراجل عنده حق

 

[Mohammad Abdul Aziz]

الخطوط المصريه بيلفلك الاكل لو الطيران في وقت الصيام بس يمكن عشان هو عارف ان بطن المصري متعوده عالاكل البايظ فمش هيحصله حاجه والله اعلم

 

[Akram Shama]

رأيي تاخد أكلك معاك زي ما هما بيقولوا وريح نفسك

 

[Mohamed Hassan]

انت حر

 

[Mohamed Alsayed]

طيب ما تفطر اليوم ده يعني مش عارف هتبات في المطار ولا في هوستيل وبهدله وربنا مديك رخصة استخدمها

 

[Medo Elshamy]

طيران الاتحاد كان معايا حد نايم و ادتني وجبته خدناها عادي

 

[Esraa Ali]

متاخدش اي نوع لحوم معاك ولا لانشون ولا روز بيف ولا اي حاجه من ده تماما لان معظم الدول بتمنع دخول اللحوم عشان بيخافوا يكون في فيرس ف بتتسحب منك وانت في المطار وبتتعدم ..ممكن تاخد تونه وتاخد جبنه شيدر مثلا او رومي ونوتيلا احسن اختيارات

 

[Ramy Bic Shehata]

كيلو نواعم عجوه يعيشك شهر

 

[Fady Essam]

فعﻻ في مطارات في اوروبا خصوصا بتمنع الدخول بأي نوع من الاكل سواء وسعات بيدفعوك غرامه كمان

 

[Nash Gl]

معلش انا سمعت قبل كده من كابن كرو ان اكل الطيارة لما بيبرد مش بيبقى صالح للاكل .. فالاحسن متعتمدش عليه و تاخد سندوتشات معاك و انت مسافر مش حيحصلها حاجة

 

[Islam Fares]

انا كنت فاكر ان الكلام ده هزار ..