كنت سألت في الجروب أن كان حد جرب يسأل المضيفين...

[Yasser Mohamed Ata]

كنت سألت في الجروب أن كان حد جرب يسأل المضيفين في الطائرة أن هما يلفوا الاكل علشان رمضان وكده، فبعت ايميل لشركة الطيران قالولي
As different countries have different regulations at customs, we can not guarantee that it will be possible to pack your meal, and take this off the plane.Please be advised that for most countries, upon arrival, airplane food is not permitted to be taken off the aircraft.
هل رايكم كده استسلم للأمر الواقع ده؟ ولا ايه؟.
ومعلش لو نصايح اخذ ايه معايا من مصر اعتمد عليها بشكل أساسي لمدة يوم أو يومين علشان الصيام وكده خصوصا أن رايح بلد غالية جدا جدا، شكرا

 

[Bahaa Aldeen Farouk]

انا معلش مش فاهم اي استسلام لأمر واقع !! , أكل الطياره كله معلقتين رز و بيف أو شيكن عباره عن قطمتين , و ربع كوباية بيبسي , فالصراحه مش شايف الموضوع مستاهل كل التعب ده و ايميلات
انصحك خد معاك علبتين تونه و علبتين لانشون و زي الفل

 

[Sara Saeed]

تلف ايه معلش !??!
أكل الطياره !!

 

[Soso Mandour]

اعمل ساندوتشات لو عايز بعيش ريتش باك اي حاجه جبنه وممكن حلاوه وممكن فراخ بانيه وممكن كفته اي حاجه بدون طماطم حتعيش معاك يومين

 

[Omnia Safie]

تونة فعلا حل كويس
وممكن تاخد معاك جبن كمان للسحور، رومي و شيدر و مثلثات، وعلب فول

 

[Hussain Elsayed]

والله ياعم انا كنت مسافر علي الإماراتية 380 وكان عدد الركاب صغير والطيارة كبيرة فالمضيفه مشافتنيش وقت تقديم الوجبه اتكسفت انده عليها واقولها تعالي هنا جيبيلي وجبه ، مش استسلام وحرب

 

[Yasser Mohamed Ata]

مجرد توضيح، أنا عندي ترانزيت طويل جدا، فمش عارف لسه هابات في المطار ولا اروح هوستيل، علشان كده باحط فرضية أن هاقعد في المطار فعلشان كده باقول التونة مش هتنفع

 

[Osama Malik]

طيب بص في طريقة واحدة
ان انت تاخد معاك علبة بلاستيك في شنطتك وتضع فيها الوجبة لما تتقدم لك
بس هتبقى محرجة شوية لكن عادي هي حقك وانت صايم

 

[Kareem Nabawy]

و تصوم ليه اصلا و انت على سفر !

 

[Sara Saeed]

خد لانش بوكس معاك وجطها شنطه ايدك
حط فيها سندوتشات جبن وحلاوه ومربي .دول مش بيبوظه .
وخد معاك خضار وفاكهه.هي العلبه اصلا بتبقي متقسمه. وخد معاك بردو التونه تحسبا

 

[Ahmed Samir]

أن الله يحب أن تؤتي رخصه .

 

[Abdullah Elashmony]

انت ليك رخصة افطار وانت مسافر عادي
كمان اصلا سمعت انك ضروري تفطر ماينفعش تصوم علي طيارة!!

 

[Engy Elsayed]

المعلبات سهلت دة جدااا
كلة معلبات جبنة شكولاتة نوتيلا وتوست وتونة رومي مدخن عصاير كانز كلة معاك مغلف ومش هيتلف واحسن ليك

 

[Nermo Bela Nermo Bela]

اصلا وجبه الطياره لما بتبرد متتاكلش وهما معندهمش اي أطباق فوم او بلاستيك ينفع تديهالك تنزل بيها

 

[Heba Kandil]

انا هريحك وهكلمك كلام علمي ومنطقي ومش هقلل منك زي معظم الردود . انا فاهماك كويس و شفت حاجه مشابهه زي كده بس مش على طيارة . الرد كان ممنوع تلف الاكل وتاكله ف وقت تاني . لان الاكل لو عفن منك و حصللو اي تغيير وانت كلت الاكل دا و جالك تسمم هيتقال أن أكل الطيارة هو اللي عمل فيك كده . عشان كده الاماكن الحساسة زي شركات الطيران ممكن تمنع حاجه زي كده . ودا مش احتمال دا السبب الوحيد والاكيد واتقالتلي من شيف ف مكان كبير قبل كده .

 

[Luna Omar]

لا انصح بالتونه.. ممكن ساندوتش جنبه و بسكويت و عصاير لنش بوكس صغير.. لو هتقعد فترة يبقى جبنه مثلثات بقى و لنشون و عيش و بسكويت حاجات زى كدة.. بلاش حاجات تبوظ من الحرارة او تبهدلك لما تفتحها

 

[Luna Omar]

انا برضو مسافرة فى رمضان و موضوع انى افطر دا صعب الا لو فى نوبه صداع نصفى.. و هاخذ معايا حاجة خفيفة للاكل عشان الفطار بعد ما اوصل بشويه

 

[Luna Omar]

بس انا شفت حد عملها فى ايجيب اير

 

[Medhat Samy]

اكل الطيارة مش مضمون الأفضل تاخد معاك بلح و وجبه خفيفه

 

[Ahmed Mohsen]

افطر انت علا سفر. أن الله يحب أن تاتى رخصه