A
Ahmed Wageh
:: مسافر ::
************************************** المغرب *********************
في البدايه خالص انا بكتب الموضوع ده ك رد جميل مني للجروب ده والناس الحلوه وازاي انا استفدت منه في رحلتي دي والرحلاتي اللي قبل كده..
وانا شايف لو كل واحد شارك ولو بجزء صغير من المدن اللي بيسافرها هيكون عندنا موسوعه تحط على lonely planet ..
قبل ما ندخل في التفاصيل حبيت اشكر شعب المغرب ع كرم الضيافة وحسن التعامل مع السياح وبالاخص مع المصريين لان انا اللي انا شفتو بعيني غير اللي كنت بسمعو واللي كان بيظهر بينا في مطشات الكوره من تعصب ..
ملاحظات :
-المغرب مش محتاجه تصريح امني .. الفيزا هتبقى سهلة لو ورقك مظبوط وهتبقى صعبه لو الباسبور ابيض او كشف الحساب ضغيف.
-تيكت الطيران بيتغير كل يوم حرفيا ف اقعد تابع مصر للطيران ولو لقيت حجز اقل من 4500 احجز علطول لان كل ما موعد رحلتك يقرب كل لما التذكره هتغلى
-لما توصل المطار بالسلامه هتسال ع خط SIM هديه ممكن تعمل باقه نت 5 جيجا ب 50 درهم
-سعر الصرف الدولار ايام ما كنت مسافر كان 1$ = 9.8
-المواصلات في المغرب غالية جدا وفي نوعين من التاكسي ( grand taxi ) وده بيكون بالنفر زي مكروباص عندنا وبيكون بين المدن القريبه من بعض يعني مشوار ساعه او اتنين. تاني نوع (petit taxi) وده التاكسي العادي بالعداد طبعا .. السواقيين هناك مش بياخدو اكتر من حقهم يعني لو حسابهم 19 بيرجعولك درهم.
المواصلات الطويله ياريت تركب سوبرجيت انا جربت CTM وكانت كويسه جدا جدا
-الاكل في المغرب فوق الفظيع لدرجه الخيال من اشهر الاكلات هناك ( طجين \ كسكس \ بسليطه \ شوربه الحريره او البصارة ) بلاش المطاعم اللي زي Mac غاليه جدا وكمان انت مسافر عشان تجرب الاكل البلد اللي رايحها . الاكل الوجبه ممكن تكلفك من 25-40 درهم في المطاعم العاديه .
-الاتاي المغربي .. مش هكتب اي تفاصيل غير انك هتعشق الحاجه دي لما تجربها
-خد بالك من حاجتك وانت ماشي في الزنقات الضيقه او التجمعات زي ساحه جامع الفنا في نشالين كتير هناك زي اي بلد
-خد بالك من المطاعم اللي حوالين ساحه جامع الفنا عشان بينزلو حاجات انتو مش طلبنها وتلاقي السعر ضرب في السما
-الامان هناك عالي في المدن السياحيه بس برضو ميمنعش ان بيحصل حالات سرقه فبلاش تكون سعيد الحظ
-المغاربه بيحبو المصريين جدا جدا وبيبقو مبسوطين جدا لما بيتعملو معاك والافلام المصريه كانت عامله غزو في المجتمع المغربي ف ياريت تسيب بصمه كويسه في تعاملاتك معاهم
-بلاش كلام في السياسه وبلاش تجيب سيره الملك انت مسافر تنبسط وتشوف الدنيا بلاش تدخل نفسك في متاهات
-fresh buzz دي اهم من الباسبور بتاعك هناك .. مفيش شطافات في الحمام
-المصاريف هناك ممكن تعيش 150 درهم في اليوم لحد ما انت عاوز ف بلاش ونبي تسألني التكلفه كام ولا صرفت كام هتعبك معايا شويه وتخش تدور انت ع الفنادق و الهوستيل لان التكلفه دي تختلف من شخص للتاني .
-خاص بالشباب : اوعو تروحو Starbucks اللي في مراكش .. مش حلو ومش هيعجبكم
-البنت المصرية ممكن تسافر المغرب وهيا مطمنه الدنيا هناك احسن من هنا بكتير
-حاول تعمل صحاب مغاربه من النت قبل ما تروح هينفعوك اوي وهتتبسط جدا معاهم وممكن تعمل كده من couchsurfing او الناس اللي البيدج هنا للاسف مكنش ليا الشرف اني اتعرف عليهم في ناس كتير هنا
-فاصل لحد الصبح وانت بتشتري حاجه واعرف ان السعر اللي بتسمعو ده مضروب في 4 وانت هتاخد حاجه بربع التمن ده.
-في طريقتين عشان تلف بيهم المغرب
اول طريقه يا تبدا من الشمال وتنزل الجنوب (الرباط – طنجه – تطوان – شفشاون – فاس – مراكش ) او العكس
رحلتي كانت لمدة 9 ليالي / 10 ايام (من يوم 16-25 /4) زرت فيهم :
1-مراكش:
هتنزل في مطار كازا جوا المطار فيه محطه قطر .. هتاخد القطر اللي رايح مراكش سعر التذكره 138 درهم مغربي درجه تانيه.. الطريق تقريبا هياخد منك 4-5 ساعات.
تجربه القطر في المغرب بصراحه كانت من اسوء التجارب ودي كانت المره الوحيده اللي ركبت فيها قطر في المغرب لان الدرجه التانيه انت بتحجز تذكره وانت وحظك لو لقيت كرسي .. والمكيف مكنش شغال ف كانت بدايه مش لطيفه بس اول لما بتوصل محطه مراكش هتنسى كل ده ..
مراكش فيها منطقتين : منطقه جديده وابرز شارع فيها اسمو جليز ومنطقه قديمه اللي فيها ساحه جامع الفنا
اغلب الهوستيل في المنطقه القديمه وتعتبر المنطقه القديمه هيا قلب مراكش النابض
لو فنادق فهتلاقي اغلبهم في شارع جليز وما حول جليز.
انا كنت قاعد في هوستيل Rainbow marrkech سعر الليله كان 5$
هوستيل اديلو 5/10 ع قد فلوسو بصراحه
مراكش من احلا المدن واجمل المدن في المغرب وتعتبر المدينة السياحيه الاولى
في مراكش تقدر حاجات كتير هتعبك شويه واقولك بص ع trip advisor ..
برضو من مراكش ممكن تعمل day trip لوريكا او شلالات اوزود او تروح مدينه الصويرة
الرحلات دي ممكن تعملهم مع مكتب سياحي وممكن انت تزبطها مع نفسك وطبعا هتوفر كتير
لو هتروح اوريكا في هتركب grand taxi بالنفر وكانت تكلفتو 35 درهم للاتجاه الواحد
2-الصويرة :
مدينه جمب مراكش حوالي ساعتين بالسياره والمسافه تقريبا 200 كيلو متر
من المدن اللي حبتها بجد صغيره وعلى المحيط الاطلنطي من الاخر لو معاك وقت بلاش تفوتها
المدينه دي رحتها من مراكش بعد ما أجرنا عربيه انا واللي كانو معايا في الهوستيل
لان المشوار كان ب grand taxi مبالغ فيه بصراحه تقريبا 100 درهم للاتجاه الواحد ..
3-فاس :
من مراكش هتركب سوبر جيت CTM تقريبا مشوار 7 ساعات ونص وتكلفه الرحله حوالي 175 درهم ( المواصلات في المغرب غاليه جدا )
لو بتحب التاريخ والاثار والاكل المغربي ف المدينة دي هتتمنى تعيش فيها .. من الاخر المدينة دي كان ليها طابع خاص بالنسبه ليا لاني انا بحب التاريخ والاماكن الاثرية .. من اكتر المدن اللي في المغرب اللي تحس ان اهلها متأثروش اوي بالسياحه زي مراكش وطنجه.
المدينه القديمه في فاس تعتبر من اكبر المدن في المغرب وفيها جامع القرووين وهيا اقدم جامعه في التاريخ ..
الاكل المغربي في فاس يا جدعان مش ممكن .. لازم تجربوه
من فاس بقى تقدر تروح افران او مكناس بس للاسف انا مكنش معايا وقت كفايه في فاس ف مرحتش اي مدينه من دول ..
بلاش تمشي في المدينه القديمه بليل .. لان حالات التثبيت هناك كتيره ومنتشره ( مش عاوز حد من المغرب يزعل مني)
فاس كفايه عليها يومين وممكن في اليومين دول تزور افران او مكناس
انا قعدت في هوستيل اسمه fez dar بصراحه الهوستيل كان جديد وتحفه مبني ع الطراز المغربي 8 $
4- شيفشاون :
المدينه الزرقاء تقريبا من اشهر المدن اللي احنا نعرفها في المغرب .. طبعا هيا خدت شهرتها باللون الازرق للبيوت وطبيعه اللي حواليها
شفشاون كفايه عليها يوم واحد لان هيا اصلا تتلف في ساعتين بالكتير ف متضيعش وقت كتير لو وقتك كان ضيق زي
هتركب من فاس لشيفشاون برضو CTM تقريبا كان ب 75 درهم طريق 4 ساعات بس الطريق متعه لوحده لان الطبيعه في شمال المغرب معروفه وهتحس فعلا انك ماشي في اوروبا ..
ياريت تبقى حاجز الهوستيل في شيفشاون بدري شويه عشان الضغط ع المدينه دي كبير من
السياح الاجانب كمان والهوستيل مش كتير هناك ..
انا كنت حاجز في aline hostel تقريبا كان ب 6 $
ممكن من شيفشاون تعمل day trip لشلالات اقشور .. بس لو انت مش بتحب المشي الكتير بلاش تروح هناك
5-طنجه :
هتركب CTM مشوار ساعتين تقريبا وسعر كان 45 درهم
طنجه بقى شبه اسكندريه بس ع نظيف اوي .. بالكورنيش بتاعها وشوارعها ..
في طنجه التمشيه في الشوارع كفايه والكورنيش هناك حكايه ..
ممكن تروح هناك مغاره هرقل او راس اسبارطل ( المكان اللي بيتلاقى فيه البحر المتوسط بالمحيط الاطلنطي ) نصيحه مني روح هناك شوف الشروق او الغروب ..
ممكن من طنجه تروح مدينه اصيله ب Grand taxi تكلفه تقريبا 20 درهم للاتجاه الواحد
6- أصيله
مدينه شبه الصويرة صغيره وتتلف في نص ساعه انا كنت رايح هناك عشان اجرب الحمام المغربي واكل من عند ابا ادريس ( تقريبا احلا سمك هتكلو في المغرب )
7-كازابلانكا
هتركب CTM من طنجه ل كازا مشوار تقريبا 7 ساعات والرحله كانت ب 125 درهم
كانت ليا تجربة جميل اني اقعد مع عيله مغربيه من couchsurfing وكان اخر يوم ليا في المغرب وبجد كانت نهايتها مسك .. فعلا انا مشفتش السحر اللي بسمع عنو في المغرب غير سحر اخلاق والكرم والشهامة اللي في المغاربة
كازا بقى هتروح مسجد حسن الثاني وعين ذئاب و morocco mall اكبر مول في افريقيا
هتروح المطار بالقطر من محطه casa port او casa voyagerus وتقريبا سعر القطار كان 40 درهم
---------------------------------------------
المغرب كنز محدش يعرف عنو حاجه .. لازم تروح المغرب
في البدايه خالص انا بكتب الموضوع ده ك رد جميل مني للجروب ده والناس الحلوه وازاي انا استفدت منه في رحلتي دي والرحلاتي اللي قبل كده..
وانا شايف لو كل واحد شارك ولو بجزء صغير من المدن اللي بيسافرها هيكون عندنا موسوعه تحط على lonely planet ..
قبل ما ندخل في التفاصيل حبيت اشكر شعب المغرب ع كرم الضيافة وحسن التعامل مع السياح وبالاخص مع المصريين لان انا اللي انا شفتو بعيني غير اللي كنت بسمعو واللي كان بيظهر بينا في مطشات الكوره من تعصب ..
ملاحظات :
-المغرب مش محتاجه تصريح امني .. الفيزا هتبقى سهلة لو ورقك مظبوط وهتبقى صعبه لو الباسبور ابيض او كشف الحساب ضغيف.
-تيكت الطيران بيتغير كل يوم حرفيا ف اقعد تابع مصر للطيران ولو لقيت حجز اقل من 4500 احجز علطول لان كل ما موعد رحلتك يقرب كل لما التذكره هتغلى
-لما توصل المطار بالسلامه هتسال ع خط SIM هديه ممكن تعمل باقه نت 5 جيجا ب 50 درهم
-سعر الصرف الدولار ايام ما كنت مسافر كان 1$ = 9.8
-المواصلات في المغرب غالية جدا وفي نوعين من التاكسي ( grand taxi ) وده بيكون بالنفر زي مكروباص عندنا وبيكون بين المدن القريبه من بعض يعني مشوار ساعه او اتنين. تاني نوع (petit taxi) وده التاكسي العادي بالعداد طبعا .. السواقيين هناك مش بياخدو اكتر من حقهم يعني لو حسابهم 19 بيرجعولك درهم.
المواصلات الطويله ياريت تركب سوبرجيت انا جربت CTM وكانت كويسه جدا جدا
-الاكل في المغرب فوق الفظيع لدرجه الخيال من اشهر الاكلات هناك ( طجين \ كسكس \ بسليطه \ شوربه الحريره او البصارة ) بلاش المطاعم اللي زي Mac غاليه جدا وكمان انت مسافر عشان تجرب الاكل البلد اللي رايحها . الاكل الوجبه ممكن تكلفك من 25-40 درهم في المطاعم العاديه .
-الاتاي المغربي .. مش هكتب اي تفاصيل غير انك هتعشق الحاجه دي لما تجربها
-خد بالك من حاجتك وانت ماشي في الزنقات الضيقه او التجمعات زي ساحه جامع الفنا في نشالين كتير هناك زي اي بلد
-خد بالك من المطاعم اللي حوالين ساحه جامع الفنا عشان بينزلو حاجات انتو مش طلبنها وتلاقي السعر ضرب في السما
-الامان هناك عالي في المدن السياحيه بس برضو ميمنعش ان بيحصل حالات سرقه فبلاش تكون سعيد الحظ
-المغاربه بيحبو المصريين جدا جدا وبيبقو مبسوطين جدا لما بيتعملو معاك والافلام المصريه كانت عامله غزو في المجتمع المغربي ف ياريت تسيب بصمه كويسه في تعاملاتك معاهم
-بلاش كلام في السياسه وبلاش تجيب سيره الملك انت مسافر تنبسط وتشوف الدنيا بلاش تدخل نفسك في متاهات
-fresh buzz دي اهم من الباسبور بتاعك هناك .. مفيش شطافات في الحمام
-المصاريف هناك ممكن تعيش 150 درهم في اليوم لحد ما انت عاوز ف بلاش ونبي تسألني التكلفه كام ولا صرفت كام هتعبك معايا شويه وتخش تدور انت ع الفنادق و الهوستيل لان التكلفه دي تختلف من شخص للتاني .
-خاص بالشباب : اوعو تروحو Starbucks اللي في مراكش .. مش حلو ومش هيعجبكم
-البنت المصرية ممكن تسافر المغرب وهيا مطمنه الدنيا هناك احسن من هنا بكتير
-حاول تعمل صحاب مغاربه من النت قبل ما تروح هينفعوك اوي وهتتبسط جدا معاهم وممكن تعمل كده من couchsurfing او الناس اللي البيدج هنا للاسف مكنش ليا الشرف اني اتعرف عليهم في ناس كتير هنا
-فاصل لحد الصبح وانت بتشتري حاجه واعرف ان السعر اللي بتسمعو ده مضروب في 4 وانت هتاخد حاجه بربع التمن ده.
-في طريقتين عشان تلف بيهم المغرب
اول طريقه يا تبدا من الشمال وتنزل الجنوب (الرباط – طنجه – تطوان – شفشاون – فاس – مراكش ) او العكس
رحلتي كانت لمدة 9 ليالي / 10 ايام (من يوم 16-25 /4) زرت فيهم :
1-مراكش:
هتنزل في مطار كازا جوا المطار فيه محطه قطر .. هتاخد القطر اللي رايح مراكش سعر التذكره 138 درهم مغربي درجه تانيه.. الطريق تقريبا هياخد منك 4-5 ساعات.
تجربه القطر في المغرب بصراحه كانت من اسوء التجارب ودي كانت المره الوحيده اللي ركبت فيها قطر في المغرب لان الدرجه التانيه انت بتحجز تذكره وانت وحظك لو لقيت كرسي .. والمكيف مكنش شغال ف كانت بدايه مش لطيفه بس اول لما بتوصل محطه مراكش هتنسى كل ده ..
مراكش فيها منطقتين : منطقه جديده وابرز شارع فيها اسمو جليز ومنطقه قديمه اللي فيها ساحه جامع الفنا
اغلب الهوستيل في المنطقه القديمه وتعتبر المنطقه القديمه هيا قلب مراكش النابض
لو فنادق فهتلاقي اغلبهم في شارع جليز وما حول جليز.
انا كنت قاعد في هوستيل Rainbow marrkech سعر الليله كان 5$
هوستيل اديلو 5/10 ع قد فلوسو بصراحه
مراكش من احلا المدن واجمل المدن في المغرب وتعتبر المدينة السياحيه الاولى
في مراكش تقدر حاجات كتير هتعبك شويه واقولك بص ع trip advisor ..
برضو من مراكش ممكن تعمل day trip لوريكا او شلالات اوزود او تروح مدينه الصويرة
الرحلات دي ممكن تعملهم مع مكتب سياحي وممكن انت تزبطها مع نفسك وطبعا هتوفر كتير
لو هتروح اوريكا في هتركب grand taxi بالنفر وكانت تكلفتو 35 درهم للاتجاه الواحد
2-الصويرة :
مدينه جمب مراكش حوالي ساعتين بالسياره والمسافه تقريبا 200 كيلو متر
من المدن اللي حبتها بجد صغيره وعلى المحيط الاطلنطي من الاخر لو معاك وقت بلاش تفوتها
المدينه دي رحتها من مراكش بعد ما أجرنا عربيه انا واللي كانو معايا في الهوستيل
لان المشوار كان ب grand taxi مبالغ فيه بصراحه تقريبا 100 درهم للاتجاه الواحد ..
3-فاس :
من مراكش هتركب سوبر جيت CTM تقريبا مشوار 7 ساعات ونص وتكلفه الرحله حوالي 175 درهم ( المواصلات في المغرب غاليه جدا )
لو بتحب التاريخ والاثار والاكل المغربي ف المدينة دي هتتمنى تعيش فيها .. من الاخر المدينة دي كان ليها طابع خاص بالنسبه ليا لاني انا بحب التاريخ والاماكن الاثرية .. من اكتر المدن اللي في المغرب اللي تحس ان اهلها متأثروش اوي بالسياحه زي مراكش وطنجه.
المدينه القديمه في فاس تعتبر من اكبر المدن في المغرب وفيها جامع القرووين وهيا اقدم جامعه في التاريخ ..
الاكل المغربي في فاس يا جدعان مش ممكن .. لازم تجربوه
من فاس بقى تقدر تروح افران او مكناس بس للاسف انا مكنش معايا وقت كفايه في فاس ف مرحتش اي مدينه من دول ..
بلاش تمشي في المدينه القديمه بليل .. لان حالات التثبيت هناك كتيره ومنتشره ( مش عاوز حد من المغرب يزعل مني)
فاس كفايه عليها يومين وممكن في اليومين دول تزور افران او مكناس
انا قعدت في هوستيل اسمه fez dar بصراحه الهوستيل كان جديد وتحفه مبني ع الطراز المغربي 8 $
4- شيفشاون :
المدينه الزرقاء تقريبا من اشهر المدن اللي احنا نعرفها في المغرب .. طبعا هيا خدت شهرتها باللون الازرق للبيوت وطبيعه اللي حواليها
شفشاون كفايه عليها يوم واحد لان هيا اصلا تتلف في ساعتين بالكتير ف متضيعش وقت كتير لو وقتك كان ضيق زي
هتركب من فاس لشيفشاون برضو CTM تقريبا كان ب 75 درهم طريق 4 ساعات بس الطريق متعه لوحده لان الطبيعه في شمال المغرب معروفه وهتحس فعلا انك ماشي في اوروبا ..
ياريت تبقى حاجز الهوستيل في شيفشاون بدري شويه عشان الضغط ع المدينه دي كبير من
السياح الاجانب كمان والهوستيل مش كتير هناك ..
انا كنت حاجز في aline hostel تقريبا كان ب 6 $
ممكن من شيفشاون تعمل day trip لشلالات اقشور .. بس لو انت مش بتحب المشي الكتير بلاش تروح هناك
5-طنجه :
هتركب CTM مشوار ساعتين تقريبا وسعر كان 45 درهم
طنجه بقى شبه اسكندريه بس ع نظيف اوي .. بالكورنيش بتاعها وشوارعها ..
في طنجه التمشيه في الشوارع كفايه والكورنيش هناك حكايه ..
ممكن تروح هناك مغاره هرقل او راس اسبارطل ( المكان اللي بيتلاقى فيه البحر المتوسط بالمحيط الاطلنطي ) نصيحه مني روح هناك شوف الشروق او الغروب ..
ممكن من طنجه تروح مدينه اصيله ب Grand taxi تكلفه تقريبا 20 درهم للاتجاه الواحد
6- أصيله
مدينه شبه الصويرة صغيره وتتلف في نص ساعه انا كنت رايح هناك عشان اجرب الحمام المغربي واكل من عند ابا ادريس ( تقريبا احلا سمك هتكلو في المغرب )
7-كازابلانكا
هتركب CTM من طنجه ل كازا مشوار تقريبا 7 ساعات والرحله كانت ب 125 درهم
كانت ليا تجربة جميل اني اقعد مع عيله مغربيه من couchsurfing وكان اخر يوم ليا في المغرب وبجد كانت نهايتها مسك .. فعلا انا مشفتش السحر اللي بسمع عنو في المغرب غير سحر اخلاق والكرم والشهامة اللي في المغاربة
كازا بقى هتروح مسجد حسن الثاني وعين ذئاب و morocco mall اكبر مول في افريقيا
هتروح المطار بالقطر من محطه casa port او casa voyagerus وتقريبا سعر القطار كان 40 درهم
---------------------------------------------
المغرب كنز محدش يعرف عنو حاجه .. لازم تروح المغرب
وفعلا السياسة خط احمر بتشتت صداقات هههههه... مرحبا بيك مرة تانية لبلدك انت بقيت واحد مننا