بالنسبة للسفر لاندونيسيا اول حاجة التصريح...

  • بادئ الموضوع بادئ الموضوع Nada Gamal Abdel Nasser
  • تاريخ البدء تاريخ البدء
عرض العطلة
N

Nada Gamal Abdel Nasser

:: مسافر ::
#1
بالنسبة للسفر لاندونيسيا
اول حاجة التصريح الامني انا مكتوب فنانة تشكيلية ف الباسبور واعتقد كدة ماليش تصريح صح؟
الحاجة التانية انا رايحة زيارة لاصدقاء هناك
فهل اما اكون ف المطار هيسألوني رايحة لمين وهل لازم يكون معايا اوراق رسمية تثبت معلومات اللي انا مسافرلهم؟ يعني العنوان ورقم البطاقة .. وهل المفروض يبعتولي زي دعوة استضافة من عندهم وللا مجرد يكون معايا معلومات عنهم وخلاص؟
وحاجة تالتة
انا قريت ان يكون معاك حد ادنى 1000 دولار وانت رايح اندونيسيا.. ومثلا انا معايا 300 دولار وقلت اصرف هناك بالكرديت كارد
فدي هتبقى مشكلة واني لازم اطلع مبلغ بالدولار قبل ما اروح؟
 
#2
بصى اناصاحبى كان فى اندونسيا وقعد هناك كتير وهودلوقتى فى مصر لوعايزة تاخدى رقمه وكلميه قوليله من طرفي وهوهيساعدك فى اى حاجة وكمان ع فكرة هو متجوز اندونسية
 
#4
الموضوع ابسط من كده بكتير

لما توصلي اندونيسيا هتقفي في طابور الجوازات وهتختمي دخول كانك داخلة مصر طبعا انتي لو داخلة مصر مبتحتاجيش فيزا وده اللي هيحصل هناك هتدخلي من غير فيزا ومن غير ماحد يسالك رايحة فين ولا جاية منين وخلي بالك لو سالوكي علي فلوس مقابل الفيزا طلعيلهم الباسبور وقوليلهم انك مش محتاجة فيزا لان معاكي الباسبور المصري
ورحلة سعيدة

ملحوظة انا عمري مارحت اندونيسيا بس دي من المعلومات اللي عرفتها هنا في الجروب
بس امان متخافيش
 
#5
اندونسيا كنت هناك من 7 شهور كده تقريبا لاتصريح امنى ولا فلوس ولا اى حد هناك تعرفيه ولا الكلام ده هو طابور الجوازات وبتختم وتخرج مش اكتر ولا لازم فلوس ولا اى حاجه
 
عرض العطلة
#6
مفيش داعي لاي قلق .. مش محتاجة فيزا لو هتقعدي فترة اقل من شهر .. لو هتقعدي اكتر من شهر يبقى لازم تقدمي على فيزا في مصر ..

في المطار محدش هيسالك على حاجة هتختمي على طول .. بس الافضل ان دخولك يكون عن طريق مطار جاكرتا او بالي ..

مش هتحتاجي تصريح امني ..

محدش هيسالك على فلوس .. لو هتستخدمي كريدت هنا الافضل تبلغي البنك في مصر انك مسافرة اندونيسيا لان بعض البنوك اول ما بتستخدمي الفيزا في اندونيسيا بتوقفها على طول للامان

رحلة سعيدة ..
 
#7
انا كنت هناك ورجعت ليا ثلاث اسابيع بالنسبة للدخول بمجرد نزولك في مطار جاكرتا يعطيك التاشيرة موظف الجوزات بحوالي 35 دولار مدتها شهر بدون ما يسالك اي سؤال ولو قرب انتهاء الشهر ومازلتي عاوزه تمددي ممكن تمشي لاقرب فرع جوزات وتمددي شهر تاني وتدفعي حوالي 300 الف روبيه اللي هيا حوالي 25 دولار وخدي بالك لما تنزلي فالمطار فيه باص خاص سعره رخيص يوصلك لوسط المدينة افضل من التاكسي اللي اسعارهم خيالية .. رحلة سعيدة
 
عرض العطلة
عرض العطلة
أعلى أسفل
عودة
قائمة