ايه أكتر صدفه حصلتلك اثناء السفر ؟

  • بادئ الموضوع بادئ الموضوع Moh Mah
  • تاريخ البدء تاريخ البدء
عرض العطلة
#61
انا كل ال حصل معايا كلة تاخير عن ميعاد الكونتر مرة وانا راجع من ابوظبي لمصر ترانزيت ف الدوحة لحقت الطيارة كنت اخر واحد بمعنى الكلمة كانو قفلو باب الجيت وفتحوها تانى كنت الاخير والمرة التانية كنت ترانزيت بدبى ومسافر لبوكيت وندهو عليا علشان الجيت حتقفل ووصلت الاخير كالعادة وانا راجع من بوكيت ترانزيت دبي بردو اخر واحد واكبر حاجة وانا راجع من دبي لبرج العرب واصل المطار قبل ميعاد الطيارة بنص ساعة بمعنى الكلمة لقيت الكونتر قفل المهم وزنت ف كونتر تانى وخلصت كل الاجراءات وعملت شوبينج ولحقت الطيارة كاعادة
اغلب سفرى كلة تاخير عن ميعاد الكلوز للكونتر تقولو اية مصرى بقا
 
#63
كنت رايح من باريس للمطار عشان اروح روما وحجزت بلا بلا كار والسواق مابيتكلمش الا فرنساوى ومش قادر اتعامل معاه ولما اتجمعنا فى المكان لقيت شاب ايطالى كان بيترجملى الحوار انجليزى لغاية ماعرفت انه ايطالى فضلنا نتكلم ايطالى لغاية ماوصلنا المطار واكتشفنا اننا طالعين على نفس الرحلة وقاعديين جمب بعض عالطيارة ولما وصلنا روما ماكانش فيه مواصلات وهو اللى وصلنى مكان سكنى.
 
#65
كنت في مؤتمر في فندق في شرم الشيخ ولقيت واحد عارفني وطلع من بلدي وطلع شغال شيف في الفندق وسألني على رقم الغرفة ولما رجعت لقيته مظبطني
الصدفة الأغرب بقى وأنا في الغردقة في شهر العسل مطعم الفندق كان مقدم سمك فيليه حلو قوي ... روحت أكلم الشيف تخيلوا طلع مين؟!
شيف تاني غير بتاع شرم الشيخ ... آه والله
 
عرض العطلة
#66
لقيت واحد صاحبى على الطياره
و الصدفه انه حاجز على نفس رحلة العوده
و الصدفه الاكتر انه نازل فى نفس الاوتيل
 
#68
اكبر صدفة روحنا نتفرج على سيرك عالمى طلع مدرب الاسود مصرى واسمه حمادهشكل مافيش غير المصريين اللى بيدربوا اسود
 
عرض العطلة
#71
انا سافرت حوالى 28 دوله عملت فيها اجمل علاقات زصداقات مو كنت اتوقعها وهذا من فضل ربى بجد وقابلت الحلو وقابلت الوحش ودخلت اكتر من اميجريشن فى تحقيقات متل مطار نيويورك ومطار تورنتو وامستردام وهذا يعلمنى الكثير بالاستفاده بصداقه شخصيات كتيره ومرموقه
 
#72
كنا بنسافر نشتغل فى امريكا واحنا طلبه بس فى الصيف بس انا من صعيد مصر يوم طالع ع الشغل الصبح قوم اخبط فى واحد كتف بكتف فى محطه المترو ألاقيه واحد صاحبي جداا من نفس المدينه انا منها في مصر الكلام دا كأن فى نيوجيرسي جيرسي سيتي جورنال سكوير ١٩٩٩ الولايات المتحدة .قاعدنا باصين لبعض لمده ثواني كدا الي هو للدرجادي الدنيا صغيره ..
 
#73
قصة ظابط ماليزيا .....
كنت مسافر من تايلند لماليزيا ونزلت الجمارك اعمل حاجه اسمها ايقاف للفيزا علشان لو حبيت ارجع تاني اكمل الايام اللي باقيه ليا ارجع ... اتأخرت شويه مع ظابط الجمارك والباص اخد الشنطه بتاعتي بالفلوس والهدوم وكل حاجه ومشي كان معايا موبايلي و٢٠٠دولار في الجيب الصغير في البنطلون لأي ظروف .... طبعا دخلت علي الحدود الماليزيه والخط التايلندي وقف ومش شغال .... طلعت من الجمارك ملقتش الباص فا بسأل قالو مشي من ربع ساعه قولتلهم قشطه يلا نلعب بقه لعبه حلوه .....
في واحد واقف ومعاه موتسيكل (اوتوباي) المهم قولتله بعد اذنك وصلني لبوابة الجمارك الماليزيه قالي هاخود منك حوالي ٥ دولار قولتله اوك مش مشكله .. ركبت واول ما وصلني بيقولي الفلوس قولتله في سجن ليك ينفع ؟؟ قالي ازاي رفعتله الموبايل بصورتي في الجيش وقولتله اني ظابط في المخابرات الامريكيه الواد قال يا فكيك ...
رحت علي ظابط الجوازات ختمت دخول ورحت ماشي علي مكتب القياده وداخل ع الظابط المحترم اللي معايا ف الصوره ده .... قولتله حصل معايا كذا كذا قالي منقدرش نعملك حاجه الباص تايلندي مش ماليزي ومشي ... قولتله طب ممكن مكالمه من موبايلك قالي اوك كلمت واحد صاحبي في مالزيا وبعد ما خلصت قولتله انا كلمت السفاره عندنا والقنصل هيتوجه الوقتي لمبني وزارة الداخليه ويحل الموضوع قالي انت مين قولتله ظابط في المخابرات المصريه وجاي اعمل تقارير عن اللاجئين السياسيين المصريين في البلد هنا،،،،،،،
قالي طيب اتفضل وشربت عصير ووانا بشرب عصير نده ع العسكري ده وقاله هاتلي ارقام الباصات اللي جايه من تايلند ... خمس دقايق وكان ارقام الباصات موجوده اتصل بأول كمين بعد الحدود وقاله باص رقم كذا اللي جاي من تايلند وقفه وفعلا بعد ساعه ظابط الكمين اتصل قاله الباص واقف والسواق معايا قام المحترم ده مكلم السواق مطلع ميتين اهله وقاله هتوصل المحطه تقف هناك لحد ما يجي واحد ياخود منك الشنطه وفعلا كلمت واحد صاحبي انتظر الباص في العاصمه كوالامبور واديته رقم الباص ورقم السواق وخد الشنطه ...
الظابط ده انا دخلت عليه المكتب الساعه ١٢ الا ١٠ بليل وكان المفروض يمشي ١٢ فضل مستني لحد ما صاحبي اخد الشنطه وروح الساعه ٤ الفجر. ورجعلي تاني الساعه ٦ الصبح وصلني لحد محطة الباص ..... طول الليل بقه بنحكي عن الاوضاع السياسيه وازاي بحقق مع السياسيين في المعتقلات والتقاريير بكتب فيها ايه وانواع السلاح عندنا واتصورت بسلاحه وصورته فيديو وهو بيشتم السيسي علي اساس انه بيقول النشيد الوطني المصري
كان معكم
#الظابط_سيد_عصام
من مكتب #مخابرات_رفح
X0I5TTk7K0RZVQi9Jhsb3AtfMOdHRpAC.jpeg
 
#74
اول ما دخلت الهوستيل في جورجيا لقيت حد بيسالني بالانجليزي منين فقلتله ايجيبت قالي يا اهلا وسهلا طلع مصري
 
عرض العطلة
#76
كنت نازل ترانزيت فى تركيا . ومعتمد على ساعة اليد .وعن طريق الصدفة بلعب فى الموبيل لقيت التوقيت اتغير . وكان فاضل نص ساعة بس على معاد الطيارة. لولا الصدفة دى كانت الطيارة هتوفتنى
 
#77
نازل ترانزيت عمان وانا رايح ماليزيا
وفمطار عمان اقابل واحد كان معايا في الثانوية من اكتر من ١٢ سنة ماشفتوش وطلع انه رايح معايا ماليزيا فنفس الطيارة
 
#79
قبل ميعاد العوده من السفر باسبوع من فرنسا كنت في زياره لباريس وبعد العوده الي المدينة اللي كنت ساكن فيها نسيت جواز السفر بتاعي في الباص في طاولة الطعام والاتوبيس كان مكمل علي ايطاليا ... اخدت 4 ايام اروح محطة الباص 3 مرات في اليوم انتظر كل اتوبيس راجع وأساله علي الجواز او الباص ولكن علشان البلد محترم صاحبة السكن اللي كنت عندها اجرت اتصالات مع الشركة وتوصلت للجواز بتاعي في رابع يوم ... الشئ المؤسف في الموضوع اني طول الاربع ايام وانا بارن علي السفاره المصريه محدش فكر يرد عليا خلوني في نصف هدومي مع الفرنسيين كانوا بيقولولي ازاي مايردوش عليك وانت واقع في ورطه.
كنت عايز اقلهم التمس لاخيك المسلم 70 عذر.
 
#80
كنت في موسكو مع صاحبتي وعايزين نتصور في الكريملين جنب المدفع فكان فيه واحد واقف هناك بقولها استنى لما يخلص.
الراجل طلع دكتور مصري ومسافر يتفسح لوحده ومعاه مرشد سياحي .
وادالنا رقمه لو احتجنا حاجة في موسكو وقالنا على أماكن حلوة نروحها وبقى صديق من وقتها . المصريين في كل مكان
 
عرض العطلة
عرض العطلة
عرض العطلة
أعلى أسفل
عودة
قائمة